Os 1
1
Aju' t-xu'jil Osey exqe' tk'wal
1A tyol Qman Dyos ja'lu tzaj tma'n te Osey, tk'wal B'eeri, toj kyq'ijlalil Usiy, Jotam, Akas ex Esekyiy, nimaqkawil toj Juda, ex Jerob'oam, tk'wal Joas, nimaqkawil toj Israel.
2Tzyet tmante Qman Dyos tyol te Osey ju' t-sanjelal tu'n tmante kjalu: Matxi' tb'incha taq'wixju' tnam Israel ex matxi' tz'el tpa'ntib' wi'je'. Kuxtxi'ya ex q'intza jun qya ajpajil te t-xu'jila, ex tenx tk'wala tuk'i'l, aye'tzu'n tk'wala tuk'i'l che okyel te tal jun qya ajpajil, chi Dyos.
3Tzajtzun tiq'in Osey Komer tmyal Dib'laym te t-xu'jil, ch'onwi'yix tu'n ex itz'ji jun tal q'a. 4Tzajtzun tma'n Qman Dyos te Osey: Q'onka tb'i k'wal Jesreel, qu'n toj jte' q'ijtl kb'el ntz'e'ysa'ne' kywitz tyajajil nimaqkawil Jewu tu'n tpaju' b'yojwnaqil tb'incha toj Jesreel ex kb'el nb'ajsane' tkawb'il Israel. 5Kb'el nxitu'ne' kyipumalju' xjal aj Israel te q'oj toju' b'ya' Jesreel toju' tq'ijlalil lu, chi Dyos.
6Ch'onwi'yix jumajtlu' qya Komer ex itz'jitl jun tal txin. Atzunte Qman Dyos tzaj tma'n te Osey; Q'onka tb'i tmyala Lo-rwama, qu'n lay tzaj laqjtl nk'u'je' ti'ju' tkawb'il Israel, ex lay kub' nnajsa'ne' til. 7Atzu'n te tkawb'il Juda ktzajel laqj nk'u'je' ti'j, ayinkuwe' Dyos chin klol kye; ex lay che nkole' tu'n q'oj, tu'n smaj mo tu'n k'uẍtx'e'nb'il ex mya kyu'n aj chejil, chi Dyos.
8Telenxi' Lo-rwama ti'j tch'u', ok jumajtlu' qya Komer ch'o'nwi' ex itz'j juntl tal q'a.
9Tzajtzun tma'n Qman Dyos te Osey: Loami tb'i k'wal lu q'onka, qu'n tu'n tpaj lay che oktle' te ntaname' ex lay chin noktle te Kydyose', chi Dyos.
Kb'entel jumajtlu' tnam Israel
10Jun q'ij che okyel aj Israel
naku'j tz'awun ttzi ninnjab',
mix-a'lo'x kb'entel techante ex kb'entel tajlante.
Ex lay t-xinma'ntle' kyeye':
Qa mya ntanamqe'tle',
atlpewe' kxe'l nma'n kyeye':
Ntanam qe'kye', ayine' Dyos i'tz', nchiku'we'
11Kb'ajeltzun kyb'u'yi'n kyib' aj Juda ex aj Israel
ex noq jun kynejel k'okyel kyq'o'n.
K'anjetz kyi'j kykyaqilu' ate' jaxjaku' tu'n kyb'ju'l toj Jerusalen,
¡Nim toklenju' tq'ij Jesreel k'okyel! chi Dyos.
Currently Selected:
Os 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999