Bene Lefi 2
2
Cipo ca fulaulo
1“Ono na muntu uli woonse waleta cipo ca fulaulo, ulyeelete kutaanguna kwaapela. Ulyeelete kubikaako amafuta a olifi alimwi atununkila kabotu, 2lyalo nkokuleta kubana bakwe Aloni bapailishi. Mpeeke mupailishi ulaakutapula busu, mafuta a olifi alimwi atununkila kabotu toonse mulupaka, akushitenta pacipaililo ayi cibe cishibilo cakwaamba ayi shoonse shapekwa kuli ndime neMwaami Lesa. Bweema bwa cipo ico ca shakulya bulansangalasha neMwaami Lesa. 3Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.
4“Ono na cipo ca fulaulo ncimaande cakapangilwa mucitofu, taceelete kuba acimena. Inga shaba shinene shakapangwa kufulaulo wakusenkanya amafuta a olifi nabi tumaande tupampamene tunanikitwe amafuta a olifi.
5“Na ncipo ca fulaulo cakapangilwa paceela ciselebete, cilyeelete kuba cimaande cakapangwa kufulaulo wakusenkanya amafuta a olifi. 6Ulyeelete kucikomoona alimwi akutilawo mafuta a olifi ayi cibe cipo ca fulaulo.
7“Na cipo ca fulaulo ncimaande cakapangilwa pacikaye, cilyeelete kuba ca fulaulo amafuta a olifi. 8Amulete cipo ico kuli ndime neMwaami Lesa mukutola kumupailishi uyo weshi akacitole kucipaililo. 9Mupailishi uyo ulaakukushako cipansha ayi cibe cishibilo cakwaamba ayi cipo coonse capekwa kuli ndime neMwaami Lesa. Lyalo ulaakucitenta pacipaililo. Bweema bwa cipo ca shakulya ico bulansangalasha neMwaami Lesa. 10Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.
11“Taaku cipo ca fulaulo nceenga mwapa Mwaami Lesa kacisenkene acimena. Tamweelete kusebensesha cimena nabi buuci mucipo ca shakulya cipekwa kuli ndime neMwaami Lesa. 12Inga mwashileta kuli ndime neMwaami Lesa pantu pomwi ashakulya shitaanshi nsheenga mwatebula mumwaaka, sombi tasheelete kutentwa pacipaililo. 13Ono pacipo ca fulaulo coonse, munoobikawo mwiinyo, ceebo mwiinyo uleemikanina cipangano cili pali ndimwe anebo neLesa. Anu mulyeelete kubika mwiinyo mushipo shanu shoonse. 14Na mwaleta cipo ca shakulya shitaanshi nsheenga mwatebula kuli ndime neMwaami Lesa, mukape fulaulo shikangitwe nabi shakutwa. 15Mukasenkanyeeko amafuta a olifi alimwi atununkila kabotu. 16Mpeeke mupailishi ulaakutenta cipansha ca busu alimwi amafuta a olifi kwaamba ayi cibe cishibilo, kubikaawo atununkila kabotu toonse ayi ncipo ca shakulya cipekwa kuli ndime neMwaami Lesa.
Currently Selected:
Bene Lefi 2: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 2
2
Cipo ca fulaulo
1“Ono na muntu uli woonse waleta cipo ca fulaulo, ulyeelete kutaanguna kwaapela. Ulyeelete kubikaako amafuta a olifi alimwi atununkila kabotu, 2lyalo nkokuleta kubana bakwe Aloni bapailishi. Mpeeke mupailishi ulaakutapula busu, mafuta a olifi alimwi atununkila kabotu toonse mulupaka, akushitenta pacipaililo ayi cibe cishibilo cakwaamba ayi shoonse shapekwa kuli ndime neMwaami Lesa. Bweema bwa cipo ico ca shakulya bulansangalasha neMwaami Lesa. 3Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.
4“Ono na cipo ca fulaulo ncimaande cakapangilwa mucitofu, taceelete kuba acimena. Inga shaba shinene shakapangwa kufulaulo wakusenkanya amafuta a olifi nabi tumaande tupampamene tunanikitwe amafuta a olifi.
5“Na ncipo ca fulaulo cakapangilwa paceela ciselebete, cilyeelete kuba cimaande cakapangwa kufulaulo wakusenkanya amafuta a olifi. 6Ulyeelete kucikomoona alimwi akutilawo mafuta a olifi ayi cibe cipo ca fulaulo.
7“Na cipo ca fulaulo ncimaande cakapangilwa pacikaye, cilyeelete kuba ca fulaulo amafuta a olifi. 8Amulete cipo ico kuli ndime neMwaami Lesa mukutola kumupailishi uyo weshi akacitole kucipaililo. 9Mupailishi uyo ulaakukushako cipansha ayi cibe cishibilo cakwaamba ayi cipo coonse capekwa kuli ndime neMwaami Lesa. Lyalo ulaakucitenta pacipaililo. Bweema bwa cipo ca shakulya ico bulansangalasha neMwaami Lesa. 10Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.
11“Taaku cipo ca fulaulo nceenga mwapa Mwaami Lesa kacisenkene acimena. Tamweelete kusebensesha cimena nabi buuci mucipo ca shakulya cipekwa kuli ndime neMwaami Lesa. 12Inga mwashileta kuli ndime neMwaami Lesa pantu pomwi ashakulya shitaanshi nsheenga mwatebula mumwaaka, sombi tasheelete kutentwa pacipaililo. 13Ono pacipo ca fulaulo coonse, munoobikawo mwiinyo, ceebo mwiinyo uleemikanina cipangano cili pali ndimwe anebo neLesa. Anu mulyeelete kubika mwiinyo mushipo shanu shoonse. 14Na mwaleta cipo ca shakulya shitaanshi nsheenga mwatebula kuli ndime neMwaami Lesa, mukape fulaulo shikangitwe nabi shakutwa. 15Mukasenkanyeeko amafuta a olifi alimwi atununkila kabotu. 16Mpeeke mupailishi ulaakutenta cipansha ca busu alimwi amafuta a olifi kwaamba ayi cibe cishibilo, kubikaawo atununkila kabotu toonse ayi ncipo ca shakulya cipekwa kuli ndime neMwaami Lesa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.