1 R 12
12
Kub' aq'puju' kawb'il
(2 Cr 10.1—11.4)
1Xi' Rob'oam Sikyem, qu'n kykyaqilju' aj Israel eb'ajx atzu' tu'n tok kyq'o'n te nimaqkawil. 2Tb'itzu'n Jerob'oam, tk'wal Nab'at, atixtoq toj Ejipt, qu'n atzu' pona' tej txi' oq twitzu' nimaqkawil Salomon, axtzuntzu' kyeja' ten najal. 3Tej tpon txokb'aj, xi'tzu'n Jerob'oamtz kyuk'i'l kykyaqilju' tnam Israel yolil tuk'i'l Rob'oam, xikyma'n te:
4—Kuwxi'xju' tmana qeye'; atzunta lalun kub' tq'o'na aq'untl kuwxi'x qib'aje', ex ko'pimju'ya chaq'b'il kuwxi'x kub' tq'o'n qtzan tmana qib'aje', qo ajb'eltzuntze' teya, chechij.
5Atzunte Rob'oam xittzaq'we'n kye:
—B'a'n kyul jumajtle' yolil wuk'i'le' toj oxe' q'ijtel, kukyxi'ye', chij.
E' anjtzun xjaltz, 6Xi'tzu'n nimaqkawil Rob'oamtz yolil kyuky'i'lju' tijwnaq e'ajb'en q'ol nab'l te Salomon, ju' tman tej itz'toq, xitqani'n kye:
¿Titi' jun nnab'le' ktzajel kyq'o'ne' tu'n txi' ntzaq'we'ne' kyeju' xjal lu? chij.
7Aye'tzunkye xikyma'n te:
—Qama che'x tb'i'na xjal lu ja'lo exqa matxi tq'o'na jun b'a'n tzaq'web'l kye, kche ajb'elkye' teya kukxju', chechij.
8Atzunte Rob'oam mixti' xitb'i'n kyyolju' tijwnaq, xi' xa'ya'tl qanil tnab'l kyeju' ku'xunju' junx kyb'aj ch'iy tuk'i'l ex inche ajb'en te, 9xitqani'n kye:
—¿Titi' junkye' nnab'le' ktzajel kyq'o'ne' tu'n t-xintzaq'we'ne' kyeju' xjal lu, ju' matxi' tzajkyqani'n weye' tu'n nko'pinteju'ye' chaq'b'il kub' tq'o'n nmane' kyib'aj? chij.
10Aye'tzu'n ku'xun junx kyb'aj ch'iy tuk'i'l, xikytzaq'we'n te:
—Ate q'manxju'ya kye' xjal matxi' tzajkyqani'n teya tu'n tko'lpinteju'ya chaq'b'il kub' tq'o'n tmana kyib'aj: Qa kuwxi'xju' nmane' kyeye', chin okyele' kuwxi'xtl kyetwitz; 11qama kub' tq'o'n nmane' jun iqtz alxi'x kyib'aje', kb'elpe' nq'o'nxi'x juntlwe' alxi'xtl; qama che jikunjtze' toj asyal tu'n, ayintzunwe' che njiku'ye' toj asyal tz'u'n k'uxb'il ttxa'n, chiku'ya kye, chechij.
12Pon junmajtlu' Jerob'oam kyuk'i'lju' xjal toj toxi'n q'ij twitz Rob'oam b'ilte ttzaq'web'lju' nimaqkawil, kse'nxju' ojetoq txi' q'ma'n kye 13atzunte nimaqkawil xittzaq'we'n kye kuwxi'x, ex mixti' xitb'i'nju' nab'l kyu'n tijwnaq, 14xitma'ntzuntz kye aju' ojetoq kyma ku'xun: qa ojetoq kub' tq'o'n tman jun iqtz alxi'x kyib'aj, atitoq tu'n tkub' tq'o'nxi'xtl juntl alxi'xtl kyib'aj, qatzun matxitoq che b'aj jiku'n tu'n kyjaj, atitoq tu'n kyb'aj tjiku'nxi'xtl tu'n jun asyal tz'u'n k'uxb'il ttxa'n. 15Mixti' xitb'i'n nimaqkawil kyyolu' tnam, qu'n tajb'iltoq Qman Dyos tu'n tjapun ikyju', tu'ntzun tjapunju' ojetoq tzaj tma'n Qman Dyos te Jerob'oam, tk'wal Nab'at, tu'nel Ayiy aj Silo.
16Tetzunj kyka'yinte tkyaqilju' tnam Israel, mixti' exib'i'n tu'n nimaqkawil, xikytzaq'we'n kjalu:
¡Mixti'qe' qoklen ti'j Dab'i!
¡Mixti'qe' qetzb'il ti'ju' tetzb'il tk'wal Jese!
¡Qo'qe' anj qkyaqilx aj Israel!
¡Che tka'yinx te Dab'i toj tja! chechij.
Textzu'n kmuj lu e'anju' aj Israel kyja. 17Aye'tzu'n aj Israel najlqe'toq kyoju' nimaqtnam toj Juda, xitljo'n Rob'oam tu'n tkawin kyib'aj. 18Tetzunj txi' tchq'o'n Rob'oam Adoram, ju' ka'yilte aq'untl ilxi'xti'j, kykyaqilxu' aj Israel e'kub' b'yonte toj ab'j. Lwiyxi'xtzun jaxju' nimaqkawil Rob'oam toju' karwaj ex xi' oq Jerusalen. 19Iktzu'n jawa' kyiq'i'nkyib'u' aj Israel ti'ju' tk'wal Dab'i ex majx elkypa'n kyib'.
20Tej kyb'inte aj Israel qa ojetoq tz'anjtzti'j Jerob'oam, xikychq'on ttxokli tu'n kyyoli'n tnam tuk'i'l, ex okkyq'o'n te nimaqkawil toj tkyaqil Israel, mix-a'lo'toq jun tu'n tkyajten tu'n t-xilpe ti'ju' tyajajil Dab'i, kyi'jxi'tlu' tyajajil Juda. 21Tej tkanun Rob'oam Jerusalen, b'aj tb'uyi'n junaq kab'mutx' lajk'al (180,000) xjal te q'oj sk'o'nqe' kyxolju' tyajajil Juda ex tyajajil B'enjamin, tu'n kyq'ojin ti'j Israel ex tu'n tkanb'etlju' tkawb'il. 22Atzunte Qman Dyos yolin te Semayiy, jun tmajin Qman Dyos ex tchaq' te ikjalu: 23Q'manxa te Rob'oam tk'wal Salomon, nimaqkawil toj Juda, ex kye kykyaqilju' kyyajajil Juda ex B'enjamin, exqe' txqantl tnam, 24knchaq'u'ye' kyeye' tu'n lalun che q'ojine' kyi'ju' kyitz'ine' aj Israel. Kutanj kyi'je' kykyaqilxe' kyjaye', qu'n iky matxi' kub' nxima'ju'ye', chi Dyos te Semayiy.
Atzunj kyb'inteju' intma'n Qman Dyos, b'aj anjkyi'j kse'nju' xiq'ma'n kye.
Kub'tq'o'ntl Jerob'oam witzileb'i'n
25Jawtb'incha'n Jerob'oam jumajtlu' nintnam Sikyem, ju' ati twi' witz te Eprayin ex kub' najan toj. Ex ikx jawtb'incha'n Penwel. 26Kub'tzun t-xima'n ikjalu: Jaku' kanb'et jumajtlte' kawb'il tu'n toj tja Dab'i, 27qama che'xu' xjal lu q'ol chojb'il toj tja Qman Dyos Jerusalen. Ktzajel kyna'n jumajtlu' Rob'oam nimaqkawil toj Juda ex jaku' chin kub' kyb'yo'ne', che kxe'ltzun jumajtltz tuk'i'lu' nimaqkawil toj Juda, chij. 28Tb'ajlenxi'tzun tqani'n tnab'l ti'ju' lu, tb'incha nimaqkawil kab'e' tilb'ilal tman wakx q'anpwaqqe', ex xitma'n kyeju' tnam: Israel, matxi' che tx'anjxi'ye' k'ulul Jerusalen. Atzu'n ja'lu luju' kydyose' etzq'inkyeye' Ejipt, chij. 29Kub'tzun tq'o'n jun toj B'etel atzun juntl toj Dan. 30Tu'ntzun tpaj ja'lu eb'inchan ilu' aj Israel, qu'n intoq che'xkye' xjal B'etel, ex Dan k'ulul kye. 31Ex e'kub' tb'incha'n ja xjan te witzleb'i'n, ex e'oktq'on pale te toj tnam, mya aj Leb'iqe'. 32Ex kub' tq'o'n jun ninq'ij toj o'lajoj tajlal twajxaqi'n xjaw, kse'nxju' ninq'ij inkub' ik'set toj Juda, ex axu' nimaqkawil kub' q'onkye chojb'il tib'aj q'olb'eb'l. Tb'inchaju'lu toj B'etel, intoq che kub' tq'o'n chojb'il kyeju' tilb'ilal wakx e'kub' tb'incha'n ex intoq che oktq'o'n pale kyoju' ja te witzleb'i'n e'jaw tb'incha'n. 33Iktzu'n, e'kub' tq'o'n Jerob'oam chojb'il tib'aju' q'olb'eb'l ojetoq kub' tb'incha'n toj B'etel, toju' q'ij o'lajoj tajlalu' twajxaqi'n xjaw. Atzun t-xjawil ninq'iju' kub' t-xima'n kse'nxju' tajb'il, oktq'o'n te jun ninq'ij kye aj Israel tu'n kyk'ulun, ax xjawju' tej tjax tz'e'ysalte sturak tib'aju' q'olb'eb'l.
Currently Selected:
1 R 12: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
1 R 12
12
Kub' aq'puju' kawb'il
(2 Cr 10.1—11.4)
1Xi' Rob'oam Sikyem, qu'n kykyaqilju' aj Israel eb'ajx atzu' tu'n tok kyq'o'n te nimaqkawil. 2Tb'itzu'n Jerob'oam, tk'wal Nab'at, atixtoq toj Ejipt, qu'n atzu' pona' tej txi' oq twitzu' nimaqkawil Salomon, axtzuntzu' kyeja' ten najal. 3Tej tpon txokb'aj, xi'tzu'n Jerob'oamtz kyuk'i'l kykyaqilju' tnam Israel yolil tuk'i'l Rob'oam, xikyma'n te:
4—Kuwxi'xju' tmana qeye'; atzunta lalun kub' tq'o'na aq'untl kuwxi'x qib'aje', ex ko'pimju'ya chaq'b'il kuwxi'x kub' tq'o'n qtzan tmana qib'aje', qo ajb'eltzuntze' teya, chechij.
5Atzunte Rob'oam xittzaq'we'n kye:
—B'a'n kyul jumajtle' yolil wuk'i'le' toj oxe' q'ijtel, kukyxi'ye', chij.
E' anjtzun xjaltz, 6Xi'tzu'n nimaqkawil Rob'oamtz yolil kyuky'i'lju' tijwnaq e'ajb'en q'ol nab'l te Salomon, ju' tman tej itz'toq, xitqani'n kye:
¿Titi' jun nnab'le' ktzajel kyq'o'ne' tu'n txi' ntzaq'we'ne' kyeju' xjal lu? chij.
7Aye'tzunkye xikyma'n te:
—Qama che'x tb'i'na xjal lu ja'lo exqa matxi tq'o'na jun b'a'n tzaq'web'l kye, kche ajb'elkye' teya kukxju', chechij.
8Atzunte Rob'oam mixti' xitb'i'n kyyolju' tijwnaq, xi' xa'ya'tl qanil tnab'l kyeju' ku'xunju' junx kyb'aj ch'iy tuk'i'l ex inche ajb'en te, 9xitqani'n kye:
—¿Titi' junkye' nnab'le' ktzajel kyq'o'ne' tu'n t-xintzaq'we'ne' kyeju' xjal lu, ju' matxi' tzajkyqani'n weye' tu'n nko'pinteju'ye' chaq'b'il kub' tq'o'n nmane' kyib'aj? chij.
10Aye'tzu'n ku'xun junx kyb'aj ch'iy tuk'i'l, xikytzaq'we'n te:
—Ate q'manxju'ya kye' xjal matxi' tzajkyqani'n teya tu'n tko'lpinteju'ya chaq'b'il kub' tq'o'n tmana kyib'aj: Qa kuwxi'xju' nmane' kyeye', chin okyele' kuwxi'xtl kyetwitz; 11qama kub' tq'o'n nmane' jun iqtz alxi'x kyib'aje', kb'elpe' nq'o'nxi'x juntlwe' alxi'xtl; qama che jikunjtze' toj asyal tu'n, ayintzunwe' che njiku'ye' toj asyal tz'u'n k'uxb'il ttxa'n, chiku'ya kye, chechij.
12Pon junmajtlu' Jerob'oam kyuk'i'lju' xjal toj toxi'n q'ij twitz Rob'oam b'ilte ttzaq'web'lju' nimaqkawil, kse'nxju' ojetoq txi' q'ma'n kye 13atzunte nimaqkawil xittzaq'we'n kye kuwxi'x, ex mixti' xitb'i'nju' nab'l kyu'n tijwnaq, 14xitma'ntzuntz kye aju' ojetoq kyma ku'xun: qa ojetoq kub' tq'o'n tman jun iqtz alxi'x kyib'aj, atitoq tu'n tkub' tq'o'nxi'xtl juntl alxi'xtl kyib'aj, qatzun matxitoq che b'aj jiku'n tu'n kyjaj, atitoq tu'n kyb'aj tjiku'nxi'xtl tu'n jun asyal tz'u'n k'uxb'il ttxa'n. 15Mixti' xitb'i'n nimaqkawil kyyolu' tnam, qu'n tajb'iltoq Qman Dyos tu'n tjapun ikyju', tu'ntzun tjapunju' ojetoq tzaj tma'n Qman Dyos te Jerob'oam, tk'wal Nab'at, tu'nel Ayiy aj Silo.
16Tetzunj kyka'yinte tkyaqilju' tnam Israel, mixti' exib'i'n tu'n nimaqkawil, xikytzaq'we'n kjalu:
¡Mixti'qe' qoklen ti'j Dab'i!
¡Mixti'qe' qetzb'il ti'ju' tetzb'il tk'wal Jese!
¡Qo'qe' anj qkyaqilx aj Israel!
¡Che tka'yinx te Dab'i toj tja! chechij.
Textzu'n kmuj lu e'anju' aj Israel kyja. 17Aye'tzu'n aj Israel najlqe'toq kyoju' nimaqtnam toj Juda, xitljo'n Rob'oam tu'n tkawin kyib'aj. 18Tetzunj txi' tchq'o'n Rob'oam Adoram, ju' ka'yilte aq'untl ilxi'xti'j, kykyaqilxu' aj Israel e'kub' b'yonte toj ab'j. Lwiyxi'xtzun jaxju' nimaqkawil Rob'oam toju' karwaj ex xi' oq Jerusalen. 19Iktzu'n jawa' kyiq'i'nkyib'u' aj Israel ti'ju' tk'wal Dab'i ex majx elkypa'n kyib'.
20Tej kyb'inte aj Israel qa ojetoq tz'anjtzti'j Jerob'oam, xikychq'on ttxokli tu'n kyyoli'n tnam tuk'i'l, ex okkyq'o'n te nimaqkawil toj tkyaqil Israel, mix-a'lo'toq jun tu'n tkyajten tu'n t-xilpe ti'ju' tyajajil Dab'i, kyi'jxi'tlu' tyajajil Juda. 21Tej tkanun Rob'oam Jerusalen, b'aj tb'uyi'n junaq kab'mutx' lajk'al (180,000) xjal te q'oj sk'o'nqe' kyxolju' tyajajil Juda ex tyajajil B'enjamin, tu'n kyq'ojin ti'j Israel ex tu'n tkanb'etlju' tkawb'il. 22Atzunte Qman Dyos yolin te Semayiy, jun tmajin Qman Dyos ex tchaq' te ikjalu: 23Q'manxa te Rob'oam tk'wal Salomon, nimaqkawil toj Juda, ex kye kykyaqilju' kyyajajil Juda ex B'enjamin, exqe' txqantl tnam, 24knchaq'u'ye' kyeye' tu'n lalun che q'ojine' kyi'ju' kyitz'ine' aj Israel. Kutanj kyi'je' kykyaqilxe' kyjaye', qu'n iky matxi' kub' nxima'ju'ye', chi Dyos te Semayiy.
Atzunj kyb'inteju' intma'n Qman Dyos, b'aj anjkyi'j kse'nju' xiq'ma'n kye.
Kub'tq'o'ntl Jerob'oam witzileb'i'n
25Jawtb'incha'n Jerob'oam jumajtlu' nintnam Sikyem, ju' ati twi' witz te Eprayin ex kub' najan toj. Ex ikx jawtb'incha'n Penwel. 26Kub'tzun t-xima'n ikjalu: Jaku' kanb'et jumajtlte' kawb'il tu'n toj tja Dab'i, 27qama che'xu' xjal lu q'ol chojb'il toj tja Qman Dyos Jerusalen. Ktzajel kyna'n jumajtlu' Rob'oam nimaqkawil toj Juda ex jaku' chin kub' kyb'yo'ne', che kxe'ltzun jumajtltz tuk'i'lu' nimaqkawil toj Juda, chij. 28Tb'ajlenxi'tzun tqani'n tnab'l ti'ju' lu, tb'incha nimaqkawil kab'e' tilb'ilal tman wakx q'anpwaqqe', ex xitma'n kyeju' tnam: Israel, matxi' che tx'anjxi'ye' k'ulul Jerusalen. Atzu'n ja'lu luju' kydyose' etzq'inkyeye' Ejipt, chij. 29Kub'tzun tq'o'n jun toj B'etel atzun juntl toj Dan. 30Tu'ntzun tpaj ja'lu eb'inchan ilu' aj Israel, qu'n intoq che'xkye' xjal B'etel, ex Dan k'ulul kye. 31Ex e'kub' tb'incha'n ja xjan te witzleb'i'n, ex e'oktq'on pale te toj tnam, mya aj Leb'iqe'. 32Ex kub' tq'o'n jun ninq'ij toj o'lajoj tajlal twajxaqi'n xjaw, kse'nxju' ninq'ij inkub' ik'set toj Juda, ex axu' nimaqkawil kub' q'onkye chojb'il tib'aj q'olb'eb'l. Tb'inchaju'lu toj B'etel, intoq che kub' tq'o'n chojb'il kyeju' tilb'ilal wakx e'kub' tb'incha'n ex intoq che oktq'o'n pale kyoju' ja te witzleb'i'n e'jaw tb'incha'n. 33Iktzu'n, e'kub' tq'o'n Jerob'oam chojb'il tib'aju' q'olb'eb'l ojetoq kub' tb'incha'n toj B'etel, toju' q'ij o'lajoj tajlalu' twajxaqi'n xjaw. Atzun t-xjawil ninq'iju' kub' t-xima'n kse'nxju' tajb'il, oktq'o'n te jun ninq'ij kye aj Israel tu'n kyk'ulun, ax xjawju' tej tjax tz'e'ysalte sturak tib'aju' q'olb'eb'l.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999