Amós 8
8
Canastapi poqosqa frutata rikusqanmanta
1Tayta Diosmi qawachiwarqa canastapi poqosqa frutakunata. 2Hinaspanmi tapuwarqa:
Amós, ¿imatataq qawachkanki? nispan.
Ñoqañataqmi nirqani:
Canasta hunta poqosqa frutakunatam, nispa.
Hinaptinmi Tayta Dios niwarqa:
Israel llaqtaymanmi puchukay chayaramun, manapunim pampachasaqñachu. 3Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku.
Tayta Diosmi chaynata nin.
Israel juzgasqa kanan punchaw hichpamusqanmanta
4Mana piniyuqkunata ñakarichispa wakchakunata tuñichiqkuna kayta uyariychik. 5Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq. 6Wakchakunata qollqepaq rantispa yarqaymanta kaqkunatañataq chulla pares usutapaq rantinanchikpaq hinaspa trigopa pusillantañapas rantikunapaq, nispa. 7Tayta Diosmi Jacobpa hatun kayninrayku juraspan nin:
Tukuy ima ruwasqankutaqa
manam haykapipas qonqasaqchu, nispan.
8¿Manachum chayrayku allpapas kuyurinqa?
¿Manachum chaypi yachaq llapa runakuna waqanqaku?
Mayu hinaraqmi llimparinqa,
llimparispanmi Egiptopi mayu hinaraq yawyarinqa.
9Tayta Diosmi kaynata nin:
Chay punchawmi chawpi punchaw intita tutayachisaq,
punchawpacham kay pachata tutayaywan pampaykusaq.
10Fiestaykichikkunatapas waqakuyman tikraspam,
takikichikkunatapas qapariyman tikrasaq;
qachqa pachawan pachachispam
chukchaykichiktapas rutuchisqaykichik.
Sapallan wawa churinmanta waqaqkunata hina
kay pachata ruwaptiymi
ancha ñakakuyllapiña tukunkichik, nispa.
11Tayta Diosmi kaynata nin:
Hamuchkanmi punchawkuna,
kay pachaman yarqayta kacharimunaypaq;
manam mikuymanta yarqaytachu,
nitaqmi yakumanta yakunayachikuytachu,
aswanqa Diospa Chuya simin uyariymanta
yarqaytam.
12Hinaptinmi runakuna llutanpi purinqaku,
lamar qochatapas patan-patanmi tukunqaku,
intipa qespimunan lawmanta intipa seqaykunan
lawkamam Chuya simiyta maskanqaku,
ichaqa manam tarinqakuñachu.
13Kuyayllapaq sipaskunam,
kallpanpi jovenkunam,
chay punchawqa yakumanta wañunayanqaku.
14Samariapa idolonkunarayku juraqkunapas,
Danpa chaynataq Beersebapa idolonkunarayku juraqkunapas
lliwmi wichinqaku,
manañam haykapipas hatarinqakuñachu.
Currently Selected:
Amós 8: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
Amós 8
8
Canastapi poqosqa frutata rikusqanmanta
1Tayta Diosmi qawachiwarqa canastapi poqosqa frutakunata. 2Hinaspanmi tapuwarqa:
Amós, ¿imatataq qawachkanki? nispan.
Ñoqañataqmi nirqani:
Canasta hunta poqosqa frutakunatam, nispa.
Hinaptinmi Tayta Dios niwarqa:
Israel llaqtaymanmi puchukay chayaramun, manapunim pampachasaqñachu. 3Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku.
Tayta Diosmi chaynata nin.
Israel juzgasqa kanan punchaw hichpamusqanmanta
4Mana piniyuqkunata ñakarichispa wakchakunata tuñichiqkuna kayta uyariychik. 5Qamkunam ninkichik: Amalaya trigonchikta rantikunapaq llullu killa pasarunmanña; samana punchawpas taqenchikta kichaykuspa precionta miraykachispa kawsayninchikta rantikunapaq, balanzatapas menosyaykachispa engañanapaq. 6Wakchakunata qollqepaq rantispa yarqaymanta kaqkunatañataq chulla pares usutapaq rantinanchikpaq hinaspa trigopa pusillantañapas rantikunapaq, nispa. 7Tayta Diosmi Jacobpa hatun kayninrayku juraspan nin:
Tukuy ima ruwasqankutaqa
manam haykapipas qonqasaqchu, nispan.
8¿Manachum chayrayku allpapas kuyurinqa?
¿Manachum chaypi yachaq llapa runakuna waqanqaku?
Mayu hinaraqmi llimparinqa,
llimparispanmi Egiptopi mayu hinaraq yawyarinqa.
9Tayta Diosmi kaynata nin:
Chay punchawmi chawpi punchaw intita tutayachisaq,
punchawpacham kay pachata tutayaywan pampaykusaq.
10Fiestaykichikkunatapas waqakuyman tikraspam,
takikichikkunatapas qapariyman tikrasaq;
qachqa pachawan pachachispam
chukchaykichiktapas rutuchisqaykichik.
Sapallan wawa churinmanta waqaqkunata hina
kay pachata ruwaptiymi
ancha ñakakuyllapiña tukunkichik, nispa.
11Tayta Diosmi kaynata nin:
Hamuchkanmi punchawkuna,
kay pachaman yarqayta kacharimunaypaq;
manam mikuymanta yarqaytachu,
nitaqmi yakumanta yakunayachikuytachu,
aswanqa Diospa Chuya simin uyariymanta
yarqaytam.
12Hinaptinmi runakuna llutanpi purinqaku,
lamar qochatapas patan-patanmi tukunqaku,
intipa qespimunan lawmanta intipa seqaykunan
lawkamam Chuya simiyta maskanqaku,
ichaqa manam tarinqakuñachu.
13Kuyayllapaq sipaskunam,
kallpanpi jovenkunam,
chay punchawqa yakumanta wañunayanqaku.
14Samariapa idolonkunarayku juraqkunapas,
Danpa chaynataq Beersebapa idolonkunarayku juraqkunapas
lliwmi wichinqaku,
manañam haykapipas hatarinqakuñachu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012