DIMISEY 1
1
ƊEREWOL MUDUMBUŊ
(Dim 1—41)
Mumul mikaslsla
1Mamumulo, i mbur masipa
ɓi ngi mizli misi moˀorehey ta,
macici zar avu jiviɗ ngi mizli migi malambaˀhay,
yo mizli masingiram angi Buymisemuŋ na, a cifi a wuzla taŋ ta.
2Amma maciraŋ hiri da naŋ i ɓimujuwa ngi Bumbulvuŋ,
yo duvuɗ ti papas gar na,
a ndir ti ɓimujuwa ngi Bumbulvuŋ ngek avu mi.
3Mbur nah na, naŋ kaɓa widis mikaˀ a mi mizaw:
angi hin ngi yi naŋ gar na, ara yi,
yo kalaf naŋ anta ɓut ta.
Gwat naŋ maga gar na, a gi kasl kasl.
4Amma misi moˀoreheye, taŋ kanah ta:
taŋ kaɓa cici, himiɗ mazliɗa hirnga naŋ.
5Tapas gi kiita na, migi moˀoreheye, t'anta sa cicam gu ta.
Ar kus ngi mizli mijeŋŋeheye,
ko migi mungraˀahaya, anta sa cicam gu ta ya.
6Asi Bumbulvuŋ a si na gi gwat ngi mizli mijeŋŋeheye le.
Amma gi gwat ngi misi moˀoreheye, a zizi vu.
Currently Selected:
DIMISEY 1: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.