Heb 13
13
Se'n tu'n ttzalaja' Dyos qi'j
1Kyk'u'jlam kyib'e' kukxju' kyxolilexe', qu'n kyitz'imile kyib'e'. 2Ex lalun tzik'tna'l kyu'ne' tu'n kyoke b'a'n xjal kyeju' nche pon kyjaye', ate junjun mixti' kynab'en ti'j, qa ekyejten anjl wtal kya.
3Q'aq'anx kyk'u'je' kyi'ju' jpu'nqe', nakuxwitloj aye'x junkye' jpu'nqeye' kyuk'i'l, ex q'aq'anx kyk'u'je' kyi'ju' nche yajlanjtz, ku'xwitloj aye'x junkye' ate' toj yajtib'il.
4Kyq'onke' toklen mjeb'le'n kykyaqile' ex che tenkuye' b'a'n toju' kymjeb'le'ne'; qu'n kche okyelju' ajpajil toj xjel tu'n Dyos, ex ikqe'kxju' pa'l mjeb'le'n.
5Lalun che jamjone' ti'j pwaq; che tzalajxe' ti'ju' ati kyeye', qu'n oje tma Dyos kjalu: Layx kyej ntzaqpi'na ex lay kyej nq'o'na tjunila, chij. 6Qu'mtzun b'a'n tu'n qmante ja'lu tu'n tkyaqil qk'u'j:
Ate Qman Dyos onilweye'; mixti' tu'n nxob'e'.
¿Tixixti' kb'antel tb'incha jun xjal wi'je'?
7Kyna'ntze' alkyeqe' nejenel e'ten kyxole' ex alkyeqe' e'xnaq'tzante tyol Dyos kyeye'; che ximane' ti'ju' kyaq'unb'en ex kse'n xjapuna' b'aju' kychwinqlal, ex tenx kyokslab'le' kse'nkye.
8Axte Qajaw Jesukrist te' ewi, ja'lo ex tejumajx. 9Lalun txikyq'o'n kyib'e' toj chukchaq xnaq'tzb'il junxi'tl mujqa taq'wix. Ate' b'a'nju' tu'n tkuwix qanmi tu'n t-xtalb'il Qman Dyos, kyetwitz tu'n kyxi' lpeye' kyi'ju' kawb'il kyib'aj chukchaq t-xilel wab'j tu'n txi' qwan; qu'n mixti'xkye' lu kyajb'en kye xjal.
10Ati junqe qq'olb'eb'l, aju' lay b'ent kywan ti'j, aye' inx che ajb'en toju' ojtxi' ja xjan. 11Qu'n ate' kynejel pale ojtxi' in okx kyi'nju' kychk'el alu'mj toju' xjan ja, te chojb'il kyil xjal, aye'tzu'n kyxmilal alu'mj lu nche kub' pati'n ti'jxi'ju' kyxmuj. 12Qu'mtzun ikxte Jesus axtzu' kyima' ti'jxiju' tnam, tu'n kypon lq'e xjal tk'etz Dyos tu'nelju' tchk'el. 13Ikxtzunqeju' qoqe' ex ti'jxi' tnam tuk'i'l Jesus, ex tzik'xku' qu'n tkyaqilju' sik'xtu'n Jesus. 14Qu'n mixti' junqe qtanam tejumajx tzalu twitz tx'otx', tzma in qo jyon ti'j qtanam tzul yek'u'n. 15Qu'mtzun qajwalinktz tb'i Qman Dyos kukxju' tu'nel Qajaw Jesukrist. Qu'n qa nqo ajwalin tb'i Qman Dyos, inxi' qq'o'n jun oyaj te tu'n qtzi. ¡Qajwalinktz tb'i Qman Dyos! 16Lalun tzik'tna'l kyu'ne' tu'n kyb'inchanteye' b'a'n ex tu'n kyoninte kyi'j junjuntl; qu'n atzunte oyaju' intzalaj Dyos ti'j.
17Kynimanqexe' kynejele' ex kyb'inxe' kykawb'il, qu'n aye' nche xq'uqinju' kyi'je', ex ojtzqi'n kyu'n qa che okyele' toj xjel tu'n Qman Dyos. Qu'mtzun che b'inqeye' kye tu'ntzun tb'entju' kyaq'un toj tzalajb'il ex mya toj b'is, qatzun min, lay kykanb'aye' jun b'a'n.
18Che' na'nqe' Dyose' qi'je', qu'n q'uqli qk'u'je' qa b'a'nju' nqb'incha'ne', qu'n qajb'ile' tu'n qb'inchanteye' b'a'n toj tkyaqil. 19Ex inxi'x xinqanine' kyeye' tu'n kyna'n Dyose' wi'je', tu'n tq'onte anb'il tu'n npon jumajtle' lwiy kk'etze'.
Qaninjtz k'iwb'il kyi'j okslal
20Aju' Dyos ntzaj q'onte nak'b'il, jaw anq'in Qajaw Jesukrist tu'n kyxol kyimni, aju' nimaq k'ik'lel kyi'j rit, ex tu'nju' tchk'el xkyaja' qexi'x tk'u'jlalilju' yol kyej b'entti'j tejumajx tu'n Dyos, 21axwittzun Qman Dyos q'onte kynab'le' tu'n kyel b'a'ne' toj tkyaqil, tu'n kyb'inchanteye' tajb'il; ex ax Dyos kq'olte qipumal tu'n qb'inchante tkyaqilju' tajb'il, tu'nel Jesukrist. ¡Nimanjtzxwit tb'i Jesukrist toj tkyaqil tab'q'iyil! Ikxwitju'.
22E' ntzik ex witz'in, nchin kub'sane' kywitze' tu'n tkub' kyb'i'njuye' yol lu, qu'n ati tajb'en kyeye' tu'n tok kynab'le', ex mya nim yol xxintz'ib'a'ne' kyeye'. 23Ex wajb'ile' tu'n kyb'inteye' qa matxi' tz'etz tzaqpi'n qitz'in Timotey toj kars, qa lwiy sul tzalu, kxe'l wiq'i'ne' wuk'i'le' ajnxi'ye' ka'yilkyeye'.
24Che kyq'olb'enxe' kykyaqil kynejele' ex kkyaqilju' qtzik ex qitz'in toj okslab'l. Ex nche'x q'olb'ene' kyu'nju' okslal toj Italya.
25Tenxwit t-xtalb'il Dyos kyuk'i'le' kykyaqile'. Ikxwitju'.
Currently Selected:
Heb 13: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
Heb 13
13
Se'n tu'n ttzalaja' Dyos qi'j
1Kyk'u'jlam kyib'e' kukxju' kyxolilexe', qu'n kyitz'imile kyib'e'. 2Ex lalun tzik'tna'l kyu'ne' tu'n kyoke b'a'n xjal kyeju' nche pon kyjaye', ate junjun mixti' kynab'en ti'j, qa ekyejten anjl wtal kya.
3Q'aq'anx kyk'u'je' kyi'ju' jpu'nqe', nakuxwitloj aye'x junkye' jpu'nqeye' kyuk'i'l, ex q'aq'anx kyk'u'je' kyi'ju' nche yajlanjtz, ku'xwitloj aye'x junkye' ate' toj yajtib'il.
4Kyq'onke' toklen mjeb'le'n kykyaqile' ex che tenkuye' b'a'n toju' kymjeb'le'ne'; qu'n kche okyelju' ajpajil toj xjel tu'n Dyos, ex ikqe'kxju' pa'l mjeb'le'n.
5Lalun che jamjone' ti'j pwaq; che tzalajxe' ti'ju' ati kyeye', qu'n oje tma Dyos kjalu: Layx kyej ntzaqpi'na ex lay kyej nq'o'na tjunila, chij. 6Qu'mtzun b'a'n tu'n qmante ja'lu tu'n tkyaqil qk'u'j:
Ate Qman Dyos onilweye'; mixti' tu'n nxob'e'.
¿Tixixti' kb'antel tb'incha jun xjal wi'je'?
7Kyna'ntze' alkyeqe' nejenel e'ten kyxole' ex alkyeqe' e'xnaq'tzante tyol Dyos kyeye'; che ximane' ti'ju' kyaq'unb'en ex kse'n xjapuna' b'aju' kychwinqlal, ex tenx kyokslab'le' kse'nkye.
8Axte Qajaw Jesukrist te' ewi, ja'lo ex tejumajx. 9Lalun txikyq'o'n kyib'e' toj chukchaq xnaq'tzb'il junxi'tl mujqa taq'wix. Ate' b'a'nju' tu'n tkuwix qanmi tu'n t-xtalb'il Qman Dyos, kyetwitz tu'n kyxi' lpeye' kyi'ju' kawb'il kyib'aj chukchaq t-xilel wab'j tu'n txi' qwan; qu'n mixti'xkye' lu kyajb'en kye xjal.
10Ati junqe qq'olb'eb'l, aju' lay b'ent kywan ti'j, aye' inx che ajb'en toju' ojtxi' ja xjan. 11Qu'n ate' kynejel pale ojtxi' in okx kyi'nju' kychk'el alu'mj toju' xjan ja, te chojb'il kyil xjal, aye'tzu'n kyxmilal alu'mj lu nche kub' pati'n ti'jxi'ju' kyxmuj. 12Qu'mtzun ikxte Jesus axtzu' kyima' ti'jxiju' tnam, tu'n kypon lq'e xjal tk'etz Dyos tu'nelju' tchk'el. 13Ikxtzunqeju' qoqe' ex ti'jxi' tnam tuk'i'l Jesus, ex tzik'xku' qu'n tkyaqilju' sik'xtu'n Jesus. 14Qu'n mixti' junqe qtanam tejumajx tzalu twitz tx'otx', tzma in qo jyon ti'j qtanam tzul yek'u'n. 15Qu'mtzun qajwalinktz tb'i Qman Dyos kukxju' tu'nel Qajaw Jesukrist. Qu'n qa nqo ajwalin tb'i Qman Dyos, inxi' qq'o'n jun oyaj te tu'n qtzi. ¡Qajwalinktz tb'i Qman Dyos! 16Lalun tzik'tna'l kyu'ne' tu'n kyb'inchanteye' b'a'n ex tu'n kyoninte kyi'j junjuntl; qu'n atzunte oyaju' intzalaj Dyos ti'j.
17Kynimanqexe' kynejele' ex kyb'inxe' kykawb'il, qu'n aye' nche xq'uqinju' kyi'je', ex ojtzqi'n kyu'n qa che okyele' toj xjel tu'n Qman Dyos. Qu'mtzun che b'inqeye' kye tu'ntzun tb'entju' kyaq'un toj tzalajb'il ex mya toj b'is, qatzun min, lay kykanb'aye' jun b'a'n.
18Che' na'nqe' Dyose' qi'je', qu'n q'uqli qk'u'je' qa b'a'nju' nqb'incha'ne', qu'n qajb'ile' tu'n qb'inchanteye' b'a'n toj tkyaqil. 19Ex inxi'x xinqanine' kyeye' tu'n kyna'n Dyose' wi'je', tu'n tq'onte anb'il tu'n npon jumajtle' lwiy kk'etze'.
Qaninjtz k'iwb'il kyi'j okslal
20Aju' Dyos ntzaj q'onte nak'b'il, jaw anq'in Qajaw Jesukrist tu'n kyxol kyimni, aju' nimaq k'ik'lel kyi'j rit, ex tu'nju' tchk'el xkyaja' qexi'x tk'u'jlalilju' yol kyej b'entti'j tejumajx tu'n Dyos, 21axwittzun Qman Dyos q'onte kynab'le' tu'n kyel b'a'ne' toj tkyaqil, tu'n kyb'inchanteye' tajb'il; ex ax Dyos kq'olte qipumal tu'n qb'inchante tkyaqilju' tajb'il, tu'nel Jesukrist. ¡Nimanjtzxwit tb'i Jesukrist toj tkyaqil tab'q'iyil! Ikxwitju'.
22E' ntzik ex witz'in, nchin kub'sane' kywitze' tu'n tkub' kyb'i'njuye' yol lu, qu'n ati tajb'en kyeye' tu'n tok kynab'le', ex mya nim yol xxintz'ib'a'ne' kyeye'. 23Ex wajb'ile' tu'n kyb'inteye' qa matxi' tz'etz tzaqpi'n qitz'in Timotey toj kars, qa lwiy sul tzalu, kxe'l wiq'i'ne' wuk'i'le' ajnxi'ye' ka'yilkyeye'.
24Che kyq'olb'enxe' kykyaqil kynejele' ex kkyaqilju' qtzik ex qitz'in toj okslab'l. Ex nche'x q'olb'ene' kyu'nju' okslal toj Italya.
25Tenxwit t-xtalb'il Dyos kyuk'i'le' kykyaqile'. Ikxwitju'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999