3. Johanes 1
1
Gruss toom Aunfank
1De Eltesta, aun dän leewen Gajus, dän ekj werkjlich goot sie. #2Joh 1,1
2Mien leewa Frint, ekj bäd doarom, daut et die en aules mucht goot gonen un daut du muchst jesunt sennen, soo aus die daut ennalich goot jeit. 3Ekj wia sea froo aus Breeda kjeemen un säden, daut du opprechtich läfst un die en dienem Waundel aun de Woarheit helst. #2Joh 1,4 4Ekj hab kjeene jratre Freid aus to hieren, daut miene Kjinja no de Woarheit en Christus läwen.
Gajus woat jeloft
5Leewa Frint, du best doarenn tru, waut du fa de Breeda deist, besondasch noch wan daut framde sent. 6Dee räden hia en de Jemeent von woo gootmeenent du best. Un du deist goot, de Breeda soo opp dän Wajch to halpen, daut Gott doaraun eenen Jefaulen haft. #Tit 3,13 7Wiels dee sent opp de Reis om de Bootschoft von Christus wieda to brinjen, un doafäa nämen see nuscht von dee waut nich jleewen. #1Kor 9,12 8Doawäajen sull wie soone Mana unjastetten, daut wie doaderch metoabeiden, de Woarheit to vebreeden. #Heb 13,2
Diotrefes un Demetrius
9Ekj hab waut aun de Jemeent jeschräwen, oba Diotrefes, dee jieren bowenaun stonen well, well met ons nuscht to doonen haben. 10Wan ekj kom, woa ekj am daut väahoolen, waut hee deit. Hee rät schlajcht von ons un beschulcht ons faulsch. Un hee es doamet noch nich tofräd. Hee selfst nemt de Breeda nich opp, un hindat aundre, dee daut muchten, un stat dee ut de Jemeent.
11Leewa Brooda, moak daut nich no, waut schlajcht es. Nemm du daut goode toom Biespel. Wäa goodet deit es von Gott. Wäa schlajchtet deit haft Gott nich jeseenen. 12Von Demetrius rät aulemaun goot, un Gott haft sikj to am bekjant. Wie räden uk goot von am, un jie weeten, daut wie fa de Woarheit stonen.
Latste Wieed
13Ekj haud die noch väl to schriewen, oba ekj wudd leewa nich met Tint un Fada schriewen. #2Joh 1,12 14Ekj räakjen die boolt to seenen, un dan woa wie ons aunkjikjen un doaräwa räden. 15Ekj wensch die Fräd! Diene Frind bestalen die to jreessen. Jrees dee Frind doa aula, eenen jiedren met sienem Nomen.
Currently Selected:
3. Johanes 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.