رِسَالَةْ غَلَاطِيَّة 3
3
الْفَصْلْ التَّالْتْ
إِمَّا الشّْرَعْ وْلَا الْإِيمَانْ
1آ هَادْ النَّاسْ دْ غَلَاطِيَّة الْحْمَّاقْ! شْكُونْ اللِّي سْحَرْكُمْ بْكْلَامُه بَعْدْمَا بَيّْنَّا قُدَّامْ عِينِيكُمْ كِيفَاشْ تّْصْلَبْ يَسُوعْ الْمَسِيحْ؟ 2بْغِيتْ نْعْرَفْ مْنّْكُمْ غِيرْ حَاجَة وَحْدَة، وَاشْ بْأَعْمَالْ الشّْرَعْ خْدِيتُو رُوحْ اللَّهْ وْلَا بْالْإِيمَانْ اللِّي سْمَعْتُو عْلِيهْ؟ 3وَاشْ نْتُمَ حْمَّاقْ حْتَّى لْهَادْ الدَّرَجَة؟ وَاشْ بْغِيتُو تْكَمّْلُو دَابَا بْجَهْدْكُمْ بَعْدْمَا بْدِيتُو بْرُوحْ اللَّهْ؟ 4وَاشْ تّْعَدّْبْتُو فْهَادْشِّي كُلُّه بْلَا فَايْدَة إِلَا كَانْ بْالصَّحْ بْلَا فَايْدَة؟ 5وَاشْ اللَّهْ اللِّي كَيْعْطِيكُمْ الرُّوحْ الْقُدُسْ وْكَيْدِيرْ الْمُعْجِزَاتْ فْوَسْطْكُمْ كَيْدِيرْ هَادْشِّي حِيتْ كَتْدِيرُو بْالشّْرَعْ، وْلَا حِيتْ سْمَعْتُو الْإِنْجِيلْ وْآمْنْتُو بِيهْ؟ 6وْكِيفْ مْكْتُوبْ فْكْتَابْ اللَّهْ: «آمْنْ إِبْرَاهِيمْ بْاللَّهْ وْعْلِيهَا تّْحْسَبْ مْتَّاقِي اللَّهْ».#روما 4:3 7إِيوَا خَاصّْكُمْ تْعَرْفُو بْلِّي الْمُومْنِينْ هُمَ وْلَادْ إِبْرَاهِيمْ الْحْقِيقِيِّينْ.#روما 4:16 8وْرَاهْ كْتَابْ اللَّهْ تّْنَبّْأْ مْنْ اللّْوّْلْ بْلِّي اللَّهْ بْالْإِيمَانْ كَيْرَدّْ الشّْعُوبْ اللِّي مَاشِي يْهُودْ مْتَّاقْيِينْ قُدَّامُه. عْلِيهَا خَبّْرْ إِبْرَاهِيمْ مْنْ قْبَلْ بْالْبْشَارَة وْݣَالْ لِيهْ: «بْسْبَابْكْ غَيْتّْبَارْكُو شْعُوبْ الْأَرْضْ كُلّْهُمْ». 9وْهَكَّا، رَاهْ ݣَاعْ اللِّي كَيْآمْنُو كَيْبَارْكْهُمْ اللَّهْ كِيفْمَا بَارْكْ إِبْرَاهِيمْ اللِّي آمْنْ. 10حِيتْ ݣَاعْ اللِّي كَيْعَوّْلُو عْلَى أَعْمَالْ الشّْرَعْ رَاهُمْ مْلْعُونِينْ، عْلَاحْقَّاشْ مْكْتُوبْ فْكْتَابْ اللَّهْ: «اللِّي مَا كَيْدِيرْشْ بْݣَاعْ دَاكْشِّي اللِّي مْكْتُوبْ فْكْتَابْ الشّْرَعْ رَاهْ مْلْعُونْ!». 11وْبَايْنْ بْلِّي حْتَّى وَاحْدْ مَا كَيْوَلِّي مْتَّاقِي فْنَضَرْ اللَّهْ بْالشّْرَعْ، عْلَاحْقَّاشْ كْتَابْ اللَّهْ كَيْݣُولْ: «بْنَادْمْ اللِّي مْتَّاقِي اللَّهْ رَاهْ بْالْإِيمَانْ غَيْعِيشْ»، 12وْالشّْرَعْ مَا مْبْنِيشْ عْلَى الْإِيمَانْ، وَلَكِنْ: «اللِّي كَيْدِيرْ بْوْصِيَّاتْ الشّْرَعْ غَيْعِيشْ». 13وْالْمَسِيحْ حَرّْرْنَا مْنْ اللَّعْنَة دْ الشّْرَعْ وْوْلَّى هُوَ مْلْعُونْ بْسْبَابْنَا، عْلَاحْقَّاشْ كْتَابْ اللَّهْ كَيْݣُولْ: «مْلْعُونْ اللِّي تّْعَلّْقْ عْلَى خَشْبَة». 14وْهَادْشِّي جْرَا بَاشْ بْالْمَسِيحْ يَسُوعْ تّْعْطَى الْبَرَكَة اللِّي وْعَدْ بِيهَا اللَّهْ إِبْرَاهِيمْ لْلشّْعُوبْ اللِّي مَاشِي يْهُودْ، وْبْالْإِيمَانْ نَاخْدُو الرُّوحْ اللِّي وْعَدْ بِيهْ اللَّهْ.
الشّْرَعْ وْالْوَعْدْ دْ اللَّهْ
15آ الْخُوتْ، رَانِي كَنْتّْكَلّْمْ عْلَى حْسَابْ الْمَنْطِقْ دْيَالْ بْنَادْمْ، رَاهْ حْتَّى حَدّْ مَا يْقْدَرْ يْلْغِي شِي عَهْدْ وْلَا يْزِيدْ عْلِيهْ إِلَا مْشَى حْتَّى دَارُه. 16وْهَكَّا عْطَى اللَّهْ الْوَعْدْ دْيَالُه لْإِبْرَاهِيمْ وْالتّْرِّيكَة دْيَالُه، وْاللَّهْ مَا ݣَالْشْ: «لْلتّْرِّيكَاتْ دْيَاوْلْكْ» وَلَكِنْ ݣَالْ: «لْتْرِّيكْتْكْ» اللِّي كَيْعْنِي بِيهَا وَاحْدْ، هُوَ الْمَسِيحْ. 17وْهَا اللِّي بْغِيتْ نْݣُولْ: الشّْرَعْ اللِّي جَا مْنْ بَعْدْ رْبَعْمِيَة وْتْلَاتِينْ عَامْ، مَا كَيْلْغِيشْ وْمَا كَيْمْحِيشْ الْعَهْدْ اللِّي وَاعْدْ بِيهْ اللَّهْ. 18حِيتْ إِلَا كْنَّا كَنَاخْدُو هَادْ الْوَرْتْ بْسْبَابْ الشّْرَعْ، رَاهْ دَاكْشِّي اللِّي وَاعْدْ بِيهْ اللَّهْ مَا عَنْدُه حْتَّى فَايْدَة، وَلَكِنْ اللَّهْ رَاهْ وَاعْدْ إِبْرَاهِيمْ بْالْوَرْتْ وْعْطَاهْ لِيهْ.#روما 4:14
عْلَاشْ جَا الشّْرَعْ؟
19إِيوَا عْلَاشْ جَا الشّْرَعْ؟ رَاهْ جَا بَاشْ يْبَيّْنْ الدّْنُوبْ حْتَّى تْجِي التّْرِّيكَة اللِّي وَاعْدْ بِيهَا اللَّهْ، وْبَيّْنُو الْمَلَايْكَة هَادْ الشّْرَعْ عْلَى يْدّْ وَاحْدْ الْوَسِيطْ. 20إِلَا كَانْ الْوَعْدْ مْنْ جِهَة وَحْدَة مَا كَايْنْ عْلَاشْ يْكُونْ شِي وَسِيطْ، وْاللِّي وَاعْدْ هْنَا هُوَ اللَّهْ بُوحْدُه. 21إِيوَا وَاشْ الشّْرَعْ ضْدّْ دَاكْشِّي اللِّي وَاعْدْ بِيهْ اللَّهْ؟ حَاشَا، حِيتْ كُونْ كَانْ الشّْرَعْ قَادْرْ يْعْطِي الْحَيَاةْ الْحْقِيقِيَّة لْلنَّاسْ، كُونْ وْلَّاوْ النَّاسْ مْتَّاقْيِينْ قُدَّامْ اللَّهْ بْأَعْمَالْ الشّْرَعْ. 22وَلَكِنْ كْتَابْ اللَّهْ كَيْبَيّْنْ بْلِّي الدّْنْيَا كُلّْهَا كَتْعِيشْ تَحْتْ الْقُوَّة دْيَالْ الدّْنُوبْ، وْدَاكْشِّي اللِّي وَاعْدْ بِيهْ اللَّهْ كَيْتّْعْطَى لْلْمُومْنِينْ حِيتْ كَيْآمْنُو بْيَسُوعْ الْمَسِيحْ. 23وْرَاهْ قْبَلْ مَا يْجِي الْإِيمَانْ، كْنَّا مْسْجُونِينْ بْالشّْرَعْ، وْمَا كَانْتْشْ عَنْدْنَا الْحُرِّيَّة حْتَّى بَيّْنْ لِينَا اللَّهْ هَادْ الْإِيمَانْ. 24وْهَكَّا تْكَلّْفْ بِينَا الشّْرَعْ حْتَّى جَا الْمَسِيحْ بَاشْ نْوَلِّيوْ مْتَّاقْيِينْ فْنَضَرْ اللَّهْ بْالْإِيمَانْ. 25وَلَكِنْ مْلِّي آمْنَّا بْيَسُوعْ الْمَسِيحْ وْلِّينَا مْعْفِيِّينْ مْنْ الشّْرَعْ.
26وْرَاكُمْ كُلّْكُمْ وْلَادْ اللَّهْ حِيتْ كَتْآمْنُو بْالْمَسِيحْ يَسُوعْ. 27إِيِّهْ، نْتُمَ كُلّْكُمْ اللِّي تْعَمّْدْتُو فْالْمَسِيحْ رَاكُمْ لْبَسْتُو الْمَسِيحْ، 28وْمَا كَايْنْ حْتَّى فَرْقْ بِينْ يْهُودِي وْيُونَانِي، بِينْ الْعَبْدْ وْالْحُرّْ، بِينْ الرَّاجْلْ وْالْمْرَاة، كُلّْكُمْ وَاحْدْ فْالْمَسِيحْ يَسُوعْ. 29إِيوَا إِلَا نْتُمَ فْالْمَسِيحْ، رَاكُمْ مْنْ تْرِّيكْةْ إِبْرَاهِيمْ، وْرَاهْ عَنْدْكُمْ الْحَقّْ فْدَاكْشِّي اللِّي وَاعْدْ بِيهْ اللَّهْ.#روما 4:13
Currently Selected:
رِسَالَةْ غَلَاطِيَّة 3: MSTD
Highlight
Share
Copy
Want to have your highlights saved across all your devices? Sign up or sign in
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved
رِسَالَةْ غَلَاطِيَّة 3
3
الْفَصْلْ التَّالْتْ
إِمَّا الشّْرَعْ وْلَا الْإِيمَانْ
1آ هَادْ النَّاسْ دْ غَلَاطِيَّة الْحْمَّاقْ! شْكُونْ اللِّي سْحَرْكُمْ بْكْلَامُه بَعْدْمَا بَيّْنَّا قُدَّامْ عِينِيكُمْ كِيفَاشْ تّْصْلَبْ يَسُوعْ الْمَسِيحْ؟ 2بْغِيتْ نْعْرَفْ مْنّْكُمْ غِيرْ حَاجَة وَحْدَة، وَاشْ بْأَعْمَالْ الشّْرَعْ خْدِيتُو رُوحْ اللَّهْ وْلَا بْالْإِيمَانْ اللِّي سْمَعْتُو عْلِيهْ؟ 3وَاشْ نْتُمَ حْمَّاقْ حْتَّى لْهَادْ الدَّرَجَة؟ وَاشْ بْغِيتُو تْكَمّْلُو دَابَا بْجَهْدْكُمْ بَعْدْمَا بْدِيتُو بْرُوحْ اللَّهْ؟ 4وَاشْ تّْعَدّْبْتُو فْهَادْشِّي كُلُّه بْلَا فَايْدَة إِلَا كَانْ بْالصَّحْ بْلَا فَايْدَة؟ 5وَاشْ اللَّهْ اللِّي كَيْعْطِيكُمْ الرُّوحْ الْقُدُسْ وْكَيْدِيرْ الْمُعْجِزَاتْ فْوَسْطْكُمْ كَيْدِيرْ هَادْشِّي حِيتْ كَتْدِيرُو بْالشّْرَعْ، وْلَا حِيتْ سْمَعْتُو الْإِنْجِيلْ وْآمْنْتُو بِيهْ؟ 6وْكِيفْ مْكْتُوبْ فْكْتَابْ اللَّهْ: «آمْنْ إِبْرَاهِيمْ بْاللَّهْ وْعْلِيهَا تّْحْسَبْ مْتَّاقِي اللَّهْ».#روما 4:3 7إِيوَا خَاصّْكُمْ تْعَرْفُو بْلِّي الْمُومْنِينْ هُمَ وْلَادْ إِبْرَاهِيمْ الْحْقِيقِيِّينْ.#روما 4:16 8وْرَاهْ كْتَابْ اللَّهْ تّْنَبّْأْ مْنْ اللّْوّْلْ بْلِّي اللَّهْ بْالْإِيمَانْ كَيْرَدّْ الشّْعُوبْ اللِّي مَاشِي يْهُودْ مْتَّاقْيِينْ قُدَّامُه. عْلِيهَا خَبّْرْ إِبْرَاهِيمْ مْنْ قْبَلْ بْالْبْشَارَة وْݣَالْ لِيهْ: «بْسْبَابْكْ غَيْتّْبَارْكُو شْعُوبْ الْأَرْضْ كُلّْهُمْ». 9وْهَكَّا، رَاهْ ݣَاعْ اللِّي كَيْآمْنُو كَيْبَارْكْهُمْ اللَّهْ كِيفْمَا بَارْكْ إِبْرَاهِيمْ اللِّي آمْنْ. 10حِيتْ ݣَاعْ اللِّي كَيْعَوّْلُو عْلَى أَعْمَالْ الشّْرَعْ رَاهُمْ مْلْعُونِينْ، عْلَاحْقَّاشْ مْكْتُوبْ فْكْتَابْ اللَّهْ: «اللِّي مَا كَيْدِيرْشْ بْݣَاعْ دَاكْشِّي اللِّي مْكْتُوبْ فْكْتَابْ الشّْرَعْ رَاهْ مْلْعُونْ!». 11وْبَايْنْ بْلِّي حْتَّى وَاحْدْ مَا كَيْوَلِّي مْتَّاقِي فْنَضَرْ اللَّهْ بْالشّْرَعْ، عْلَاحْقَّاشْ كْتَابْ اللَّهْ كَيْݣُولْ: «بْنَادْمْ اللِّي مْتَّاقِي اللَّهْ رَاهْ بْالْإِيمَانْ غَيْعِيشْ»، 12وْالشّْرَعْ مَا مْبْنِيشْ عْلَى الْإِيمَانْ، وَلَكِنْ: «اللِّي كَيْدِيرْ بْوْصِيَّاتْ الشّْرَعْ غَيْعِيشْ». 13وْالْمَسِيحْ حَرّْرْنَا مْنْ اللَّعْنَة دْ الشّْرَعْ وْوْلَّى هُوَ مْلْعُونْ بْسْبَابْنَا، عْلَاحْقَّاشْ كْتَابْ اللَّهْ كَيْݣُولْ: «مْلْعُونْ اللِّي تّْعَلّْقْ عْلَى خَشْبَة». 14وْهَادْشِّي جْرَا بَاشْ بْالْمَسِيحْ يَسُوعْ تّْعْطَى الْبَرَكَة اللِّي وْعَدْ بِيهَا اللَّهْ إِبْرَاهِيمْ لْلشّْعُوبْ اللِّي مَاشِي يْهُودْ، وْبْالْإِيمَانْ نَاخْدُو الرُّوحْ اللِّي وْعَدْ بِيهْ اللَّهْ.
الشّْرَعْ وْالْوَعْدْ دْ اللَّهْ
15آ الْخُوتْ، رَانِي كَنْتّْكَلّْمْ عْلَى حْسَابْ الْمَنْطِقْ دْيَالْ بْنَادْمْ، رَاهْ حْتَّى حَدّْ مَا يْقْدَرْ يْلْغِي شِي عَهْدْ وْلَا يْزِيدْ عْلِيهْ إِلَا مْشَى حْتَّى دَارُه. 16وْهَكَّا عْطَى اللَّهْ الْوَعْدْ دْيَالُه لْإِبْرَاهِيمْ وْالتّْرِّيكَة دْيَالُه، وْاللَّهْ مَا ݣَالْشْ: «لْلتّْرِّيكَاتْ دْيَاوْلْكْ» وَلَكِنْ ݣَالْ: «لْتْرِّيكْتْكْ» اللِّي كَيْعْنِي بِيهَا وَاحْدْ، هُوَ الْمَسِيحْ. 17وْهَا اللِّي بْغِيتْ نْݣُولْ: الشّْرَعْ اللِّي جَا مْنْ بَعْدْ رْبَعْمِيَة وْتْلَاتِينْ عَامْ، مَا كَيْلْغِيشْ وْمَا كَيْمْحِيشْ الْعَهْدْ اللِّي وَاعْدْ بِيهْ اللَّهْ. 18حِيتْ إِلَا كْنَّا كَنَاخْدُو هَادْ الْوَرْتْ بْسْبَابْ الشّْرَعْ، رَاهْ دَاكْشِّي اللِّي وَاعْدْ بِيهْ اللَّهْ مَا عَنْدُه حْتَّى فَايْدَة، وَلَكِنْ اللَّهْ رَاهْ وَاعْدْ إِبْرَاهِيمْ بْالْوَرْتْ وْعْطَاهْ لِيهْ.#روما 4:14
عْلَاشْ جَا الشّْرَعْ؟
19إِيوَا عْلَاشْ جَا الشّْرَعْ؟ رَاهْ جَا بَاشْ يْبَيّْنْ الدّْنُوبْ حْتَّى تْجِي التّْرِّيكَة اللِّي وَاعْدْ بِيهَا اللَّهْ، وْبَيّْنُو الْمَلَايْكَة هَادْ الشّْرَعْ عْلَى يْدّْ وَاحْدْ الْوَسِيطْ. 20إِلَا كَانْ الْوَعْدْ مْنْ جِهَة وَحْدَة مَا كَايْنْ عْلَاشْ يْكُونْ شِي وَسِيطْ، وْاللِّي وَاعْدْ هْنَا هُوَ اللَّهْ بُوحْدُه. 21إِيوَا وَاشْ الشّْرَعْ ضْدّْ دَاكْشِّي اللِّي وَاعْدْ بِيهْ اللَّهْ؟ حَاشَا، حِيتْ كُونْ كَانْ الشّْرَعْ قَادْرْ يْعْطِي الْحَيَاةْ الْحْقِيقِيَّة لْلنَّاسْ، كُونْ وْلَّاوْ النَّاسْ مْتَّاقْيِينْ قُدَّامْ اللَّهْ بْأَعْمَالْ الشّْرَعْ. 22وَلَكِنْ كْتَابْ اللَّهْ كَيْبَيّْنْ بْلِّي الدّْنْيَا كُلّْهَا كَتْعِيشْ تَحْتْ الْقُوَّة دْيَالْ الدّْنُوبْ، وْدَاكْشِّي اللِّي وَاعْدْ بِيهْ اللَّهْ كَيْتّْعْطَى لْلْمُومْنِينْ حِيتْ كَيْآمْنُو بْيَسُوعْ الْمَسِيحْ. 23وْرَاهْ قْبَلْ مَا يْجِي الْإِيمَانْ، كْنَّا مْسْجُونِينْ بْالشّْرَعْ، وْمَا كَانْتْشْ عَنْدْنَا الْحُرِّيَّة حْتَّى بَيّْنْ لِينَا اللَّهْ هَادْ الْإِيمَانْ. 24وْهَكَّا تْكَلّْفْ بِينَا الشّْرَعْ حْتَّى جَا الْمَسِيحْ بَاشْ نْوَلِّيوْ مْتَّاقْيِينْ فْنَضَرْ اللَّهْ بْالْإِيمَانْ. 25وَلَكِنْ مْلِّي آمْنَّا بْيَسُوعْ الْمَسِيحْ وْلِّينَا مْعْفِيِّينْ مْنْ الشّْرَعْ.
26وْرَاكُمْ كُلّْكُمْ وْلَادْ اللَّهْ حِيتْ كَتْآمْنُو بْالْمَسِيحْ يَسُوعْ. 27إِيِّهْ، نْتُمَ كُلّْكُمْ اللِّي تْعَمّْدْتُو فْالْمَسِيحْ رَاكُمْ لْبَسْتُو الْمَسِيحْ، 28وْمَا كَايْنْ حْتَّى فَرْقْ بِينْ يْهُودِي وْيُونَانِي، بِينْ الْعَبْدْ وْالْحُرّْ، بِينْ الرَّاجْلْ وْالْمْرَاة، كُلّْكُمْ وَاحْدْ فْالْمَسِيحْ يَسُوعْ. 29إِيوَا إِلَا نْتُمَ فْالْمَسِيحْ، رَاكُمْ مْنْ تْرِّيكْةْ إِبْرَاهِيمْ، وْرَاهْ عَنْدْكُمْ الْحَقّْ فْدَاكْشِّي اللِّي وَاعْدْ بِيهْ اللَّهْ.#روما 4:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 دار الكتاب المقدس بالمغرب. جميع الحقوق محفوظة
© 2012 Morocco Bible Society. All rights reserved