JOB 10
10
Jainkoak giza bekatua aztertzen
1«Nazkatua nago bizitzaz!
Ez ditut gordeko neure kexak,
bihotzeko samina isuriko dut.#bihotzeko samina 7,11+.
2Esango diot Jainkoari:
Ez nazazu erruduntzat har.
Esadazu zertaz salatzen nauzun.#zertaz salatzen 6,24+.
3Ongi iruditzen al zaizu ni gogor hartzea,
zeure eskuen lana mespretxatu
eta gaiztoen egitamua ederrestea?
4Haragizko begiak al dituzu eta gizakiek bezala ikusten?#ez du gizakiek bezala ikusten 1 Sm 16,7; Jr 11,20.
5Zure egunak eta urteak gizakiarenak bezain laburrak ote,
6nire errua eta bekatua aztertzen ibiltzeko,#errua aztertzen 14,16.
7nahiz eta jakin ez naizela errudun
eta inork ez nazakeela zure eskutik libra?#inork ez zure eskutik libratzen Dt 32,39; Jkd 16,15.
Gizakia Jainkoak sortua
8«Zure eskuek egin ninduten,
beraiek moldatu ninduten alde guztietatik,
eta, orain, suntsitu egiten nauzu!#Zure eskuek egin 33,6; Has 2,7; Is 64,7; Sal 119,73. Jaunak suntsitu 2,3.
9Gogoan izan buztina bezala eratu ninduzula,
eta hautsetara itzularaziko nauzula berriro.#hautsetara itzuli 7,21; 34,15. Ik. Has 3,19+.
10Ez al ninduzun isuri esnea bezala
eta gero gazta bezala gatzatu?#10,10 Tx.ean adierazia, enbrioiak amaren sabelean duen garapenaren irudia da.
11Azalez eta haragiz jantzi ninduzun,
hezurrez eta zainez ehundu;#Jainkoak haurra eratu Sal 139,13.15; Jkd 7,2.
12biziaren dohaina eman zenidan
eta ardura osoz zaindu duzu ene arnasa.
Erasotua eta zigortua izateko sortu Jainkoak gizakia
13«Baina beste zerbait zenuen zeure barnean gordeta;
badakit orain zein zen zure asmoa:
14nik noiz bekatu egingo zain egotea,
nire erruen zigorra emateko.#bekatu noiz egingo zain 7,19+.
15Errudun izanez gero, ai ene!
Errugabe izanik ere, ezin izango dut bururik altxatu,
lotsaz betea bainago, miseria beti begi aurrean.#Erruduna/errugabea 9,20.
16Altxatzen badut, berriz, lehoiak bezala harrapatuko nauzu,
zure balentriak nire kontra berreginez,
17berriro ene aurka erasoz,
nireganako are amorru handiagoz,
etengabe zure gudarosteak nire kontra bidaliz.#Jainkoak eraso 13,24-25; 16,7-14; 19,6.10-12.22; 30,21.
Bakean utz nazala Jainkoak
18«Beraz, zergatik irtenarazi ninduzun sabeletik?
Hil banintz, inork ez nindukeen ikusiko,
19izan ez banintz bezala,
sabeletik hilobira eramana izango.#izan ez banintz bezala 3,16+; Si 44,9. Ik. 3,3+.
20Hain dira urriak nire egunak!
Utz nazazu bakean, pozalditxo bat izan dezadan,#urriak egunak 7,7+.
21itzulerarik gabe joan aurretik
ilunpe eta herio-itzalen herrialdera,#itzulerarik gabe joan 7,9+.
22iluntasun eta nahas-mahas hutseko,
argi-izpirik gabeko herrialdera#10,22 Tx.eko hebreerazko testua itzulpenak aditzera ematen duena baino puztuagoa da.».
Currently Selected:
JOB 10: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso