GATTA-SEM-MA'TA 15
15
Busata ta hin balla, sa hawna, sa gorvona, muur ma vuɗi jewna
1Hay li ma busata siɗiyat vatawa, nigi ma li kuɗ gatta vi hinda vi balla. 2Hinda vi balla namna li kayni, la san gigekaw ma balla valam ka kay sugolomna nam ma hinimta, hay li ma siwelda kay hinda vi balla hay sem Ma-Vatɗina laawa, sa as kay li sugolomu lebo ɓasulumu hiɗi donoɗi. 3Nigi as li sa ma pulla dono'o, may sle ma ir vi sugolgina nigi ma vulum goyo. 4May hiɗi kayn kaf sa ma haw ma li jargiɗi, kay Ma-Vatɗina ma hobgi hiɗi bolda hay nagata ta nam min vulgit voco'o kay nigi ma lak haya'a. 5May va ma kepn kayn ala nigi ma hum kuɗ del Ma-Vatɗina Lawna vigiya, hay li ma nigi li kuɗ vun-ma-gatna valamu ma nan vulgit vaydina, hay li ma nigi ŋomom kaw. 6Ma-Vatɗina Lawna vigiya ma gi bol kigiya ki nam di tigi nala, nigi ma vul balla goy tam sumun ŋolo kay nisi ma wurakgit hiɗi niyamu, may nigi hayɗin as yaw balɗi; nigi ma kol kay jaf-sumun ŋolo, jaf-sum sara ma kol kigiɗi.
7La sum sa haw ka jar sa ɓosiyogina, sa lakay ziy hiɗi nigiya, hay nagata ta Ma-Vatɗina Lawna vigi vulgiya, nigi ma so'otgi dikgiɗi, nigi ma duk ɓigi vok ɓasuki ma hawnɗi, 8may nigi ma malam ɓigi goyo, nigi ma vulum balla ma nam wurakamna, kay nam ma fi va ma gutumu. 9Ligi ŋali, kay nigi ma var hay dikgi ala busata siɗiyata ta hin balla ka co'o, ki kayn nala nigi as li slugot mi sa ma hawn loɗi kayn may hay liyamɗi, nam ɗawn ma siwel vok Lawn kigiya, nam ma tun suluk kigiya. 10Nigi ma vulum va'a may nigi ma yor kay va ma nigi min vulumtinɗi, kay kuɗ kayni, Ma-Vatɗina Lawna vigi ɗawn ma gi bol kigiya, hay lop ma nigi lumna kafe. 11May la linige kaw sum sa hawna ma li hay nagat dok-dok, kuɗ na'ta nan vulgi vun-ma-gatna kayni ala: Nigi ma mal ɓigi goyo mi ɓasukina, sa ma maŋayna hiɗi sa ma hawna ma ka hay nagata vigiya.
12La sa kep jar ɓosiyogi sa Hebrena, la mi jufu lebo ca'a, nam gus tuwam goy hay ɓigiya, la nam ligi lopawa ir busat karkiya, hay busata siɗiyata nigi ma butum goyo, gum iramu. 13Hay li ma nigi gum iramawa, nigi ma hinim goy hiɗi ɓalam kiɗaŋ-kiɗaŋɗi; 14nigi as vulum va kuɗ farayna vigiya, kuɗ wana vigiya, kuɗ gulda-guldana vigiya, nigi as vulum kuɗ slena vigi ma Ma-Vatɗin vulgitna. 15Humgi ma gigi ala nigi ay gorvo'o hay nagat Egipte, may Ma-Vatɗina Lawna vigi butgiyay goyo; kuɗ na'ta kayni nan ka vulgi vun-ma-gatna namna vaydi. 16May hay li ma sa ma gorvon di mulamnawa ala nan min kal goy hay ziyna vaŋɗi, kay nam min mulamna hiɗi ziyna vi mulamna, kay nam ka ŋaa'a ŋolo hay ziyna vi mulamna, 17ki kayn nala mulamna ma sli ɗilla, naram kulo tam vun-ziyna, com humamu, nam dok-dok mi gorvona vi mulanna. Nigi as li nala kaw tam cata gorvota. 18Kay hinim kal goy hay ziyna vaŋ pa kayni, naŋ ma ɗuw kayni may ki lop naɗi, kay nam laŋ lopo ir busat karkiya, lop ma nam laŋgina nam suw wurakŋa vi sa ma li lop kay gurjuta sem ma', ki kayn nala Ma-Vatɗina ma gaŋ bolo hay lop ma naŋ lumna kaf.
19Guro-luwayna hiɗi guro fukunayna vigi ma vuɗ jewna nigi ma vulum goy tam Ma-Vatɗina, Lawna vigiya, faray ma vuɗi jewna nigi as li lop hiɗi namɗi, goor ɦu-dimina ma vuɗi jewna nigi ma kaam ɗuŋusam goyɗi. 20Nigi ma mutum sliwam hay busata busata, nigi hiɗi jafna vigi kaf, vok ir Ma-Vatɗina Lawna vigiya, hay liyn ma Ma-Vatɗina Lawna vigiya vilekemawana. 21La va ma joo ka talamu, la nam dirlaya lebo dukiya, lebo va ma guni ka talamu, nigi as lum ɗifin tam Ma-Vatɗina Lawna vigiɗi. 22Nigi as mutum sliwamu hay liy ma nigi ka lakay hayam ziya, sa ma tuwam muɗi liwisi hiɗi ma tuwam may liwisɗi kaf as kay ti'e, nisi kaf as ti'e ki san mut dukga hiɗi buɗugoora ɦawa nala. 23May busuwn hayɗin nigi as kay tumɗi; nigi ma yamam goy kay nagata ki niy ɦawa nala.
Currently Selected:
GATTA-SEM-MA'TA 15: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
GATTA-SEM-MA'TA 15
15
Busata ta hin balla, sa hawna, sa gorvona, muur ma vuɗi jewna
1Hay li ma busata siɗiyat vatawa, nigi ma li kuɗ gatta vi hinda vi balla. 2Hinda vi balla namna li kayni, la san gigekaw ma balla valam ka kay sugolomna nam ma hinimta, hay li ma siwelda kay hinda vi balla hay sem Ma-Vatɗina laawa, sa as kay li sugolomu lebo ɓasulumu hiɗi donoɗi. 3Nigi as li sa ma pulla dono'o, may sle ma ir vi sugolgina nigi ma vulum goyo. 4May hiɗi kayn kaf sa ma haw ma li jargiɗi, kay Ma-Vatɗina ma hobgi hiɗi bolda hay nagata ta nam min vulgit voco'o kay nigi ma lak haya'a. 5May va ma kepn kayn ala nigi ma hum kuɗ del Ma-Vatɗina Lawna vigiya, hay li ma nigi li kuɗ vun-ma-gatna valamu ma nan vulgit vaydina, hay li ma nigi ŋomom kaw. 6Ma-Vatɗina Lawna vigiya ma gi bol kigiya ki nam di tigi nala, nigi ma vul balla goy tam sumun ŋolo kay nisi ma wurakgit hiɗi niyamu, may nigi hayɗin as yaw balɗi; nigi ma kol kay jaf-sumun ŋolo, jaf-sum sara ma kol kigiɗi.
7La sum sa haw ka jar sa ɓosiyogina, sa lakay ziy hiɗi nigiya, hay nagata ta Ma-Vatɗina Lawna vigi vulgiya, nigi ma so'otgi dikgiɗi, nigi ma duk ɓigi vok ɓasuki ma hawnɗi, 8may nigi ma malam ɓigi goyo, nigi ma vulum balla ma nam wurakamna, kay nam ma fi va ma gutumu. 9Ligi ŋali, kay nigi ma var hay dikgi ala busata siɗiyata ta hin balla ka co'o, ki kayn nala nigi as li slugot mi sa ma hawn loɗi kayn may hay liyamɗi, nam ɗawn ma siwel vok Lawn kigiya, nam ma tun suluk kigiya. 10Nigi ma vulum va'a may nigi ma yor kay va ma nigi min vulumtinɗi, kay kuɗ kayni, Ma-Vatɗina Lawna vigi ɗawn ma gi bol kigiya, hay lop ma nigi lumna kafe. 11May la linige kaw sum sa hawna ma li hay nagat dok-dok, kuɗ na'ta nan vulgi vun-ma-gatna kayni ala: Nigi ma mal ɓigi goyo mi ɓasukina, sa ma maŋayna hiɗi sa ma hawna ma ka hay nagata vigiya.
12La sa kep jar ɓosiyogi sa Hebrena, la mi jufu lebo ca'a, nam gus tuwam goy hay ɓigiya, la nam ligi lopawa ir busat karkiya, hay busata siɗiyata nigi ma butum goyo, gum iramu. 13Hay li ma nigi gum iramawa, nigi ma hinim goy hiɗi ɓalam kiɗaŋ-kiɗaŋɗi; 14nigi as vulum va kuɗ farayna vigiya, kuɗ wana vigiya, kuɗ gulda-guldana vigiya, nigi as vulum kuɗ slena vigi ma Ma-Vatɗin vulgitna. 15Humgi ma gigi ala nigi ay gorvo'o hay nagat Egipte, may Ma-Vatɗina Lawna vigi butgiyay goyo; kuɗ na'ta kayni nan ka vulgi vun-ma-gatna namna vaydi. 16May hay li ma sa ma gorvon di mulamnawa ala nan min kal goy hay ziyna vaŋɗi, kay nam min mulamna hiɗi ziyna vi mulamna, kay nam ka ŋaa'a ŋolo hay ziyna vi mulamna, 17ki kayn nala mulamna ma sli ɗilla, naram kulo tam vun-ziyna, com humamu, nam dok-dok mi gorvona vi mulanna. Nigi as li nala kaw tam cata gorvota. 18Kay hinim kal goy hay ziyna vaŋ pa kayni, naŋ ma ɗuw kayni may ki lop naɗi, kay nam laŋ lopo ir busat karkiya, lop ma nam laŋgina nam suw wurakŋa vi sa ma li lop kay gurjuta sem ma', ki kayn nala Ma-Vatɗina ma gaŋ bolo hay lop ma naŋ lumna kaf.
19Guro-luwayna hiɗi guro fukunayna vigi ma vuɗ jewna nigi ma vulum goy tam Ma-Vatɗina, Lawna vigiya, faray ma vuɗi jewna nigi as li lop hiɗi namɗi, goor ɦu-dimina ma vuɗi jewna nigi ma kaam ɗuŋusam goyɗi. 20Nigi ma mutum sliwam hay busata busata, nigi hiɗi jafna vigi kaf, vok ir Ma-Vatɗina Lawna vigiya, hay liyn ma Ma-Vatɗina Lawna vigiya vilekemawana. 21La va ma joo ka talamu, la nam dirlaya lebo dukiya, lebo va ma guni ka talamu, nigi as lum ɗifin tam Ma-Vatɗina Lawna vigiɗi. 22Nigi as mutum sliwamu hay liy ma nigi ka lakay hayam ziya, sa ma tuwam muɗi liwisi hiɗi ma tuwam may liwisɗi kaf as kay ti'e, nisi kaf as ti'e ki san mut dukga hiɗi buɗugoora ɦawa nala. 23May busuwn hayɗin nigi as kay tumɗi; nigi ma yamam goy kay nagata ki niy ɦawa nala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001