Esd 1
1
Taq' Siro anb'il tu'n tnajkyi'j aj Juda toj kytx'otx'
(2 Cr 36.22-23)
1Tu'n tjapunju' tyol Qman Dyos q'ma'ntltoq tu'n Jeremiy, tzaj tq'o'n Qman Dyos tipumal Siro, nimaqkawil aj Persya, toju' tnejel ab'q'i nkawin, tu'n tex tq'o'n tqanil jun chaq'b'il toj tkyaqilju' tx'otx' tjaq' tkawb'il, ikjalu.
2Intma'n Siro, nimaqkawil toj Persya, kjalu:
Matxi' che kub' tq'o'n Qman Dyos te toj kya'j kykyaqilju' kawb'il twitz tx'otx' toj nq'ob'e', ex tzaj toqxena'n weye' tu'n tjaw nb'incha'ne' jun tja Dyos toj Jerusalen, toju' tx'otx' Juda. 3Qu'mtzun, alkyexku' tzajni toju' ttanam Qman Dyos, awt Dyos tz'oninte, ex kutantlti'j toj Jerusalen, toj Juda, b'inchalteju' tja Qman Dyos ati toj Jerusalen. 4Ex kykyaqilxju' xjal najlqe' jachaq ta'qe'ju' etzniqe' ti'jxi' ttanam Dyos, tu'n kyonin ti'ju' kyb'isin k'anjetlti'j Jerusalen tuk'i'l saqpwaq, q'anpwaq, alu'mj ex ti'xti', ex oyaj tu'n kyk'u'j tiju' tja Qman Dyos toj Jerusalen, chi nimaqkawil Siro.
E'ul junmajtl aj Israel Jerusalen
5Aye'tzu'n nejenel kye kyyajajil Juda ex B'enjamin, e'pale exqe' aj Leb'i, mujqa kykyaqilju' atitltoq kyipumal tu'n Qman Dyos, kyb'inchakyib' tu'n kyantz toj Jerusalen b'inchalte jumajtl tja Qman Dyos. 6Kykyaqilju' kyb'sin eb'aj onin kyi'j tuk'i'n saqpwaq, q'anpwaq, alu'mj ex e'ti'xti' twi' wi'yalqe', ex chukchaq oyaj tu'n kyk'u'j. 7Atzunte nimaqkawil Siro, tzaj tanjsa'ntl kyi'ju' aq'unb'il toj tja Qman Dyos, ojetoq che b'je'tz tiq'in Nab'ukodonosor toj Jerusalen, ex eb'ajx tiq'i'n toju' tja kydyos. 8Xitma'n nimaqkawil Siro te Mitridates k'u'l pwaq tu'n ttzaj tanjsa'ntlkyi'j, eb'aj tajla'n ex b'ajx tq'o'n te Sesb'asar, kawil toj Juda. 9A kyajlal aq'unb'il ja'lu: junaq lajoj (30) nimaqlaq q'anpwaqqe', kab'k'al lajnaq (1,000) nimaqlaq saqpwaqqe', junaqb'eljoj (29) kuchil, 10junaq lajoj (30) laq q'anpwaqqe', junk'al lajoj (410) laq saqpwaqqe' myaxi'x twi' wi'yal, ex txqantl ti'xti'. 11Oxlajk'al lajnaq (5,400) kyajlalju' aq'unb'il q'anpwaq ex saqpwaq. Tkyaqil ja'lu b'aj tzaj tiq'i'n jumajtl Sesb'asar toj Jerusalen, tej kyb'je'tz jumajtl toj B'ab'ilon kyuk'i'lju' b'ajxniqe' iq'i'n.
Currently Selected:
Esd 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999