2 Crónicas 3
3
So Salomón no'oxoosheguem aso atamnaxaqui
1So Salomón ỹacoolec co'ollaxa da no'oxoosheguem aso atamnaxaqui maye lalamaqte Ñim Nataxala', ỹanaña añi qasoxonaxa Moria maye naña ye Jerusalén, yem huaña co'ollaxa da Ñim Nataxala' nachaxana so David, maye lta'a somaye, nache ỹaachiguiña yem lchegoxosoxonqa' co'ollaxa da ichegoq na trigo so Ornán, som jebuseo, yem iqataxanai' co'ollaxa so David, da ñichiguiña naqa'en asomaye. 2Qaq co'ollaq ỹacoolec da no'oxoosheguem asomaye, nache huetoigui so na'a'q dos, so ca'agoxoic dos, co'ollaq mashe cuatro vi'iye da lo'onataxanaxac da nta'a somaye.
3So Salomón ỹo'ot so laloqnaxatpi da qaỹo'ot so lo'oxonaxala' aso atamnaxaqui maye lalamaqte Ñim Nataxala', qaq somaye ivi' veintisiete metros ye lalogaxa, qataq nueve metro ye lcategue, 4qaq so nanataxaqui maye dataỹaueegue aso atamnaxaqui, nache ivi' nueve metros ye lalogaxa, qataq nache 'ena'am ye lcategue, qataq nueve metro ye lshequitcheguema. Nache so Salomón lapaxalec na oro 'enauac na pa'auo se'eso nanataxaqui, 5qataq 'enauac na ỹataqta pa'auo se'eso nỹec, da lapaxalec na qo'oipaq pino, qataq lapaxalec na ỹataqta no'on oro, qataq ỹerelec ana ne'enaqtapi chaicpi, qataq na qaipaxara't lcatpi, 6qataq na pa'auo asa'aso atamnaxaqui lapaxauo na llo'oxoraxatpi, nam ỹataqta no'on coma', qataq do'onataxana na ỹataqta no'on oro. 7Qaq nache 'enauac na pa'auo asa'aso atamnaxaqui da lapaxalec na oro, na l-llecnaxanaxatpi, qataq na pa'aỹañi qataq na pa'aỹasheguem so ñegueuopi, qataq na lquepi, qataq na lasompi, qataq ỹerelec na lquepi soua ne'enaqtaqa maye huo'oi naua laua't.
8Qataq no'oxoosheguem nataqa'en so nanataqa' maye sa qaishetapec, qaq ye lalogaxa ivi' nueve metros, qaq nache 'eeta'am ye lcateueegue asa'aso atamnaxaqui. Ime, nache lapaxalec na pa'auo somaye na ỹataqta no'on oro maye ivi' veinte mil kilos. 9Qaq añi 'oonole aso ltoqnaqtepi maye nda'a't oro ivi' quinientos cincuenta gramos. Nataqa'en qalapaxalec na oro imauec na pa'auo so pa'asheguem nanataxaquipi.
10Qaq na pa'auo so nanataqa' maye sa qaishetapec, nataqa'en damaxasoxoolec da qoỹanaña soua dos ne'enaqtaqa querubines maye huo'oi naua laua't, nache qalapaxaleguete nataqa'en na oro. 11Qaq ye lalogaxa da ima'a't soua laua't se'esoua ne'enaqtaqa maye huo'oi naua laua't, nache ivi' nueve metros. Qaq añi 'oonole laua soomaye ivi' dos metros y veinticinco centímetros, qaq asomaye nache ivira'aguet so lque so nanataqa' maye saqaishetapec, qaq aso lỹa laua nache ỹa'atteguet na lsheenec aso laua so lỹa ne'enaqtac. 12Qaq nache 'eetec nataqa'en aso laua so lỹa ne'enaqtac, nache 'eeta'am ye lalogaxa qaq asomaye ivira'aguet so lque se'eso nanataqa', qaq aso lỹa laua nache ivira'aguet aso laua so lỹa ne'enaqtac. 13Qaq se'esoua ne'enaqtaqa querubines maye huo'oi naua laua't, da ima'a't ye lalogaxa soua laua't ivi' nueve metros, qaq soomaye nachattrañi datatrauga so dataỹaueegue so nanataqa'. 14Nataqa'en ỹo'ot so napoxonaxat hualoq laỹe morau da lo'oxoỹaxac, qataq so lỹa ỹactec da ltogaxa da lo'oxoỹaxac, qataq so lino, ime nache ỹachalec somaye soua le'enaqtaqa querubines maye huo'oi naua laua't.
Soua dos nhuoqtel
15Qaq so Salomón nataqa'en ỹo'o't soua dos nhuoqtel, nache ỹaaraña so datatauga aso atamnaxaqui, qaq soomaye ivi' dieciséis metros ye lshequitcheguema, qaq na pa'aỹasheguem soomaye nache ỹo'o't soua llo'oxoraqtel, maye ivi' dos metros y veinticinco centímetros. 16Nataqa'en ỹo'o't so npaqtac lcat, 'eeta'am naqa'en ana nqola, nache ỹanasheguema na pa'asheguem se'esoua nhuoqtel, qataq ỹanaua'a somaye aso cien ne'enaqta granadapi. 17Nache se'esoua nhuoqtel ỹaachiyiña so datateuga aso atamnaxaqui, nache aso 'oonole ỹana'ague da aloic, qaq aso lỹa qalaq ỹana'ague da ne'emaq. Nache aso nhuoqte maye pa'aỹa'ague da aloic, ỹanagui da le'enaxat Jaquín, qaq aso pa'aỹa'ague da ne'emaq nache ỹanagui da le'enaxat Bóaz.
Currently Selected:
2 Crónicas 3: LÑLE13
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
2 Crónicas 3
3
So Salomón no'oxoosheguem aso atamnaxaqui
1So Salomón ỹacoolec co'ollaxa da no'oxoosheguem aso atamnaxaqui maye lalamaqte Ñim Nataxala', ỹanaña añi qasoxonaxa Moria maye naña ye Jerusalén, yem huaña co'ollaxa da Ñim Nataxala' nachaxana so David, maye lta'a somaye, nache ỹaachiguiña yem lchegoxosoxonqa' co'ollaxa da ichegoq na trigo so Ornán, som jebuseo, yem iqataxanai' co'ollaxa so David, da ñichiguiña naqa'en asomaye. 2Qaq co'ollaq ỹacoolec da no'oxoosheguem asomaye, nache huetoigui so na'a'q dos, so ca'agoxoic dos, co'ollaq mashe cuatro vi'iye da lo'onataxanaxac da nta'a somaye.
3So Salomón ỹo'ot so laloqnaxatpi da qaỹo'ot so lo'oxonaxala' aso atamnaxaqui maye lalamaqte Ñim Nataxala', qaq somaye ivi' veintisiete metros ye lalogaxa, qataq nueve metro ye lcategue, 4qaq so nanataxaqui maye dataỹaueegue aso atamnaxaqui, nache ivi' nueve metros ye lalogaxa, qataq nache 'ena'am ye lcategue, qataq nueve metro ye lshequitcheguema. Nache so Salomón lapaxalec na oro 'enauac na pa'auo se'eso nanataxaqui, 5qataq 'enauac na ỹataqta pa'auo se'eso nỹec, da lapaxalec na qo'oipaq pino, qataq lapaxalec na ỹataqta no'on oro, qataq ỹerelec ana ne'enaqtapi chaicpi, qataq na qaipaxara't lcatpi, 6qataq na pa'auo asa'aso atamnaxaqui lapaxauo na llo'oxoraxatpi, nam ỹataqta no'on coma', qataq do'onataxana na ỹataqta no'on oro. 7Qaq nache 'enauac na pa'auo asa'aso atamnaxaqui da lapaxalec na oro, na l-llecnaxanaxatpi, qataq na pa'aỹañi qataq na pa'aỹasheguem so ñegueuopi, qataq na lquepi, qataq na lasompi, qataq ỹerelec na lquepi soua ne'enaqtaqa maye huo'oi naua laua't.
8Qataq no'oxoosheguem nataqa'en so nanataqa' maye sa qaishetapec, qaq ye lalogaxa ivi' nueve metros, qaq nache 'eeta'am ye lcateueegue asa'aso atamnaxaqui. Ime, nache lapaxalec na pa'auo somaye na ỹataqta no'on oro maye ivi' veinte mil kilos. 9Qaq añi 'oonole aso ltoqnaqtepi maye nda'a't oro ivi' quinientos cincuenta gramos. Nataqa'en qalapaxalec na oro imauec na pa'auo so pa'asheguem nanataxaquipi.
10Qaq na pa'auo so nanataqa' maye sa qaishetapec, nataqa'en damaxasoxoolec da qoỹanaña soua dos ne'enaqtaqa querubines maye huo'oi naua laua't, nache qalapaxaleguete nataqa'en na oro. 11Qaq ye lalogaxa da ima'a't soua laua't se'esoua ne'enaqtaqa maye huo'oi naua laua't, nache ivi' nueve metros. Qaq añi 'oonole laua soomaye ivi' dos metros y veinticinco centímetros, qaq asomaye nache ivira'aguet so lque so nanataqa' maye saqaishetapec, qaq aso lỹa laua nache ỹa'atteguet na lsheenec aso laua so lỹa ne'enaqtac. 12Qaq nache 'eetec nataqa'en aso laua so lỹa ne'enaqtac, nache 'eeta'am ye lalogaxa qaq asomaye ivira'aguet so lque se'eso nanataqa', qaq aso lỹa laua nache ivira'aguet aso laua so lỹa ne'enaqtac. 13Qaq se'esoua ne'enaqtaqa querubines maye huo'oi naua laua't, da ima'a't ye lalogaxa soua laua't ivi' nueve metros, qaq soomaye nachattrañi datatrauga so dataỹaueegue so nanataqa'. 14Nataqa'en ỹo'ot so napoxonaxat hualoq laỹe morau da lo'oxoỹaxac, qataq so lỹa ỹactec da ltogaxa da lo'oxoỹaxac, qataq so lino, ime nache ỹachalec somaye soua le'enaqtaqa querubines maye huo'oi naua laua't.
Soua dos nhuoqtel
15Qaq so Salomón nataqa'en ỹo'o't soua dos nhuoqtel, nache ỹaaraña so datatauga aso atamnaxaqui, qaq soomaye ivi' dieciséis metros ye lshequitcheguema, qaq na pa'aỹasheguem soomaye nache ỹo'o't soua llo'oxoraqtel, maye ivi' dos metros y veinticinco centímetros. 16Nataqa'en ỹo'o't so npaqtac lcat, 'eeta'am naqa'en ana nqola, nache ỹanasheguema na pa'asheguem se'esoua nhuoqtel, qataq ỹanaua'a somaye aso cien ne'enaqta granadapi. 17Nache se'esoua nhuoqtel ỹaachiyiña so datateuga aso atamnaxaqui, nache aso 'oonole ỹana'ague da aloic, qaq aso lỹa qalaq ỹana'ague da ne'emaq. Nache aso nhuoqte maye pa'aỹa'ague da aloic, ỹanagui da le'enaxat Jaquín, qaq aso pa'aỹa'ague da ne'emaq nache ỹanagui da le'enaxat Bóaz.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.