Hebreos 1
1
Ri Dios ya ri Ruc'ajol ri xucusaj riche (rixin) chi xuk'alajsaj ri ruch'abel
1Ri ojer ca, ri Dios q'uiy c'a mul xch'o quiq'ui ri ye kati't kamama'. Y tek xch'o quiq'ui, xerucusaj c'a profetas, achi'a' ri xek'alajsan ri ruch'abel, y q'uiy c'a rubanic xerucusaj wi ri achi'a' ri' riche (rixin) chi xuk'alajsaj ri ruch'abel chique ri kati't kamama'.#1.1 Nm. 12.6. 2Yac'a chupan re ruq'uisbel tak k'ij chare re tiempo#1.2 Ga. 4.4. re yojc'o wi, ri Dios can ya c'a ri Ruc'ajol ri xucusaj riche (rixin) chi xuk'alajsaj ri ruch'abel chkawech. Y pa ruk'a' c'a ri Ruc'ajol xujech wi ronojel#1.2 Sal. 2.8. y can majun ri man ta xujech pa ruk'a'. Y pa ruk'a' chuka' ri Ruc'ajol xuya' wi riche (rixin) chi xuben re ruwach'ulef y ri caj. 3Riq'ui ri Ruc'ajol nik'alajin wi ruk'ij ruc'ojlen ri Dios. Ri Ruc'ajol can junan wi c'a riq'ui Riya'. Y ya c'a ri C'ajolaxel ri uc'uayon riche (rixin) ronojel ri cosas ri yec'o; riq'ui ri ruchuk'a' ri ruch'abel ruchapon wi. Y Riya' xcom riche (rixin) chi xrelesaj ri kamac; y xc'astej. Y xbetz'uye' chila' chicaj pa rajquik'a'#1.3 Sal. 110.1. ri nimalaj Dios. 4Ri Ruc'ajol ri Dios sibilaj xnimirisex ruk'ij que chiquiwech ri ángeles, y chuka' ri rubi'#1.4 Fil. 2.9. Riya' can más wi nim rejkalen que chuwech ri quibi' ri ángeles.
Ri Ruc'ajol ri Dios más nim ruk'ij que chiquiwech ri ángeles
5Can ketaman wi chi sibilaj nim ruk'ij, ruma ri Dios majun bey rubin ta chare jun ángel:
Yit c'a riyit ri Nuc'ajol.#1.5 Sal. 2.7.
Rumari' wacami nya' ac'aslen.
Y chuka' majun bey rubin ta:
Yin c'a riyin ri Rutata',#1.5 2 S. 7.14.
y ya Riya' ri Nuc'ajol.
Majun bey rubin ta queri' chare jun ángel.
6Y tek ri Dios xutek pe ri Ruc'ajol chuwech re ruwach'ulef, xubij chi quinojel ri ru'ángeles tiquiya' ruk'ij#1.6 Sal. 97.7. ri Ruc'ajol. 7Chiquij c'a ri ángeles, ri tz'ibatal ca xaxu (xaxe) wi nubij:
Ri ru'ángeles ri Dios sibilaj yebiyin chubanic ri rusamaj,#1.7 Sal. 104.4.
ruma nuben chique chi ye achi'el ri cak'ik' y nuben chique ri rusamajela' chi ye achi'el ri ruxak k'ak'.
8Yac'a chare ri C'ajolaxel, ri Dios nubij:
Riyit can yit Dios riche (rixin) xtibe k'ij xtibe sek
y can choj wi yak'ato tzij.#1.8 Sal. 45.6, 7.
9Awajowan c'a ri chojmilal y awetzelan ri etzelal.
Y rumari' riyin ri a-Dios nya'on quicoten#1.9 Is. 61.1, 3. pan awánima.
Más quicoten nya'on chawe riyit que chuwech ri quicoten ri nya'on chique ri nic'aj chic.
10Y chuka' ri Dios xubij chare ri Ruc'ajol:
Ajaf, riyit pa rutiquiribel pe xaben ri ruwach'ulef,
y ak'a' chuka' riyit xbano ri caj.#1.10 Sal. 102.25.
11Ri ruwach'ulef y ri caj xqueq'uis,
yac'a riyit majun bey xcaq'uis ta.
Ri ruwach'ulef y ri caj xa can xquerijix wi, achi'el nirijix jun tziek.
12Ri ruwach'ulef y ri caj can xque'ajel c'a,
achi'el niban chare jun tziek ri xa ma utz ta chic.
Y can xque'abot wi c'a el;
yac'a riyit majun bey xcajalatej ta.
Majun bey xtiq'uis ta ri ac'aslen.
Queri' xubij ri Dios.
13Y ri Dios majun bey xubij ta chare jun ángel:
Catz'uye' pa wajquik'a',#1.13 Lc. 20.42.
c'a ya tek xquenya' na pan ak'a' pan awaken ri ye'etzelan awuche (awixin).#1.13 Sal. 110.1; Mt. 22.44; Mr. 12.36; Hch. 2.34, 35.
Ri Dios ma xubij ta queri' chare jun ángel.
14Ri ángeles#1.14 Gn. 28.12; 32.1, 2; Sal. 103.20, 21; Lc. 1.19, 26; 2.9, 13; Hch. 12.7. can ye espíritu y ye rusamajel ri Dios. Y can yetak wi ruma ri Dios riche (rixin) chi yequito' ri winek ri yatajnek chique chi xtiquil na ri colotajic.
Currently Selected:
Hebreos 1: cakWS
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.