NAHUM 2
2
Wida vokka kay ni-gaata vi Ninive
1Humgiya nigi sumuna vi Yuda,
sa ma min margi labara vi toyta
selem ka ci gaa kay hiɗiyn rim-rim'.
Nigi gurona vi Yuda,
liwgi yuldeta vigiya,
vulgi mi Lawna sle ma nigi di kay vulumta.
Kay sum sa joona as jik kulo jargi loɗi,
nisi kaf vatay goyo.
2Sa ma gawta ka co'o kay durgiya,
ŋomgi gulmunna ŋaa'a ŋolo.
Lakgi hay hagat jigere, ŋiliɓgiɗi,
yawgi ŋiraygi goyo.
3Kay Ma-Vatɗina min hot gajijita vi Yakub,
hiɗi gaŋeraŋa vi Israyel kulo'o,
gulda-guldana visi ma sa gawt param goyna,
nam min hotom kulo hay liyamu.
4Sumuna sa wi duur ŋolla marayta visi cori slaw keŋ',
sa wi duura cuki hiɗi sligar purpella,
keke-ma-duura co hiɗi kaway ma wileɗna,
kayni hay buur ma nisi colom kay li duura,
kawayna visi nisi wileɗem kulo pilik-pilik'.
5Keke-ma-duura jaŋ hay fulda,
li koloyo kay gar liy ma duura,
nisi ɗuw ŋray ca ki kuta ta wileɗ nala,
nisi jaŋ koloyo ki wileta vi niyna nala.
6Nam yi sumuna valam sa wi duura,
may hay tu'da tuwsi visi bat-bat',
nisi jaŋ koloyo tam gulmunna,
koti tuwsi kay tel sa gawt goyo.
7Dolay kayni vun niy-lumna ay mali goy mal',
ziyn ma mulda ɦo gaa'a.
8Kayni liyawa, dira' patawa goyo,
nisi kalawa hiɗi na'a.
Sa sunda sa haya'na tun caw tiy ki gukka nala,
nisi slet ɓisi digsiya.
9Jewe Ninive ay mi liyn ma niyn ma hayna vat noŋɗi.
Ɗuwgiya wulini nisi muni jaŋi yo.
Lakgiya, lakgiya,
may sa ma hot bugolom may loɗi.
10Vurumgi gurjuta, vurumgi ora,
farayn ka hobay ta'!
Farayn kuɗ jafam kaf ka hay nagat na'ta.
11Vurumgi slena, togi slen goyo,
ŋalgi slen goy kaw.
Diksi muɗi visi bat-bat',
sesi visi bat-bat';
zoksi muɗi ɓassiya,
Irsi zoɓi gaa'a kaw.
12Juru namna ma zlon ŋay kuɗumna
muɗ wulin kayn muɗtige?
Liyn namna ma jewe guro-zlon ti haya,
zlon ŋay haya,
gurona vi zlon kaw ŋay haya,
sa ma co kay geɗem may noŋɗi!
13Liyn ma jewe zlon vi muuriyan haya,
jetem goyo,
vul mi zlo tan-cata hiɗi guro-zlona,
nam hob zulla valam goy cep-cep'
hiɗi sliw muuriyan ma nam vumna.
14Ma-Vatɗina vi vok-ma-duura di'e:
Nan coowa kigiya,
keke-ma-duura vigiya nan min ŋalam goyo.
Kew-gaferaŋa ma cal guro-zlona vigi goyo,
muur ma nigi vumna nan ma yawam goyo hay nagata,
Sumuna vigi sa di sunda,
ma muɗ ɗawn sa humsi delsi loɗi.
Currently Selected:
NAHUM 2: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001