Micha 1
1
Daut Jerecht äwa Israel un Juda
1Dit es de Norecht, dee de Har Micha von Moreschet jeef, en de Joaren aus Jotam, Ahas un Hiskia Kjennichs en Juda wieren. De Norecht haud met Samaria un Jerusalem to doonen. #Jes 1,1; Jer 26,18
2Horcht emol, aule Velkja. Lot daut Launt,
un dee waut doabennen sent, oppaussen.
Gott de Har, von en sienen heiljen Tempel,
well junt wäajen waut vekloagen.
3De Har woat äwadäl komen von siene Städ,
un hee woat raufkomen bat oppe Ieed;
hee woat opp de huage Opfastäden romklunjen. #Amos 4,13
4De Boajchrigjen woat opprieten
un de Boaj unja am veschmelten,
soo aus Waus em Fia veschmelt,
un Wota von de Boaj poascht.
5Aul dit, wäajen waut Jakob siene Nokomen jedonen haben,
un wäajen de Sinden von daut Volkj Israel.
Oba en waut haben Jakob siene Nokomen sikj soo vesindicht?
Es daut nich, soo aus see en Samaria läwen?
Un waut es de huage Opfastäd fa Juda?
Es daut nich Jerusalem? #Jer 23,13-14
6Doawäajen woa ekj Samaria soo dolbräakjen,
daut et eene Stap met een Steenaklompen sennen woat,
wua see een Wiengoaden plaunten.
Ekj woa äare Busteena em Tol nenn schälen,
soo daut de Staut bat oppe Grunt woat kol sennen. #1Kjen 16,24; Hos 14,1
7Aul äare Jetta woaren en Stekja jebroaken woaren,
un aul äa Vedeenst woat em Fia vebrennen.
Aul äare oppjestalde Jetta woaren doljeräten woaren.
Aul daut schmocke haft see doaderch jekjräajen,
daut see sikj met aundre Jetta aufjeef;
oba daut woat wada no aundre Jetta gonen. #Hos 2,7.14
8Ekj woa äwa dit truaren un hielen.
Ekj woa boaft un haulf noaktich romgonen.
Ekj woa julen aus de Wilw,
un jaumarieren aus de Straus.
9De Wund, dee de Har schleit,
kaun nich bäta woaren,
un Juda haft soone jekjräajen;
dee es en mien Volkj nenjedrungen bat Jerusalem.
10Lot kjeenem en Gat doavon hieren.
Lot see nich hieren daut jie hielen.
Lot dee waut en Bet Leafra sent,
sikj en Ieed rollen. #2Sam 1,20
11Lot de Lied von Schafir
met aul äare Schaund flichten;
de Lied von Zaanan woaren sikj nich wiesen.
Daut truaren en Bet Ezel woat junt woarnen
soo daut jie doa nich stelhoolen.
12Dee waut en Marot wonen, kjremmen sikj,
wiels see aul soo lang nich goode Norecht jekjräajen haben,
wiels de Har haft eenen grooten Schoden
bat aun daut Puat von Jerusalem komen loten.
13Dee, dee jie en Lachisch wonen, spaunt june Pieed aun,
wiels jie wieren de ieeschte,
waut de Sinden von de Israeliten nojinjen.
Jie haben dee en Juda aunjewäsen,
14un jie woaren Moreschet Gat motten
een aufscheets Jeschenkj jäwen.
De Kjennichs en Israel woaren sikj
aun de Hiesa en Achsib aunschmäaren.
15Ekj woa die, Marescha, eenen schekjen,
dee die dien rajcht wajchnemt,
un dee met woone Israel stolt es,
woaren no Adullam flichten.
16Riet die de Hoa ut un schäa die dän Kopp
em trua äwa de Kjinja, dee diene Freid sent;
dee woaren faustjenomen woaren
un von die veschlapt woaren,
un du woascht lang äwa dee truaren.
Woo woat dee daut gonen
Currently Selected:
Micha 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.