Gálatas 6
6
Ñi 'oonolec iuen da itauan ca lỹa
1Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi. 2Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.
3Cha'aye da huo'o ca ipi'itaxaatega da 'amaqtaqaic, qamaq nache qoỹena'am, nache camaye maiche natenachettapeguela't. 4Qaq ỹoqo'oye ñi 'oonolec iuen da maiche nmit da maiche lataxac. Da huo'otaq no'on, nache camaye ỹataqta machiguiñi souaxat nam ỹo'otpi, qalaxaye saishet da ỹe'enaxat da lataxac na laỹepi. 5Cha'aye ñi 'oonolec maiche ilo'ogue da lataxac da datato'ot Ñim Lo'onatac 'Enauacna.
6Cha'aye ca mashe ỹaỹateeta da napaxaguenataguec da la'aqtac Ñim Lo'onatac 'Enauacna, qaq camaye no'on da nhuaate' ca napaxaguenaxala' 'enauac nam no'on maye ỹaconeguet.
7Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi. 8Da qolaqtague' nam qauem qarqopitaxanaqtaic, nache da qarleuaxa chochaq tatec; qalaxaye da salaxasoxoguet So Saqcha'a Na'añaxac, nache qomi' taỹoto da nca'alaxa chochaq tatec. 9Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec. 10Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.
Ntelaqtaxanaxac qataq da pa'atec nquinaxanaxac
11Ne'ena maiche ỹalamaxat ỹerec. Ña qauloỹa naua ỹeraqa da ỹataqta lta'al. 12Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui. 13Cha'aye namayepi huo'o na na'anaxat na lo'oc, qalaxaye saishet da ỹalaxaguet na namaxasoxonaxacpi maye chegoqo'ot so Moisés. Nachaqrata da namayepi huo'o da lyaxa da qaỹo'ot ca qana'anaxache da yaqto' namayepi qami' na'amaqteetaleguete da qami' ỹañoxo't da qaỹauo'o ca qana'anaxache. 14Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu. 15Cha'aye ỹoqta 'eesa da sa iuen da huo'o ca na'anaxashet ca shiỹaxaua huo'otaq qaica. Cha'aye dam ỹataqta iuen ca shiỹaxaua, damaye nachera da dalaxaic lataxac 16Qaq Ñim Lo'onatac 'Enauacna ỹami' qome da nlagaxayec nam lataxac de'era, qataq ỹachaxana da lchoxonnataxanaxa nam lalamaxatpi Ñimaye.
17Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.
18Qami' ỹaqaỹa't, So Qarataxala' Jesucristo qami' ỹachaxanalo qome da lsoxoyec 'enauac da qoñiita. Aja', nache 'eetec.
Currently Selected:
Gálatas 6: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
Gálatas 6
6
Ñi 'oonolec iuen da itauan ca lỹa
1Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi. 2Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.
3Cha'aye da huo'o ca ipi'itaxaatega da 'amaqtaqaic, qamaq nache qoỹena'am, nache camaye maiche natenachettapeguela't. 4Qaq ỹoqo'oye ñi 'oonolec iuen da maiche nmit da maiche lataxac. Da huo'otaq no'on, nache camaye ỹataqta machiguiñi souaxat nam ỹo'otpi, qalaxaye saishet da ỹe'enaxat da lataxac na laỹepi. 5Cha'aye ñi 'oonolec maiche ilo'ogue da lataxac da datato'ot Ñim Lo'onatac 'Enauacna.
6Cha'aye ca mashe ỹaỹateeta da napaxaguenataguec da la'aqtac Ñim Lo'onatac 'Enauacna, qaq camaye no'on da nhuaate' ca napaxaguenaxala' 'enauac nam no'on maye ỹaconeguet.
7Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi. 8Da qolaqtague' nam qauem qarqopitaxanaqtaic, nache da qarleuaxa chochaq tatec; qalaxaye da salaxasoxoguet So Saqcha'a Na'añaxac, nache qomi' taỹoto da nca'alaxa chochaq tatec. 9Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec. 10Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.
Ntelaqtaxanaxac qataq da pa'atec nquinaxanaxac
11Ne'ena maiche ỹalamaxat ỹerec. Ña qauloỹa naua ỹeraqa da ỹataqta lta'al. 12Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui. 13Cha'aye namayepi huo'o na na'anaxat na lo'oc, qalaxaye saishet da ỹalaxaguet na namaxasoxonaxacpi maye chegoqo'ot so Moisés. Nachaqrata da namayepi huo'o da lyaxa da qaỹo'ot ca qana'anaxache da yaqto' namayepi qami' na'amaqteetaleguete da qami' ỹañoxo't da qaỹauo'o ca qana'anaxache. 14Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu. 15Cha'aye ỹoqta 'eesa da sa iuen da huo'o ca na'anaxashet ca shiỹaxaua huo'otaq qaica. Cha'aye dam ỹataqta iuen ca shiỹaxaua, damaye nachera da dalaxaic lataxac 16Qaq Ñim Lo'onatac 'Enauacna ỹami' qome da nlagaxayec nam lataxac de'era, qataq ỹachaxana da lchoxonnataxanaxa nam lalamaxatpi Ñimaye.
17Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.
18Qami' ỹaqaỹa't, So Qarataxala' Jesucristo qami' ỹachaxanalo qome da lsoxoyec 'enauac da qoñiita. Aja', nache 'eetec.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.