Jepania 2
2
Ŋolo kop ki can i kom rok ducu murumo Icrael
1Wubin, wucokke kacel,
wun rok ma lewic pe makowu,
2ma pud peya giryemowu woko
macalo cuŋ kail ma yamo tiŋo,
ma peya kiniga mager pa Rwot obino i komwu,
ma peya nino me akemo pa Rwot obino i komwu.
3Wuyeny Rwot, wun jo ducu mamwol me lobo man,
ma wucobo cikke;
wulub kit ma atir wubed ki mwolo;
gwok nyo gibibwotowu
i nino me akemo pa Rwot.
4 #
Ic 14.29-31; Jer 47.1-7; Ejek 25.15-17; Joel 3.4-8; Amoc 1.6-8; Jek 9.5-7 Pien Gaja bidoŋ nono,
Acikelon bidoko obur,
jo Acidod gibiryemogi woko dyeceŋ,
Ekron gibiputo woko.
5Wubineno can wun jo ma wubedo i dog nam,
wun rok me Keret!
Lok pa Rwot otikowu,
in Kanaan, lobo pa jo Piliciti;
abityek i woko nio waŋ ma ŋat mo pe bidoŋ bot i.
6In dog nam, ibidoko olet,
bar pa lukwat ki dwol romi.
7Lobo dog nam bidoko pa jo Juda ma gudoŋ,
gibikwayo romigi iye;
gibibuto piny otyeno i odi me Acikelon.
Pien Rwot Lubaŋagi biparo pigi,
bidwoko gum botgi.
8 #
Ic 15.1–16.14; 25.10-12; Jer 48.1–49.6; Ejek 21.28-32; 25.1-11; Amoc 1.13-15 “Doŋ awinyo lok aŋec pa jo Moab
ki yet pa jo Ammon,
kit ma giŋeco ki jona,
kun ginyuto wakke i kom lobogi,
9 #
Acak 19.24
Pi meno, macalo atye makwo-ni,
“Rwot me mony ma owaco, Lubaŋa pa Icrael,
“Moab bidoko calo Codom,
jo Ammon bidoko calo Gomorra,
lobo ma opoŋ ki ayila ki bur kado,
ma oballe doŋ matwal.
Jona ma gudoŋ biyakogi,
jona ma gubwot ki i kin rokka bileyo lobogi.”
10Man bitimme i komgi macalo adwoggi me wakkegi,
pien guŋalo jo pa Rwot me mony dok bene guwakke i komgi.
11Rwot bikelo lworo madwoŋ i komgi
bineko lwak lubaŋa me wi lobo ducu ki kec,
lobo pa lurok ducu gibiryebbe piny i nyime,
rok acel acel i kabedone.
12 #
Ic 18.1-7
Wun jo Etiopia bene,
gibinekowu ki pala lucwanna.
13 #
Ic 10.5-34; 14.24-27; Nek 1.1–3.19 En biryeyo ciŋe tuŋ acam,
ajwagine gicido gin maleŋ woko,
bityeko Aciria woko;
en bi loko Nineve doko obur
kun otwo calo tim aroo.
14Lim makwo bibuto i dyere
ki lee tim ducu;
acut ki coo
gibibedo i wir odine;
tula bikok ki i waŋ dirica
agak bikok i larii doggola;
pien tic bao cedar doŋ bigik woko.
15Man aye gaŋ ma yam nyatte-ni,
ma obedo ki kuc,
ma oloko kekene ni,
“An atye, dok pe tye ŋat mo mukene.”
Kit ma en odoko kwede obur,
ki boro pa lee tim!
Ŋat acel acel ma kato ki i ŋete
jwiye kun yeŋo ciŋe ma oŋino-ni.
Currently Selected:
Jepania 2: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.