1 TESALONIKŊA 1
1
Ɗek-tuwta hiɗi gi-deɓta
1Paulus, Silvanus hiɗi Timotewus, tam sa viyna sa hay Tesalonika, sa ka hay Lawna bumna hiɗi Yesu Kristu Bum-Sumuna: Slugota hiɗi toyta ma vulis tigiya.
Tu'da vokka vi labar ma firina
Fil 1:3-6; Kol 1:3-8
2Numa'a ka gi deɓ mi Lawna dok-dok kigi kaf, yigi segiya kaw hay siɗawta vuma'a. 3Humma ka guma dok-dok vok Lawna buma'a, kay lopna vi vida vigiya, lopna vi minda vigiya hiɗi vida donota vi cubta-sle'ta vigiya hay Bum-Sumuna vaya Yesu Kristu. 4Nigi ɓosiyoma'na sa Lawna mingi ŋolla, numa'a wi ala nigiya sa vilekay-goyna, 5Kay labara ma firina vuma'a may co tigi kayn hay yoboyn ɦawaɗi, may hiɗi donota, hiɗi Ŋusta-Peldetta, hiɗi wida goy gasi ŋaa'a. Nigi kay tuwgi kaw wi ala numa'a poy jargi kayni kuɗgi nigiya. 6Nigi muɗi si sa sli kuɗmana, sa vi Bum-Sumuna kaw, hay li ma nigi vi yoboyna jar zumalda ŋolo hiɗi firita vi Ŋusta-Peldetta. 7Nala nigi muɗi si sa sum sa viyna kaf hay Makedoniya hiɗi sa hay Akaya fi sli kuɗgiya. 8May yoboyna vi Bum-Sumuna wuli dono'o co ta-ta Makedoniya hiɗi Akaya tutaɗi, may vida vigiya hay Lawna ɗek tuwa'awa goy hay liyn kaf, kayn may dum diy loɗi. 9Kay sumuna ka di labar goy kuma ala numa fi hagata kay cuk jargiya, lo nigi vaawa kuɗ Lawna, hay li ma nigi hin lawayn ma waana goyo, kay sun Lawna ma irina hiɗi ma gasina, 10lo kay cub mata vi goora valamu hay wuralawni pa, nam ma nam dayam kulo hay mitta pa, Yesu, ma min suɗay goyo hay ɦiyda ta min ma'a.
Currently Selected:
1 TESALONIKŊA 1: Massana
Highlight
Share
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001