1 R 18
18
Pon jumajtl Eliy twitz Akab'
1B'ettzun q'ij. Tzaj yolin jumajtl Qman Dyos te Eliy tb'ajlenxi' oxe' ab'q'i, ex tma: Kutxi'ya twitz Akab', qu'n kxe'l nq'o'nwe' jb'al tib'aju' tx'otx', chij.
2Xi'tzu'n Eliy twitz Akab'. Nimxi'xtoqu' We'yaj toj Samarya. 3Xittxko'n Akab' Ab'diy, ju' ka'yilte toj tja, intoq k'ulun tuk'i'l ninb'ilte Qman Dyos 4ex tej taq'wi Jesab'el b'yolkyeju' t-sanjelal Qman Dyos, eb'aj tb'u'yi'n Ab'diy jo'naq (100) t-sanjelal Dyos, e'kub' tpa'n toj kab'e' tnej te kab'naq lajojchaq (50), ex b'ajxniqe'toq tewa'n kyoj kab'e' jyom toj pik, ex xitq'o'n kywa kse'nxju' nojqelan kye. 5Xi'tzun tma'n Akab' te Ab'diy:
—Qo'ya b'etil tojileju' tx'otx' ex ja ta'qe' kykyaqilju' kyxiklil a' ex nimaq a' qama knet k'ul qu'n te kywaju' b'anchej ex mul tu'n kyanq'in. Qu'n qatzun minti' qokjel mixti' qchej, chij.
6Ikytzu'n, kub' kypa'nju' tx'otx' jachaq tu'n kyb'ajxa' b'etil toj, xi'te Akab' toj jun b'e, atzunte Ab'diy xi' toj juntl b'e. 7Eltzun yal Eliy twitz Ab'diy toj b'e, ex tej teltnik' te, kub'joqe twitz ex tma:
—¡Ma aju'ya qman Eliy! chij.
8—Ayine', chi Eliy xittzaq'we'n, ex xitma'ntl te: —Kutxi'ya ex q'manxa teju' tajawa qa atinqine' tza'lu, chij.
9Xi'tzun ttzaq'we'n Ab'diy te:
—¿Ti'tzu'n wile' xnb'incha'ye' tu'nju' chin xel tq'o'na toj tq'ob' Akab' tu'n nkub' tb'yo'ne'? 10Majx lu Qman Dyos, mixti' jun tnam ex kawb'il jana'mxwit txi' jyob'aja tu'n wajawe'; nxikytzaq'we'n jyolteya qa mixti'ya atzu', nche oktchq'o'n wajawe' tu'n kytziyante twitz Qman Dyos qa ax mixti' xkneta kyu'n. 11¡Atzuntlta ja'lo ntzaj tma'na tu'n nxi'ye' q'malte teju' Wajawe' qa atiya tzalu! 12Ate kb'ajelu', ajwik'b'ete' tk'etza kxel q'i'na tu'n t-xew Qman Dyos ja mixti' b'i'n wu'ne'. Ajtzun npone' q'olteju' tqanil te Akab', layx kneta tu'n, chin b'el tb'yo'ntzuntze'. Kukxnawe' nniman te Qman Dyos ayine' ajb'el teya. 13¿Ma na'mxtzun txi' q'ma'n teya aju' nb'inchaye' tej intoq che kub' tb'yo'n Jesab'el t-sanjelal Qman Dyos? Exi' wewa'ne' jo'naq (100) t-sanjelal Dyos, e'kub' npa'ne' toj kab'e' tnej ex e'okx we'wa'ne' toj kab'e' jyom toj pik, ex xinq'o'ne' kywa kse'nxju' in nojqelan kye. 14¿Ma atltzunta' ntzaj tma'n weye' ja'lo tu'n nxi'ye' q'malte teju' wajawe' qa atiya tzalu? ¡Chin b'el tb'yo'nwe' ja'lo! chi Ab'diy. 15Xi'tzun ttzaq'we'n Eliy te:
—Majx lu Qman Dyos nimtipumal nchin ajb'ene' te, kxel nyek'u'n wib'e' te Akab' ja'loxi'x, chij. 16Xi'tzun Ab'diy jyolte Akab' tu'n txitma'n te, xi'tzu'n Akab' ex e'okyal tekyib' tuk'i'l Eliy. 17Tej tlonte xitma'n te:
—¿Ma ape'ta toka xitulkye aj Israel? chij.
18Xi'tzun ttzaq'we'n Eliy te:
—Myayinwe' tinqink xitulkye, a na'ta kyuk'i'lju' t-xjala, tu'n tpaj matxi' kyej kytzaqpi'ne' tchaq'b'il Qman Dyos ex xi' nche k'uluna'tle' kye chukchaq tilb'ilal B'aal. 19Chq'onqe'xa t-xjala ja'lo b'uyilkye kykyaqilju' aj Israel twi' witz Karmelo, kyuk'i'lju' junk'al kab'naqlajoj (450) t-sanjelal B'aal exju' junk'al (400) t-sanjelal Asera k'a'cha'nqe' tu'n Jesab'el, chi Eliy te.
Jun b'ajte Eliy t-sanjelal Dyos kyuk'i'l t-sanjelal B'aal
20Tchaq'tzun Akab'tz tu'n kytxkonjtz kykyaqilju' aj Israel ex eb'aj tb'u'yi'nju' t-sanjelal B'aal twi' witz Karmelo. 21Pontzun lq'e Eliy kyk'etz kykyaqilju' tnam, ex tma:
—¿Jtojtzun kyej kyq'o'ne' kynab'le' kab'e' tu'me'l? Qa ate Qman Dyos axxi'x Dyos, che lpeke' ti'j, qatzun a B'aal toj kywitze', ex atzu' che lpexa'ye' ti'j, chij.
Mixti'xkye' tnam xikytzaq'we'n. 22Ex xitma'ntl Eliy kye:
—O'qinkx ku'tlwe' ẍin kyej anq'ine' jun t-sanjelal Dyos qine', aye'tzunkye' t-sanjelal B'aal junk'al kab'naqlajoj (450) kyb'aj. 23Ja'lotzun kyiq'intze' kab'e' qpoj tman wakx, kysk'o'nktz tzunkye t-sanjelal B'aal jun, kb'el kytaqk'u'n toj tx'naji'n tu'ntzun tb'ajkub' knk'u'n tib'aj si, ex mixti' tu'n tokkytxqo'n tq'aq'al. Ex ikxwe', kb'el nb'incha'ne' juntl tib'aj si ex lay tz'okntxqo'ne' tq'aq'al. 24Che k'ulunqe'tzunkye' kyeju' kydyose', ex ikxwe' chin k'ulule' te Qman Dyos, ¡Altzunkye matzaj ttzaq'we'n ex matzaj tq'o'n q'aq', atzunte Dyosu' axxi'x! chij.
—B'a'nte' ikyju' —chechiju' tnam xikytzaq'we'n.
25Xi'tzun tma'n Eliy kyeju' t-sanjelal B'aal:
—Kysk'o'nktze' jun qpoj tman wakx, ex kyb'inchanku'ye', b'a'npun pena'kye' kyb'aj. Che k'ulunqe'tzune' teju' kydyose', ex lalun tz'okkytxqo'ne' tq'aq'alju' chojb'il, chij kye. 26Xi'tzun kytzyu'nju' wakx xiq'o'n kye, ex kub' kyb'incha'n, tzyetxtzuntz kyu'n te prim tzmax tpon te wanq'ij e'okten kub'sal twitz B'aal, ex intoq kyma'n: ¡Qo ttzaqwetza B'aal!, chechij, e'aq'wi xlik'pul ti'jeleju' q'olb'eb'l jaw kyb'incha'n, ex mixti'xte tzaj ttzaq'we'n B'aal kye. 27Tetzunj tok wanq'ij, aq'wi Eliy xmayil kyi'j ex xitma'n kye:
Che ẍch'inqe'ye' kuwxi'x, qu'n dyos te', qajlo nimxi'x taq'un, mujqa matxi' txi' tz'a'lil, mujqa matxi' toj tb'e. ¡Qajlo nwtan ex ati tu'n tokx k'aset! chij.
28Inxi'xtoqtzun che ẍch'in ex nok kypk'u'nkyib' tu'n kuchil ex tu'n tze ch'ut tzmaxi'j kyb'aj chk'en, kse'nx nkyb'incha'n. 29B'ajtzu'n nik'jan q'ij kyu'n, maskye kukxtoq kyẍch'inju' ex intoq che xlik'pun naku'j nok toj kywitz, tzmax tponju' kmuj tu'n t-xiq'etju' chojb'il, ex mixti'xte jun tzaq'web'l ul. ¡Mix-a'lo' jun tzaj tzaq'wenkye ex mix-a'lo'x jun tzaj b'inkye! 30Xi'tzun tma'n Eliy kye kykyaqilju' xjal:
—Che lq'etze' nk'etze', chij.
Kykyaqiltzu'n xjal e'pon lq'e tk'etz, aq'witzuntz b'inchalte q'olb'eb'l te Qman Dyos, ju' ojetoq kub' xitj. 31Tzaj tiq'i'n kab'lajoj (12) ab'j kse'nx kyajlalju' tnej tyajajil Jakob' ju' oktq'o'n Qman Dyos tb'i Israel, 32jawtzun tb'incha'n jun q'olb'eb'l te Qman Dyos kyu'n ab'j lu kyuk'i'lju' xjal ex ku'x tlku'n jun tkb'el a' ti'jileju' q'olb'eb'l jatu'n kyb'ajxa' junaq (20) litr twitz awal k'ok'e'kywitz, 33kub' tnk'u'nju' si, kub'tzun tqesu'n wakxtz toj tx'naji'n ex kub' tq'o'n tib'aju' si. 34Tmatzuntz:
—Kynojsanku'ye' kyaje' ẍoq' a' ex kyqonku'ye' tib'aju' chojb'il k'ok'sb'il tuk'ilxi' si, chij.
Ex xitma'ntl tu'n tkub' kyqo'n a' tkamaji'n ex toxmaji'n, ex xikyb'incha'n. 35Majxkub' qojlju' a' ti'jile q'olb'eb'l ex noju' k'anb'il a' tu'n. 36Tetzunj tponju' kmoj tu'n t-xiq'etu' chojb'il k'ok'sb'il, oklq'e Eliy t-sanjelal Dyos ti'ju' q'olb'eb'l, jaw toj twi' kuw ex tma: ¡Taye, Kydyos Ab'raam, Isaak ex Israel: b'inchama tu'n tel tnik'tzila ja'lo qa aya Kydyos aj Israel, exqa ayine' tmajina ex aya saj q'mante tu'n nb'inchanteye' tkyaqil ja'lu! 37¡Chin ttzaq'wetza Nman Dyos, chin ttzaq'wetza, tu'n telkynik'ju' xjal lu qa aya Dyos, ex nche ttxko'na tu'n kyoklpe jumajtlti'ja!, chij.
38Ku'tztzu'n tq'aq' Qman Dyos toju' kmoj lu, b'aj tz'e'yju' chojb'il k'ok'sb'il exju' si tu'n, expe' ikyqe'xju' ab'j ex quq, ex b'aju' a' atitoq toju' k'anb'ilte tu'n. 39Tetzunj kyka'yinte xjal ja'lu, Majx e'kub' joqe kykyaqilx twitz tx'otx', ex kyma: ¡Axna'tzunte' ate Qmanju' Dyos, axnatzunte' ate Qmanju' Dyos! chechij.
40Xi'tzun tma'n Eliy kye:
—¡Che kytzyumqe'ju'ye' t-sanjelal B'aal! ¡Mixti' tu'n ttzaqpaj jun! chij.
Eb'aj kytzyu'ntzun xjaltz, ex eb'ajx tiq'i'n Eliy ttzi tal a' Sison, atzuntzu' eb'aj kub'a'tb'yo'n.
Na'n Dyos Eliy tu'n ttzaj jb'al
41Xi'tzun tma'n Eliy te Akab':
—Kutxi'ya wal ex k'wal, qu'n luju' tq'ojq'ojel jb'al tzul, chij.
42Xi'tzu'n Akab' wal ex k'wal. Atzunte' Eliy jawx lq'e twi'xi'xxu' witz Karmelo, ex kub' meje majx ku'punju' twitz kyxolju' tch'ek, 43xitma'n teju' tmajin:
—Kutxi'ya ka'yilte tu'me'lu' ninnjab', chij te.
Xi'tzuntz ka'yilte ex tma:
—Mixti'te muj, chij.
Atzunte Eliy wuq maj xitchq'o'n.
44Tojtzun twuqi'n maj, tmaju' majin:
—¡Xi' ttzaj jun tal muj toj ninnjab' kyinju' kse'n jun q'ob'aj! chij.
Xi'tzun tma'n Eliy te:
—Kuxtxi'ya q'malte te Akab' tu'n toktk'lo'n tkarwaj ex tu'n tanj, qu'n jaku' mqet tu'n jb'al, chij.
45Jawx Akab' toju' tkarwaj ex xi' Jesreel. O'kx tkub' qxope' twitz kya'j tu'n muj ex kyq'iq', ex tzaj jun nin jb'al. 46Atzunte Eliy, xitq'o'n Qman Dyos tipumal; tetzunj tb'aj tb'incha'n t-xb'alun, xi'tzuntz ojqel tzmax Jesreel, nejl tpon twitz Akab'.
Currently Selected:
1 R 18: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
1 R 18
18
Pon jumajtl Eliy twitz Akab'
1B'ettzun q'ij. Tzaj yolin jumajtl Qman Dyos te Eliy tb'ajlenxi' oxe' ab'q'i, ex tma: Kutxi'ya twitz Akab', qu'n kxe'l nq'o'nwe' jb'al tib'aju' tx'otx', chij.
2Xi'tzu'n Eliy twitz Akab'. Nimxi'xtoqu' We'yaj toj Samarya. 3Xittxko'n Akab' Ab'diy, ju' ka'yilte toj tja, intoq k'ulun tuk'i'l ninb'ilte Qman Dyos 4ex tej taq'wi Jesab'el b'yolkyeju' t-sanjelal Qman Dyos, eb'aj tb'u'yi'n Ab'diy jo'naq (100) t-sanjelal Dyos, e'kub' tpa'n toj kab'e' tnej te kab'naq lajojchaq (50), ex b'ajxniqe'toq tewa'n kyoj kab'e' jyom toj pik, ex xitq'o'n kywa kse'nxju' nojqelan kye. 5Xi'tzun tma'n Akab' te Ab'diy:
—Qo'ya b'etil tojileju' tx'otx' ex ja ta'qe' kykyaqilju' kyxiklil a' ex nimaq a' qama knet k'ul qu'n te kywaju' b'anchej ex mul tu'n kyanq'in. Qu'n qatzun minti' qokjel mixti' qchej, chij.
6Ikytzu'n, kub' kypa'nju' tx'otx' jachaq tu'n kyb'ajxa' b'etil toj, xi'te Akab' toj jun b'e, atzunte Ab'diy xi' toj juntl b'e. 7Eltzun yal Eliy twitz Ab'diy toj b'e, ex tej teltnik' te, kub'joqe twitz ex tma:
—¡Ma aju'ya qman Eliy! chij.
8—Ayine', chi Eliy xittzaq'we'n, ex xitma'ntl te: —Kutxi'ya ex q'manxa teju' tajawa qa atinqine' tza'lu, chij.
9Xi'tzun ttzaq'we'n Ab'diy te:
—¿Ti'tzu'n wile' xnb'incha'ye' tu'nju' chin xel tq'o'na toj tq'ob' Akab' tu'n nkub' tb'yo'ne'? 10Majx lu Qman Dyos, mixti' jun tnam ex kawb'il jana'mxwit txi' jyob'aja tu'n wajawe'; nxikytzaq'we'n jyolteya qa mixti'ya atzu', nche oktchq'o'n wajawe' tu'n kytziyante twitz Qman Dyos qa ax mixti' xkneta kyu'n. 11¡Atzuntlta ja'lo ntzaj tma'na tu'n nxi'ye' q'malte teju' Wajawe' qa atiya tzalu! 12Ate kb'ajelu', ajwik'b'ete' tk'etza kxel q'i'na tu'n t-xew Qman Dyos ja mixti' b'i'n wu'ne'. Ajtzun npone' q'olteju' tqanil te Akab', layx kneta tu'n, chin b'el tb'yo'ntzuntze'. Kukxnawe' nniman te Qman Dyos ayine' ajb'el teya. 13¿Ma na'mxtzun txi' q'ma'n teya aju' nb'inchaye' tej intoq che kub' tb'yo'n Jesab'el t-sanjelal Qman Dyos? Exi' wewa'ne' jo'naq (100) t-sanjelal Dyos, e'kub' npa'ne' toj kab'e' tnej ex e'okx we'wa'ne' toj kab'e' jyom toj pik, ex xinq'o'ne' kywa kse'nxju' in nojqelan kye. 14¿Ma atltzunta' ntzaj tma'n weye' ja'lo tu'n nxi'ye' q'malte teju' wajawe' qa atiya tzalu? ¡Chin b'el tb'yo'nwe' ja'lo! chi Ab'diy. 15Xi'tzun ttzaq'we'n Eliy te:
—Majx lu Qman Dyos nimtipumal nchin ajb'ene' te, kxel nyek'u'n wib'e' te Akab' ja'loxi'x, chij. 16Xi'tzun Ab'diy jyolte Akab' tu'n txitma'n te, xi'tzu'n Akab' ex e'okyal tekyib' tuk'i'l Eliy. 17Tej tlonte xitma'n te:
—¿Ma ape'ta toka xitulkye aj Israel? chij.
18Xi'tzun ttzaq'we'n Eliy te:
—Myayinwe' tinqink xitulkye, a na'ta kyuk'i'lju' t-xjala, tu'n tpaj matxi' kyej kytzaqpi'ne' tchaq'b'il Qman Dyos ex xi' nche k'uluna'tle' kye chukchaq tilb'ilal B'aal. 19Chq'onqe'xa t-xjala ja'lo b'uyilkye kykyaqilju' aj Israel twi' witz Karmelo, kyuk'i'lju' junk'al kab'naqlajoj (450) t-sanjelal B'aal exju' junk'al (400) t-sanjelal Asera k'a'cha'nqe' tu'n Jesab'el, chi Eliy te.
Jun b'ajte Eliy t-sanjelal Dyos kyuk'i'l t-sanjelal B'aal
20Tchaq'tzun Akab'tz tu'n kytxkonjtz kykyaqilju' aj Israel ex eb'aj tb'u'yi'nju' t-sanjelal B'aal twi' witz Karmelo. 21Pontzun lq'e Eliy kyk'etz kykyaqilju' tnam, ex tma:
—¿Jtojtzun kyej kyq'o'ne' kynab'le' kab'e' tu'me'l? Qa ate Qman Dyos axxi'x Dyos, che lpeke' ti'j, qatzun a B'aal toj kywitze', ex atzu' che lpexa'ye' ti'j, chij.
Mixti'xkye' tnam xikytzaq'we'n. 22Ex xitma'ntl Eliy kye:
—O'qinkx ku'tlwe' ẍin kyej anq'ine' jun t-sanjelal Dyos qine', aye'tzunkye' t-sanjelal B'aal junk'al kab'naqlajoj (450) kyb'aj. 23Ja'lotzun kyiq'intze' kab'e' qpoj tman wakx, kysk'o'nktz tzunkye t-sanjelal B'aal jun, kb'el kytaqk'u'n toj tx'naji'n tu'ntzun tb'ajkub' knk'u'n tib'aj si, ex mixti' tu'n tokkytxqo'n tq'aq'al. Ex ikxwe', kb'el nb'incha'ne' juntl tib'aj si ex lay tz'okntxqo'ne' tq'aq'al. 24Che k'ulunqe'tzunkye' kyeju' kydyose', ex ikxwe' chin k'ulule' te Qman Dyos, ¡Altzunkye matzaj ttzaq'we'n ex matzaj tq'o'n q'aq', atzunte Dyosu' axxi'x! chij.
—B'a'nte' ikyju' —chechiju' tnam xikytzaq'we'n.
25Xi'tzun tma'n Eliy kyeju' t-sanjelal B'aal:
—Kysk'o'nktze' jun qpoj tman wakx, ex kyb'inchanku'ye', b'a'npun pena'kye' kyb'aj. Che k'ulunqe'tzune' teju' kydyose', ex lalun tz'okkytxqo'ne' tq'aq'alju' chojb'il, chij kye. 26Xi'tzun kytzyu'nju' wakx xiq'o'n kye, ex kub' kyb'incha'n, tzyetxtzuntz kyu'n te prim tzmax tpon te wanq'ij e'okten kub'sal twitz B'aal, ex intoq kyma'n: ¡Qo ttzaqwetza B'aal!, chechij, e'aq'wi xlik'pul ti'jeleju' q'olb'eb'l jaw kyb'incha'n, ex mixti'xte tzaj ttzaq'we'n B'aal kye. 27Tetzunj tok wanq'ij, aq'wi Eliy xmayil kyi'j ex xitma'n kye:
Che ẍch'inqe'ye' kuwxi'x, qu'n dyos te', qajlo nimxi'x taq'un, mujqa matxi' txi' tz'a'lil, mujqa matxi' toj tb'e. ¡Qajlo nwtan ex ati tu'n tokx k'aset! chij.
28Inxi'xtoqtzun che ẍch'in ex nok kypk'u'nkyib' tu'n kuchil ex tu'n tze ch'ut tzmaxi'j kyb'aj chk'en, kse'nx nkyb'incha'n. 29B'ajtzu'n nik'jan q'ij kyu'n, maskye kukxtoq kyẍch'inju' ex intoq che xlik'pun naku'j nok toj kywitz, tzmax tponju' kmuj tu'n t-xiq'etju' chojb'il, ex mixti'xte jun tzaq'web'l ul. ¡Mix-a'lo' jun tzaj tzaq'wenkye ex mix-a'lo'x jun tzaj b'inkye! 30Xi'tzun tma'n Eliy kye kykyaqilju' xjal:
—Che lq'etze' nk'etze', chij.
Kykyaqiltzu'n xjal e'pon lq'e tk'etz, aq'witzuntz b'inchalte q'olb'eb'l te Qman Dyos, ju' ojetoq kub' xitj. 31Tzaj tiq'i'n kab'lajoj (12) ab'j kse'nx kyajlalju' tnej tyajajil Jakob' ju' oktq'o'n Qman Dyos tb'i Israel, 32jawtzun tb'incha'n jun q'olb'eb'l te Qman Dyos kyu'n ab'j lu kyuk'i'lju' xjal ex ku'x tlku'n jun tkb'el a' ti'jileju' q'olb'eb'l jatu'n kyb'ajxa' junaq (20) litr twitz awal k'ok'e'kywitz, 33kub' tnk'u'nju' si, kub'tzun tqesu'n wakxtz toj tx'naji'n ex kub' tq'o'n tib'aju' si. 34Tmatzuntz:
—Kynojsanku'ye' kyaje' ẍoq' a' ex kyqonku'ye' tib'aju' chojb'il k'ok'sb'il tuk'ilxi' si, chij.
Ex xitma'ntl tu'n tkub' kyqo'n a' tkamaji'n ex toxmaji'n, ex xikyb'incha'n. 35Majxkub' qojlju' a' ti'jile q'olb'eb'l ex noju' k'anb'il a' tu'n. 36Tetzunj tponju' kmoj tu'n t-xiq'etu' chojb'il k'ok'sb'il, oklq'e Eliy t-sanjelal Dyos ti'ju' q'olb'eb'l, jaw toj twi' kuw ex tma: ¡Taye, Kydyos Ab'raam, Isaak ex Israel: b'inchama tu'n tel tnik'tzila ja'lo qa aya Kydyos aj Israel, exqa ayine' tmajina ex aya saj q'mante tu'n nb'inchanteye' tkyaqil ja'lu! 37¡Chin ttzaq'wetza Nman Dyos, chin ttzaq'wetza, tu'n telkynik'ju' xjal lu qa aya Dyos, ex nche ttxko'na tu'n kyoklpe jumajtlti'ja!, chij.
38Ku'tztzu'n tq'aq' Qman Dyos toju' kmoj lu, b'aj tz'e'yju' chojb'il k'ok'sb'il exju' si tu'n, expe' ikyqe'xju' ab'j ex quq, ex b'aju' a' atitoq toju' k'anb'ilte tu'n. 39Tetzunj kyka'yinte xjal ja'lu, Majx e'kub' joqe kykyaqilx twitz tx'otx', ex kyma: ¡Axna'tzunte' ate Qmanju' Dyos, axnatzunte' ate Qmanju' Dyos! chechij.
40Xi'tzun tma'n Eliy kye:
—¡Che kytzyumqe'ju'ye' t-sanjelal B'aal! ¡Mixti' tu'n ttzaqpaj jun! chij.
Eb'aj kytzyu'ntzun xjaltz, ex eb'ajx tiq'i'n Eliy ttzi tal a' Sison, atzuntzu' eb'aj kub'a'tb'yo'n.
Na'n Dyos Eliy tu'n ttzaj jb'al
41Xi'tzun tma'n Eliy te Akab':
—Kutxi'ya wal ex k'wal, qu'n luju' tq'ojq'ojel jb'al tzul, chij.
42Xi'tzu'n Akab' wal ex k'wal. Atzunte' Eliy jawx lq'e twi'xi'xxu' witz Karmelo, ex kub' meje majx ku'punju' twitz kyxolju' tch'ek, 43xitma'n teju' tmajin:
—Kutxi'ya ka'yilte tu'me'lu' ninnjab', chij te.
Xi'tzuntz ka'yilte ex tma:
—Mixti'te muj, chij.
Atzunte Eliy wuq maj xitchq'o'n.
44Tojtzun twuqi'n maj, tmaju' majin:
—¡Xi' ttzaj jun tal muj toj ninnjab' kyinju' kse'n jun q'ob'aj! chij.
Xi'tzun tma'n Eliy te:
—Kuxtxi'ya q'malte te Akab' tu'n toktk'lo'n tkarwaj ex tu'n tanj, qu'n jaku' mqet tu'n jb'al, chij.
45Jawx Akab' toju' tkarwaj ex xi' Jesreel. O'kx tkub' qxope' twitz kya'j tu'n muj ex kyq'iq', ex tzaj jun nin jb'al. 46Atzunte Eliy, xitq'o'n Qman Dyos tipumal; tetzunj tb'aj tb'incha'n t-xb'alun, xi'tzuntz ojqel tzmax Jesreel, nejl tpon twitz Akab'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999