1. Johanes 1
1
Daut Wuat, daut Läwen brinjt
1Waut von Aunfank aun jewast es un waut wie jehieet haben un met onse ieejne Uagen jeseenen haben, waut wie aunjekjikjt haben un met onse Henj aunjefot haben, daut es daut Läwenswuat, von däm wie räden. #Joh 1,1.4.14 2Daut Läwen es verendach jekomen. Wie haben daut jeseenen un vetalen junt von daut eewje Läwen daut biem Voda wia, un wuamet wie sent bekaunt jeworden. 3Waut wie jehieet un jeseenen haben, doamet hab wie junt uk bekaunt jemoakt. Doaderch kjenn jie met ons Jemeenschoft haben, un onse Jemeenschoft es met Gott dän Voda un met sienen Sän Jesus Christus. 4Un dit schriew wie junt, daut onse #1,4 Eenje oole Schreften sajen june. Freid gaunz voll sennen mucht. #Joh 15,11; 16,24; 1Joh 5,13
Gott es Licht
5Dit es waut wie von am jehieet haben un junt nu sajen: Gott es Licht, un en am es nuscht diestret. #Jak 1,17 6Wan wie sajen, daut wie to Gott jehieren, un oba enne Sind em diestren läwen, dan lieej wie un doonen nich de Woarheit. #1Joh 2,4 7Wan wie oba em Licht von Gott läwen, soo aus hee em Licht es, dan hab wie Jemeenschoft unjarenaunda, un daut Bloot von sien Sän Jesus Christus moakt ons rein von aule Sind. #Heb 9,14; Opb 1,5 8Wan wie sajen, wie haben kjeene Sind, dan lieej wie ons selfst waut väa un haben de Woarheit nich en ons. 9Wan wie onse Sinden bekjanen, dan es hee tru un jerajcht, un vejeft ons de Sinden un reinicht ons von aule Ojjerajchtichkjeit. #Spr 28,13 10Wan wie sajen, wie haben nich jesindicht, dan saj wie doamet, daut Gott lieejen deit, un sien Wuat es noch nich rechtich en ons. #Reema 3,10-18
Currently Selected:
1. Johanes 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.