1 Timotey 3
3
Ndaw me tsukurey ma Egliz
1Guma neney na təɗe, kassla ma par 'ar: haɗaw ndaw a wuɗey ma da tərey ndaw me tsukurey ma səkway ma Yezu na, na ŋga na na, ŋga ka dzeley mber ba mambay aha. 2Haya satsa na, ndaw me tsukurey ma səkway ma Yezu ana hana na, ka key na ndaw ma ŋgəlar bəzay dakay, hayna ŋgwas aŋga asləta, a sey zom kakay, ka sərada 'ar, a war 'ar a vaw ŋga, a ŋgəley ndaw haya haya, a slafa me tetəkey ndaw hay, 3kwa ndaw ma 'ay zom aha kakay, a kəɗey vaw kakay, amana ləfeɗeɗe ha, kwa ka key ndaw dzendze ha zlay, ndaw dey aha kakay. 4Hayna ka slafa me wey veɗ 'ay ŋga, ka slafa ma zəgadata wawa ŋga hay ka tsənamar sləmay da me ɗey ndaw a vaw tabiyaha. 5Haɗaw akwa ndaw a slafa ma wa veɗ 'ay ŋga tata kakay na, a da slafa ma nəkafa dey ka Egliz ma Bay ma Bəla na teŋgey? 6Ka da key ndaw ma mbəɗada mendzey ŋga waya ha zlay, me wesey naŋgarhay na, a da təɗey ta meŋgelekey ma wuləfadara dey a me dzuwey andza na ma vəlaha ma Setene na zlay. 7A fəna sa na, hayna ndaw ma bəla hay ka kamar seydewe hayna, ma ka da ŋgələmatar bəzay zlay, satsa na ka da kəley a zəva ma Setene zlay.
Diyakre hay
8Diyakre hay ka kam na, andza ha satsa, hayna taya ka kam ɗa ndaw ahiya, huɗa mey ta ka key na asləta, ka vəladəmara vaw a zom zlay, kwa ka da səpam sumkwo ta me bemey ndaw aha zlay. 9Ka wafama vaw ka tek ma kəzla na ma me pey 'ar da mendzey tsəzlakka ana. 10Taya tiyatsa na, ka hələmatara suwet ba ɗagay, arka a dəba na na, haɗaw ka ndzafam meŋgəsey ma tek ka taya dakay na, a slafama me key mber ma Diyakre tok. 11Ŋgwas hay andza ha satsa: ka təram ɗa ndaw ahiya, ka da rawam mey so ha zlay, ka sam zom zlay, ka tsənam sləmay da tek hay tabiyaha. 12Haya diyakre hay ka zəgam na ŋgwas asləta, ka slafama ma wumatar 'ar a wawa ta hay haya haya da veɗ 'ay ta. 13Hərway ndaw ma kama mber ma diyakre haya haya na hay na, a da ndzafam slam haya ha tey, ekəɗey ana na, ma sərada ta ma pa bəzay aha da 'ar me pey ka Kriste Yezu.
Tek ma kəzla na ma kuley
14I windəkaɓa na, i dzeley aha ma da daɓa ka tsakay ɗek da bəse neney. 15Kwa andza tekeɗe i ka kaɓa mahwanok ba na, kah na, ka sərada me ndzey da veɗ 'ay ma Bay ma Bəla, Egliz ma Bay ma Bəla ta dey ana, segendel ma zəgada mey ma dərka.
16Dərka na, tek ma kəzla na ma me pey ’ar a lakwa a neney na ɗuhwa ha.
Kriste na,
ma ɓawa vaw da slaw vaw,
me tərey dzerey aha ta Mesəfrey,
madurlam hay ma zazərama,
ma tələkadama mey da 'ay ndaw Zuif ahiya kakay ana hay,
ma pam 'ar ka ŋga ka bəla,
ma tsakafama da maram.
Currently Selected:
1 Timotey 3: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
1 Timotey 3
3
Ndaw me tsukurey ma Egliz
1Guma neney na təɗe, kassla ma par 'ar: haɗaw ndaw a wuɗey ma da tərey ndaw me tsukurey ma səkway ma Yezu na, na ŋga na na, ŋga ka dzeley mber ba mambay aha. 2Haya satsa na, ndaw me tsukurey ma səkway ma Yezu ana hana na, ka key na ndaw ma ŋgəlar bəzay dakay, hayna ŋgwas aŋga asləta, a sey zom kakay, ka sərada 'ar, a war 'ar a vaw ŋga, a ŋgəley ndaw haya haya, a slafa me tetəkey ndaw hay, 3kwa ndaw ma 'ay zom aha kakay, a kəɗey vaw kakay, amana ləfeɗeɗe ha, kwa ka key ndaw dzendze ha zlay, ndaw dey aha kakay. 4Hayna ka slafa me wey veɗ 'ay ŋga, ka slafa ma zəgadata wawa ŋga hay ka tsənamar sləmay da me ɗey ndaw a vaw tabiyaha. 5Haɗaw akwa ndaw a slafa ma wa veɗ 'ay ŋga tata kakay na, a da slafa ma nəkafa dey ka Egliz ma Bay ma Bəla na teŋgey? 6Ka da key ndaw ma mbəɗada mendzey ŋga waya ha zlay, me wesey naŋgarhay na, a da təɗey ta meŋgelekey ma wuləfadara dey a me dzuwey andza na ma vəlaha ma Setene na zlay. 7A fəna sa na, hayna ndaw ma bəla hay ka kamar seydewe hayna, ma ka da ŋgələmatar bəzay zlay, satsa na ka da kəley a zəva ma Setene zlay.
Diyakre hay
8Diyakre hay ka kam na, andza ha satsa, hayna taya ka kam ɗa ndaw ahiya, huɗa mey ta ka key na asləta, ka vəladəmara vaw a zom zlay, kwa ka da səpam sumkwo ta me bemey ndaw aha zlay. 9Ka wafama vaw ka tek ma kəzla na ma me pey 'ar da mendzey tsəzlakka ana. 10Taya tiyatsa na, ka hələmatara suwet ba ɗagay, arka a dəba na na, haɗaw ka ndzafam meŋgəsey ma tek ka taya dakay na, a slafama me key mber ma Diyakre tok. 11Ŋgwas hay andza ha satsa: ka təram ɗa ndaw ahiya, ka da rawam mey so ha zlay, ka sam zom zlay, ka tsənam sləmay da tek hay tabiyaha. 12Haya diyakre hay ka zəgam na ŋgwas asləta, ka slafama ma wumatar 'ar a wawa ta hay haya haya da veɗ 'ay ta. 13Hərway ndaw ma kama mber ma diyakre haya haya na hay na, a da ndzafam slam haya ha tey, ekəɗey ana na, ma sərada ta ma pa bəzay aha da 'ar me pey ka Kriste Yezu.
Tek ma kəzla na ma kuley
14I windəkaɓa na, i dzeley aha ma da daɓa ka tsakay ɗek da bəse neney. 15Kwa andza tekeɗe i ka kaɓa mahwanok ba na, kah na, ka sərada me ndzey da veɗ 'ay ma Bay ma Bəla, Egliz ma Bay ma Bəla ta dey ana, segendel ma zəgada mey ma dərka.
16Dərka na, tek ma kəzla na ma me pey ’ar a lakwa a neney na ɗuhwa ha.
Kriste na,
ma ɓawa vaw da slaw vaw,
me tərey dzerey aha ta Mesəfrey,
madurlam hay ma zazərama,
ma tələkadama mey da 'ay ndaw Zuif ahiya kakay ana hay,
ma pam 'ar ka ŋga ka bəla,
ma tsakafama da maram.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun