Ecclesiastes 1
1
Walay Kapuslanan ang Kinabuhi
1Kini ang mga pulong sa Maalam,#1:1 Maalam: o Magtutudlo. Sa Hebreo, Koheleth ug sa Grego, Ecclesiastes, managsama nga gikan sa pulong nga nagkahulogan ug panagtigom o iglesia. anak ni David ug hari sa Jerusalem.
2Kawang ug walay kapuslanan ang tanan, miingon siya.
3Sa tibuok mong kinabuhi magtrabaho ug maghago ka,
apan unsa may makuha mo niini?
4Ang#Sir. 14:18. usa ka kaliwatan motungha ug unya mahanaw,
ug motungha na usab ang laing kaliwatan,
apan nagpabilin nga mao gihapon ang kalibotan,
5magbalikbalik gihapon pagsidlak ug pagsalop ang adlaw.
6Mohuros ang hangin ngadto sa habagatan,
ug unya ngadto sa amihanan—
maglibotlibot lamang kini ug unya mobalik sa iyang gigikanan.
7Ang tanang suba nagdagayday ngadto sa dagat,
apan wala gihapon kini mapuno.
Mobalik ang tubig ngadto sa tinubdan sa mga suba
ug modagayday na usab kini ngadto sa dagat.
8Ang tanang butang makahatag ug kalaay—
kalaay nga dili matukib sa mga pulong.
Dili matagbaw pagtan-aw ang atong mata,
o matagbaw pagpamati ang atong dalunggan.
9Ang nahitabo kaniadto mahitabo gihapon,
ug ang nabuhat kaniadto buhaton gihapon.
Wala gayoy bag-o dinhi sa kalibotan.
10Moingon sila, “Tan-awa, aniay bag-ong butang!”
Apan dili kana bag-o.
Diha na kana sa wala pa gani kita matawo.
11Walay nahinumdom sa nahitabo kaniadto,
ug hikalimtan ang mahitabo karon ug sa umaabot.
Ang Kasinatian sa Maalam
12Ako, ang Maalam, ang hari sa Israel,
ug atua sa Jerusalem ang akong trono.
13Gitun-an ug gisusi ko ang tanang butang
nga gibuhat dinhi sa kalibotan.
Pait ang kapalaran nga gipahamtang sa Dios kanato.
14Nakita ko ang tanan nga gibuhat dinhi sa kalibotan,
ug alang kanako kini walay kapuslanan.
Sama ra kini sa tawo nga nagdakop ug hangin.
15Ang baliko dili mo matul-id,
ug dili mo maihap ang mga butang nga wala diha.
16Nakaingon#1 Hari 4:29-31; Sir. 47:14-18. ako sa akong kaugalingon,
“Gamhanan na ako ug mas maalamon
kay sa tanang naghari sa Jerusalem kaniadto.
Nasayod ako unsa gayod ang kaalam ug kahibalo.”
17Kaniadto buot kong susihon ang kalainan
sa kahibalo ug sa kabuang,
sa kaalam ug sa pagkawalay alamag.
Apan nasuta ko nga sama lamang ako sa nagdakop ug hangin.
18Kay kon magkadako ang kaalam sa tawo,
magkadaghan usab ang iyang mga suliran
ug kon magkadaghan ang iyang makat-onan,
mosamot usab ang iyang pag-antos.
Currently Selected:
Ecclesiastes 1: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society