Jo Ibru 3
3
Yecu dit kato Moses
1Pi meno, wun utmegina maleŋ ma Lubaŋa olwoŋowu kacel kweda, koŋ wutam lok i kom Yecu ma en lakwana dok ajwaka madit me niye ma wan watuco. 2#Wel 12.7 En obedo lagen bot Lubaŋa muyero okete i tic, ma rom aroma ki Moses ma yam obedo lagen i ot pa Lubaŋa. 3Lager ot gimiye deyo madit makato ot; kit meno Yecu bene nene gikwano ni deyone dit kato pa Moses woko. 4Pien ot mo keken dano aye ma gero, ento ŋat ma gero jami ducu en aye Lubaŋa. 5Moses yam obedo lagen i ot pa Lubaŋa ducu macalo latic, pi miyo caden i lok ma gibiloko i kare ma lacen. 6Ento Kricito obedo lagen i kom ot pa Lubaŋa macalo Wode. Wan aye wa ode ka ce wamoko matek i tekcwinywa, ki i wakkewa pi gen ma watye kwede.
Yweyo tye pi jo pa Lubaŋa
7 #
Jab 95.7-11
Doŋ macalo Cwiny Maleŋ oloko ni,
“Ka wuwinyo dwan Lubaŋa tin,
8pe wumi cwinywu obed nwaŋ calo
jo ma yam gujemo,
i kare ma guomo kwede cwinya i tim,
9ka ma kwarowu guomo iye cwinya,
gutema bene iye,
kun gibedo ka neno ticca pi mwaka
pyeraŋwen kulu.
10Pi meno cwinya owaŋ i kom jo me
kare meno,
omiyo awaco ni, ‘Gin kare ducu
giŋak woko i tamgi;
gin pe giŋeyo yona wacel.’
11macalo yam akwoŋo ki kiniga,
‘Gin pe bidonyo i yweyo bota.’ ”
12Wugwokke, utmegina, wek ŋat mo i kinwu pe obed ki cwiny marac, cwiny ma pe ye Lubaŋa, ma twero miyo en a woko ki bot Lubaŋa makwo. 13Ento myero wujiŋ cwinywu kekenwu kare ducu ka pud wutwero lwoŋo ni, “Tin”, wek ŋat mo i kinwu pe cwinye odok nwaŋ pi bwola me bal. 14Pien wan wabedo jo ma ribbe ki Kricito, ka ce wamoko matek i genwa mukwoŋo nio wa i agikki, 15#Jab 95.7, 8 macalo yam giwaco ni,
“Ka wuwinyo dwane tin,
pe wumi cwinywu obed nwaŋ calo jo
ma yam gujemo.”
16 #
Wel 14.1-35
Aŋagi ma yam guwinyo dwan Lubaŋa ci gujemo woko-ni? Pe gin lwak dano ducu ma yam gua ki i lobo Ejipt ma kun Moses aye obedo ka telogi? 17Dok aŋagi ce ma yam cwinye owaŋ i komgi pi mwaka pyeraŋwen kulu-ni? Pe gin aye jo ma yam gutimo bal, ma komgi odoŋ i tim kunnu? 18Dok en yam okwoŋo kwoŋ bot jo mene ce ni, gin pe gibidonyo i yweyo bote? Pe okwoŋo kwoŋ meno bot jo ma yam pe gubedo luwiny? 19Pi meno wan waneno ni, jo meno yam pe gutwero donyo pien onoŋo gukwero ye Lubaŋa.
Currently Selected:
Jo Ibru 3: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.