Éxodo 1
1
Egiptopi Israelpa ñakarisqanmanta
1Kaykunam Israelpa churinkunapa sutin, paykunam Jacobwan kuska chaynataq sapakama ayllunkunapiwan Egiptoman yaykurqaku: 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad hinaspa Aser. 5Jacobpa llapallan mirayninkunaqa qanchis chunkam karqaku. Joseymi ichaqa Egipto nacionpiña kachkarqa.
6Joseywan llapallan wawqenkunapas hinaspa wiñaymasinkunapas ñam wañukurqaña. 7#Hch 7.17.Ichaqa Israelpa mirayninkunam llumpa-llumpayta mirarurqaku, kallpasapallañam karqakupas, chaymi Egipto nacionman huntaykurqaku.
8 #
Hch 7.18. Chaymantam Egipto nacionpi, Joseyta mana reqsiq musoq reyña munaychakurqa, paymi runankunata nirqa: 9Qawariychik, Israelpa mirayninkunam llumpayllataña mirarunku, hinaspam ñoqanchikmantapas aswan kallpasapallaña rikurirunku. 10#Hch 7.19.Chaynaqa, amaña miranankupaqyá yachaywan paykunapa contranpi imatapas ruwasunchik. Yanqañataq guerrapi kaptinchik enemigonchikkunaman hukllawakuykuspa contranchikpi peleanmanku hinaspa kay allpamanta ripukunmanku, nispa.
11Chaynapim capatazkunata churarurqaku, sasa llamkaykunawan Israelpa mirayninkunata ñakarichinankupaq. Paykunawanmi ruwachirqaku Pitón llaqtatawan Ramesés llaqtata, chay llaqtakunapim rey Faraón kawsaykunata waqaychaq. 12Ichaqa maynataña ñakarichichkaptinkupas aswanraqmi mirarqaku, chaynapim Israelpa mirayninkunamanta Egipto runakuna mancharisqallaña karqaku.
13Egipto runakunam maqa-maqarispa Israelpa mirayninkunawan servichikurqaku. 14Mana aguantay atina sasallaña llamkaykunawanmi ñakarichirqaku, mitu ruwaypi, adobe chutaypi hinaspa chakra llamkaykunapi. Chay ruwaykunapi llamkachispam Israelpa mirayninkunata llumpayta ñakarichirqaku. 15Egipto nacionpa reyninqa rimarqataqmi Sifrawan chaynataq Fuawanpas, paykunam hebreo castakunapa parterankuna karqaku, hinaspam kamachirqa:
16Hebreo casta warmikunata qespichispaykichikqa imam wawa kasqantam qawankichik; qari kaptinqa wañuchinkichikmi, warmi kaptinmi ichaqa ama imanankichikchu, nispa.
17Chay parterakunam ichaqa Diosta manchakusqankurayku, Egipto nacionpi reypa kamachisqanta mana kasukuspanku qari wawakunata mana wañuchirqakuchu. 18Chaymi parterakunata qayachispan rey nirqa:
¿Imatataq kayta ruwachkankichik? ¿Imanasqataq qari wawakunata mana wañuchinkichikchu? nispa.
19Hinaptinmi rey Faraonta parterakuna nirqaku:
Hebreo casta warmikunaqa manam Egipto warmikuna hinachu. Paykunaqa kallpasapa kasqankuraykum partera manaraqpas chayachkaptin qespikurunkuña, nispanku.
20Parterakunatam Dios favorecerqa chaymi Israel runakuna mirasqankuman hina kallpasapallaña rikurirqaku. 21Parterakunapa ayllunkunatapas Diosta manchakusqankuraykum achkata mirachirqa. 22#Hch 7.19.Chaymi lliw runankunata Faraón kamachirqa:
Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.
Currently Selected:
Éxodo 1: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012