Nehemías 1
1
Jerusalén llaqtapaq Nehemiaspa mañakusqanmanta
1Kaykunam Hacaliaspa churin Nehemiaspa rimarisqankuna. Rey Artajerjes iskay chunka wataña munaychakuchkaptinmi, #1.1 “Quisleu” killaqa isqon kaq killam, calendarionchikpim diciembre killaman tupamun.Quisleu killapi ñoqa Nehemías Susa llaqtapi, reypa palacionpi kachkarqani. 2Hinaptinmi wawqey Hanani chayaramurqa Judamanta kaq wakin runakunapiwan. Paykunatam tapurqani Jerusalenmantawan preso apasqa kanankumanta puchuqkuna imayna kasqankumanta. 3Chaymi niwarqaku:
Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.
4Chaykunata uyarispaymi tiyaykuspay waqarqani, achka punchawmi llakisqa karqani, hinaspaymi ayunaspay hanaq pachapi Tayta Diosta 5kaynata mañakurqani:
Hanaq pachapi munaychakuq Diosnilláy,
qamqa hatun manchakuypaq Diosmi kanki,
pacto ruwasqaykita mana qonqaqmi kanki,
kuyasuspayki kamachisqaykikuna kasukuqtaqa
kuyapayaqmi kanki.
6Israel llaqtaykipaq
kay serviqnikipa tuta punchaw qayakamusqantayá uyariykamullaway,
qampa contraykipi Israel runaykikuna huchallikusqaykutam kunan willakamullayki,
ñoqapas aylluykunawan kuskam huchallikuruniku.
7Contraykipim tukuy mana allinta ruwaruniku,
serviqniki Moisesman qosqayki
kamachikuykunatapas, decretokunatapas
chaynataq reglamentokunatapas,
manam kasukurqanikuchu.
8 #
Lv 26.33. Yuyariyá serviqniki Moisesman kayna nisqaykita:
“Huchallikuptikichikqa huklaw nacionkunamanmi cheqechisqaykichik.
9 #
Dt 30.1-5. Ñoqaman kutirikamuspa kamachikuyniykunata kasukuptikichikqa,
karu llaqtakunapi cheqechisqa kasqaykichikmanta huñumuspaymi, sutiy hatunchasqa kananpaq
akllasqay sitioman kutichimusqaykichik”, nispaypayki.
10Israelpa mirayninkunaqa serviqnikikunam kaniku,
chaymi hatun atiynikiwan librawarqankiku.
11Dios Taytalláy ruegakuykim,
kay serviqnikipa mañakuynintayá uyariykamullaway,
sutikita hatunchay munaq serviqnikikunapa mañakuynintapas uyariykuyá.
Kunanmi mañakamullayki
ima ruwasqaypipas yanapaykuwanaykipaq,
chaynataq reywanpas kuyapayaykachiwanaykipaq, nispa.
Chay tiempopiqa reypa coperonmi karqani.
Currently Selected:
Nehemías 1: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012