GATTA-SEM-MA'TA 22
22
Farayna hiɗi sle ma viyi goyna
1La sa wi putu lebo ɦuwa vi ɓasulum ka viyi goyo, nam ma cap puwɗi, may nam ma naram mi mulamna. 2La sugolom namna ziyna valam may goboy talamɗi, la nam wum noŋɗi, nam ma vi faray namna vo hay ziyna valam zaw, ta-ta mulamna fumu; nala nam ma vulumta may. 3Kurona vi san kaw nigi ma li talamu ki kayn nala, sligara valam kaw nala, nigi ma li nala kat sle ma ba goy kuɗ sugolgin kaf ma nigi fumna, nigi as a puw kay kaynɗi. 4La sa wi kurona lebo putna vi ɓasulumna ka ɦuruki gaa hay hagana, nam as puw kay kaynɗi, may nam ma gutumu kay slum kulo'o.
Sle ma kulum goyna, ziy layayna, ziy ma wulina, rigasna vi jaf ma cukum gaana hiɗi rigasna vi sligara
5Cata as cuk sligar ma sa jufn cukumnaɗi, sa jufn kaw as cuk sligara vi catɗi; la sa li slen ki kayn nala, nam liwisi vok ir Ma-Vatɗina, Lawna vigiya.
6La nigi tupa dig ziy layayna, la kulo hum guwa lebo la gaa kay nagata, la guro-layayna lebo sena ka haya, la sumda ka koɗi kay gurona lebo kay sena, nigi as vi sumda, yaw guron lay kafɗi, 7nigi as hin sumda kala, may nigi as yaw gurona, kay nigi ma lak hay sle'ta, kay buura vigi ma ɦur voko.
8La nigi in ziy ta wuliya, ya' ma kulona nigi ma inim gaŋam kulo'o, kay la naɗi sa nigiyawa gaa kay ziyda ni, busuwam tun ɗawn kay ziyda.
9Nigi as cuk jaf mara'a kuɗ batam ma' hay sine gulda-guldana vigiɗi, la naɗi nam kaf lakŋi vuli goy ɗifini. Jaf ma nigi cukum gaana mi vuɗna vi gulda-guldana vigiya. 10Nigi ma tun jukŋa pel putna hiɗi kuron dari a nam ma zum gaf tuwamɗi. 11Sligar ma ciliy rigasay hiɗi ɗuŋus fok-dimin lay hiɗi barawn layna nigi as kay cukumɗi.
12Borgon ma nigi baram kigina nigi ma cuk zigewna hay gefem fiɗi pete.
Gatta kay bay-liwista jar jufna hiɗi cata
13La san sli catawa, nam burawa ta'a, may bugolda lo la nam di ala nam mina'ɗi, 14la nam tun law ma dab semawa ka'a, la nam tiya' se'awa goy joo ala: Cat kayni nan sla'a, nan co bur ta' kayni, va ma ɗek ala sa bay bur ta' jewena nan may fumɗi; 15nala bumna hiɗi sumda ma sli hay ɓisiya va ma ɗek kay wayata va'a, nisi ma vulum kir sa maariyana vi hoyok-ziyna, goy hay vun-ziyna. 16Bum cat ta wayata na'ta ma di tam sa maariyan ala: Nan vul goota vanu mi san kayni, may nam mina'ɗi; 17nam ka tun law ma dab semna ka'a, nam ka di ala: Goota vaŋu va ma ɗek ala sa bay bur ta' jew tuwana nan may fumɗi. May ɗuwgiya, yawni mi sle ma ɗek ala goota vanu sa bay bur ta' jew tuwana. Nala nisi ma vi sligara goy kir sum sa maariyana vi hoyok-ziyna. 18Sum sa maariyana vi hoyok-ziyna ma vi sa namna, nisi ma watamu; 19lo, kay goot-cata ta bay tam sa'a hay Israyel nam tiya' se' goy joo'o, nisi ma tun wurak kalamu, kay nam ma wurak gurjuta ta ɗeŋga kis nisi ma vul gurjut na'ta mi bum-goota. Na' dok-dok ti cata valamu, nam as ga' goyɗi, hay li ma nam ka iri tuwa. 20May la slen kayni gasiya, la va ma ɗek ala sa bay bur ta' jewena nisi may fumɗi, 21cat na'ta nisi ma va'ay goy hay ziyna vi bu' pa, sum sa hay hoyok-ziyna ma ga' hiɗi goorhoyona; na' ma mita, kay na' li law ma yawi hay Israyel, kay na' muɗ tuwa'ay viyuwu hay ziyna vi bu' pa. Nigi ma pat joota goy jar sa Israyella.
22La nigi fi san buri hiɗi cata vi sa mara'a, nisi ma mit ma' kafe, sa ma bur hiɗi cata hiɗi cat kay tuwa' kaw. Nigi ma pat joota goy jar sa Israyella.
23La goot-cata ta bay bur tam sa tuwata ka gaɓay kay sa'a, la sa mara ŋafa'awa hay hoyok-ziyna, la nam burawa hiɗi na'a, 24nigi ma yawsiyay goy ma' pete hay vun-galana vi hoyok-ziyna, nigi ma gisi hiɗi goorhoyona, nisi ma mita, goot-cat ma mita kay mige na' min ci lulun kulo hay hoyok-ziynɗi, sa jufn ma mita kay mige nam li ɦawlat tam cata vi sugolomna. Nigi ma pat joota goy jargiya. 25La sa namna ŋaf hiɗi goot-cat kayni goy hay sinena, la nam bowa'a bur hiɗi na'a, sa namna cumti goy mi nam valam kepe. 26Goot-cata nigi as tun ɓigi ta'ɗi; kay suluk ma na' lumu kay ca' goy kuɗumu mayɗi; kay kayni ŋray ca ki sa ma bow niramna, nam cap cum goy mati nala. 27Goot-cata ta gaɓay kay sa hena ta sa mara fa' goy hay sinena, na' ci luluna, may sa ma co kay hulota' goy mayɗi.
28La san ŋaf hiɗi goot-cata ta bay bur tam sa tuwata ta bay gaɓ kay sa'a, la nam va' dono'o bur hiɗi na'a, la sa fisiyawa, 29sa ma bur hiɗi na'na ma vul gurjuta ɗeŋga dok-vasl mi bu'a, kay nam li ɦawla ta'a, nam ma sla' ca'a, nam as ga' goyɗi, hay li ma nam ka iri tuwa.
Currently Selected:
GATTA-SEM-MA'TA 22: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
GATTA-SEM-MA'TA 22
22
Farayna hiɗi sle ma viyi goyna
1La sa wi putu lebo ɦuwa vi ɓasulum ka viyi goyo, nam ma cap puwɗi, may nam ma naram mi mulamna. 2La sugolom namna ziyna valam may goboy talamɗi, la nam wum noŋɗi, nam ma vi faray namna vo hay ziyna valam zaw, ta-ta mulamna fumu; nala nam ma vulumta may. 3Kurona vi san kaw nigi ma li talamu ki kayn nala, sligara valam kaw nala, nigi ma li nala kat sle ma ba goy kuɗ sugolgin kaf ma nigi fumna, nigi as a puw kay kaynɗi. 4La sa wi kurona lebo putna vi ɓasulumna ka ɦuruki gaa hay hagana, nam as puw kay kaynɗi, may nam ma gutumu kay slum kulo'o.
Sle ma kulum goyna, ziy layayna, ziy ma wulina, rigasna vi jaf ma cukum gaana hiɗi rigasna vi sligara
5Cata as cuk sligar ma sa jufn cukumnaɗi, sa jufn kaw as cuk sligara vi catɗi; la sa li slen ki kayn nala, nam liwisi vok ir Ma-Vatɗina, Lawna vigiya.
6La nigi tupa dig ziy layayna, la kulo hum guwa lebo la gaa kay nagata, la guro-layayna lebo sena ka haya, la sumda ka koɗi kay gurona lebo kay sena, nigi as vi sumda, yaw guron lay kafɗi, 7nigi as hin sumda kala, may nigi as yaw gurona, kay nigi ma lak hay sle'ta, kay buura vigi ma ɦur voko.
8La nigi in ziy ta wuliya, ya' ma kulona nigi ma inim gaŋam kulo'o, kay la naɗi sa nigiyawa gaa kay ziyda ni, busuwam tun ɗawn kay ziyda.
9Nigi as cuk jaf mara'a kuɗ batam ma' hay sine gulda-guldana vigiɗi, la naɗi nam kaf lakŋi vuli goy ɗifini. Jaf ma nigi cukum gaana mi vuɗna vi gulda-guldana vigiya. 10Nigi ma tun jukŋa pel putna hiɗi kuron dari a nam ma zum gaf tuwamɗi. 11Sligar ma ciliy rigasay hiɗi ɗuŋus fok-dimin lay hiɗi barawn layna nigi as kay cukumɗi.
12Borgon ma nigi baram kigina nigi ma cuk zigewna hay gefem fiɗi pete.
Gatta kay bay-liwista jar jufna hiɗi cata
13La san sli catawa, nam burawa ta'a, may bugolda lo la nam di ala nam mina'ɗi, 14la nam tun law ma dab semawa ka'a, la nam tiya' se'awa goy joo ala: Cat kayni nan sla'a, nan co bur ta' kayni, va ma ɗek ala sa bay bur ta' jewena nan may fumɗi; 15nala bumna hiɗi sumda ma sli hay ɓisiya va ma ɗek kay wayata va'a, nisi ma vulum kir sa maariyana vi hoyok-ziyna, goy hay vun-ziyna. 16Bum cat ta wayata na'ta ma di tam sa maariyan ala: Nan vul goota vanu mi san kayni, may nam mina'ɗi; 17nam ka tun law ma dab semna ka'a, nam ka di ala: Goota vaŋu va ma ɗek ala sa bay bur ta' jew tuwana nan may fumɗi. May ɗuwgiya, yawni mi sle ma ɗek ala goota vanu sa bay bur ta' jew tuwana. Nala nisi ma vi sligara goy kir sum sa maariyana vi hoyok-ziyna. 18Sum sa maariyana vi hoyok-ziyna ma vi sa namna, nisi ma watamu; 19lo, kay goot-cata ta bay tam sa'a hay Israyel nam tiya' se' goy joo'o, nisi ma tun wurak kalamu, kay nam ma wurak gurjuta ta ɗeŋga kis nisi ma vul gurjut na'ta mi bum-goota. Na' dok-dok ti cata valamu, nam as ga' goyɗi, hay li ma nam ka iri tuwa. 20May la slen kayni gasiya, la va ma ɗek ala sa bay bur ta' jewena nisi may fumɗi, 21cat na'ta nisi ma va'ay goy hay ziyna vi bu' pa, sum sa hay hoyok-ziyna ma ga' hiɗi goorhoyona; na' ma mita, kay na' li law ma yawi hay Israyel, kay na' muɗ tuwa'ay viyuwu hay ziyna vi bu' pa. Nigi ma pat joota goy jar sa Israyella.
22La nigi fi san buri hiɗi cata vi sa mara'a, nisi ma mit ma' kafe, sa ma bur hiɗi cata hiɗi cat kay tuwa' kaw. Nigi ma pat joota goy jar sa Israyella.
23La goot-cata ta bay bur tam sa tuwata ka gaɓay kay sa'a, la sa mara ŋafa'awa hay hoyok-ziyna, la nam burawa hiɗi na'a, 24nigi ma yawsiyay goy ma' pete hay vun-galana vi hoyok-ziyna, nigi ma gisi hiɗi goorhoyona, nisi ma mita, goot-cat ma mita kay mige na' min ci lulun kulo hay hoyok-ziynɗi, sa jufn ma mita kay mige nam li ɦawlat tam cata vi sugolomna. Nigi ma pat joota goy jargiya. 25La sa namna ŋaf hiɗi goot-cat kayni goy hay sinena, la nam bowa'a bur hiɗi na'a, sa namna cumti goy mi nam valam kepe. 26Goot-cata nigi as tun ɓigi ta'ɗi; kay suluk ma na' lumu kay ca' goy kuɗumu mayɗi; kay kayni ŋray ca ki sa ma bow niramna, nam cap cum goy mati nala. 27Goot-cata ta gaɓay kay sa hena ta sa mara fa' goy hay sinena, na' ci luluna, may sa ma co kay hulota' goy mayɗi.
28La san ŋaf hiɗi goot-cata ta bay bur tam sa tuwata ta bay gaɓ kay sa'a, la nam va' dono'o bur hiɗi na'a, la sa fisiyawa, 29sa ma bur hiɗi na'na ma vul gurjuta ɗeŋga dok-vasl mi bu'a, kay nam li ɦawla ta'a, nam ma sla' ca'a, nam as ga' goyɗi, hay li ma nam ka iri tuwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001