Mark 6
6
Nazaretey mitiɓaka Yesu ta
(Yo pura Mat 13.53-58; Luk 4.16-30)
1Ti Yesu mibi ti kẽh na, aru nga hirwuy naŋ migil angaŋ. Joˀ mizli ngi seˀehey a sipakaŋ. 2Ngi pas sabat na, a zla dubuna gwat da mizli ar hay ngi diradibiɗi. Micin naŋhaya, taŋ haɗi, a ga taŋ welele, a ɓam: «A lumo ɓi hana vuna amaka? A vulakaŋ sinmijileŋ wana hana maka? Hã cekenehey kwana, ara gam a haŋ naŋ!
3I micira dum tuwa ta kwa? Mangal ngi Mariya ta kwa? Sukum ngi Zak ati Zozes, Yudas waɗ Simoŋ ta kwa? Sukum naŋ mongosohoyo, t'ada a wuzla ndra ka ta kwa?» Wuluk tayna gar, a tika taŋ le ɓa a tiɓakaŋ ta. 4Dar Yesu a ɓa taŋ: «A hirsaka mijiviɗe na, sey angi hirwuy naŋ migil anga, a wuzla muy naŋhay ati mizli ngi hay taŋhay si.»
5Naŋ kine, ko Yesu a gi cekene purla le a diga ta, sey naŋ mumbul misi jijihey neˀ tewle, ti naŋ mubuca haŋ ar taŋ. 6Taŋ mitiɓakaŋ ta na, a zuma hirnga le da Yesu.
Yesu mislina mizli ngi seˀehey mukuruˀ nga cuw
(Yo pura Mat 10.5-15; Luk 9.1-6)
Dar Yesu a bula prok ngi hirwuy nah gar, bal ti dubuna gwat da mizli. 7A zila mizli ngi seˀehey mukuruˀ nga cuwo, a zla a slina taŋ cuw cuw. A vula taŋ gidaŋ, ɓa a waka setene mihirya vuhoyo. 8A ɓa taŋ: «Anja ki zuɓam gwat a haŋ ngi zuɓa jiviɗe ta, sey ganday tewle. Gwat ngi zum ta, gabal ta, dala ar jiiba ta. 9Amma cam tarak mapiya piyahay, ki kam zana cuw cuw ta.» 10A ɓa taŋ: «Da kum mindilam le ar li numuŋ, kum micam le a hay mbur na, ndiram anga, hã kum masa pulaka li nah. 11Ar li mekeleme, da mizli a tuɓukum ta, yo da t'anta cinaka mingiɓi kumo ta na, ti kum masa bam ti kẽh na, tukoko lagwada ngi vi sar kumoyo: a sa gi i sedewo avu taŋ.»
12Dar mizli ngi seˀehey a ram, a tilam mi ti Ɓimezle da mizli, ɓa a mbiɗaka mevel taŋhaya. 13A ɓulam setenehey haɗi, a pam mal a hirnga misi jijihey haɗi, a mbuloko taŋ.
Muc ngi Zaŋ mici mizli ar yam
(Yo pura Mat 14.1-12; Luk 9.7-9)
14Herod, buy madiɗa, a cine maɓaka ɓi ngi Yesu na le, asi slimiɗ ngi Yesu ara zil haɗi. A ɓam: «Zaŋ mici mizli ar yama, a slikiɗ le ti wuzla mumucahaya, naŋ misi ti gidaŋ ngi gi cekenehey na, vurˀeŋ.» 15Mizli mekelemey a ɓam: «I Eli.» Numuŋhoy a ɓam ma: «I mijiviɗ mubam vu ati mijiviɗ purla asi mijiviɗ ndrahay zleˀe.» 16Herod micina ɓi nah na, a ɓi: «I Zaŋ, ya mubuko hirnga naŋ na, mislikiɗ i naŋ.» 17Asi mike na, Herod a ɓa mizli, a jaka Zaŋ le zleˀe, a juwaka le ar dangay asi Herodiyad. I gwas ngi sukum naŋ Filip ngbaŋ, na Herod a ɗuva le. 18Asi Zaŋ a ɓa Herodo na: «Ɓa ki zuɓa ngwas ngi sukum ɗike da ka na, jiviɗ naŋ anta.» 19Herodiya kwana, ara gi mesene ti Zaŋ, a wuɗ kiɗ naŋ vagay, amma a luuma jiviɗ nah gu ta. 20Asi Herod a zluwun ti Zaŋ, asi a si na le, Zaŋ i mbur mijeŋŋe, yo naŋ pal. A jiniˀis asi Zaŋ. Naŋ micina mingiɓi ngi Zaŋ cin cin na, a gaŋ welele teˀe, amma a wuɗ cin naŋ vuna ngbaŋ.
21Amma hin mizlir kuy wãˀ, a ndilo le. Tapasa Herod a gi muguzlum ngi yi naŋ, a gi gwat ngi zum haɗi da mizli madiɗa ngisi hirwuy naŋhay, madiɗa ngi sojehey ati mizli micawwa ngi Galilehey gar. 22Zuŋ diili ngi Herodiyad tuwa, a sawa, a ga ɓuruk. Herod a hĩyã le waɗ mizli naŋ muzulo taŋ gara ma. Dar buy a ɓa zuŋ diili tuwa: «Cufuɗ gwat ka muwuɗ le avu ya gar, yi sa vuluw di.» 23Joˀ a hudum, a ɓaŋ: «Gwat ka masa cufuɗ avu ya gar na, i sa vuluw di, ko ki wuɗ reta ngi Zumabuy ɗu kwana, i sa vuluw di.» 24Dar zuŋ tuwa a bi, ara cufuɗa mumuŋ: «Yi ra cufuɗ mike?» Mumuŋ a mbiɗaŋ di: «Cufuɗ hirnga ngi Zaŋ mici mizli ar yam.» 25Zuŋ diili tuwa, a wus vu ng'avu buyo, a cufuɗaŋ: «Yi wuɗ ɓa ki vuliy hirnga ngi Zaŋ mici mizli ar yama wurenna, ɓaˀ ar taasa aka.» 26Buy a nduruɗ hiri haɗi, amma a sli himaˀ gu mata, asi naŋ muhudum a mbuŋ mizli naŋ muzulo taŋ tuwa. 27Buy a slin soje kutum si, a ɓaŋ ɓa ra saŋ ti hirnga ngi Zaŋ. Soje ara buko hirnga ngi Zaŋ ar dangaya. 28A so di ɓaˀ ar taasa, a vula da zuŋ diili tuwa. Joˀ zuŋ diili kwana, aru di, a vula da mumuŋ naŋ. 29Mizli ngisi Zaŋhay micinaka ɓi nah na, a soko, a zuɓaka vagay naŋ, ara kaka ar vigiɗi.
Yesu mimba mizli durmuk zlum
(Yo pura Mat 14.13-21; Luk 9.10-17; Zaŋ 6.1-14)
30Mislinay tuwa a moko, a kusom avu Yesu, a slufakaŋ ɓi ngi gwat taŋ migaka ati gwat taŋ mudubunaka da mizli gar. 31Yesu a ɓa taŋ: «Kumo, soko silaŋ pal kum nga ɓuh, ɓa ki muskam vu neˀe.» Asi zigiduw haɗa, ara mam, ara soko, hã ti Yesu ati mizli ngi seˀeheye, a lumam haŋ ngi zuma gwata mata. 32Dar a cam palalam, a ram silaŋ pal taŋ nga ɓuh. 33Amma taŋ mawuɗ a ram kileŋ na, mizli a sinaka le, dar mizli a kilam ti sar tir walahayay gar, a ndilam a diga dumbuŋ ar taŋ.
34Yesu mabo tir palalama, keɗ na, zigiduw sikiniy. ˀIrcece a gaŋ haɗi ti taŋ, asi taŋ kaɓa tumuŋ manja mijiginey. Dar a zla, a dubuna taŋ gwatay haɗi. 35Hiikuɗ a ji le si, mizli ngisi Yesuhoy a kirohoko ng'avi Yesu, a ɓakaŋ: «Ani hiikuɗ a ji le si, yo hana i ɓuh. 36Waha mizli ɓa a ram ng'ar prokoy ati walahay migweˀ gweˀhey na, ɓa ara hiɗikam gwat ngi zum.» 37Amma naŋ a mbiɗa taŋ di: «Kum vuna, vulaka taŋ gwat ngi zum vuna sini!» Taŋ a ɓakaŋ: «Ki wuɗ i ra hiɗikoko ɗaf ngi gabal skat cuw#6.37 Gabal pal i migir ngi mbur pal asi slra ngi hiipas wãˀ , i vulaka taŋ di ngi zumo kwa?» 38Yesu a ɓa taŋ: «Kum ti ɗaf kite ka? Ara purakaŋ.» Taŋ mupuraka na, a ɓakaŋ: «Peŋ zlum, waɗ kilif cuw.» 39Dar a ɓa taŋ ɓa a cifaka mizli ndac ndac ar giziŋ mutukuzo. 40A cifam ti jobbol, mizli skat skat, yo kukur zlum kukur zlum. 41Dar Yesu a hila ɗaf muzlum ati kilif cuw tuwa, a zuɓa hiri nga muŋ, a ɗuwul mi, a ngila ɗafahay tuwa, a vula taŋ da mizli ngi seˀeheye, ɓa a vulaka da mizli, yo a wunka kilif mucuw tuwa da mizli gara ma. 42Taŋ gar a zumam hã a mbam. 43Joˀ a cikilaka is ngi ɗaf ati kilif mubulngus bulngusoyo, gadagar caɓ caɓ kuruˀ nga cuw. 44Mizli muzumama, ziley a gam gwat ngi durmuk zlum.
Yesu muru ti sar a hirnga yam
(Yo pura Mat 14.22-33; Zaŋ 6.15-21)
45Neˀ a dirba Yesu muwaha zigiduwo na, a tikaˀay da mizli ngi seˀeheye, ɓa a cam palalam, a cohom dumbuŋ angi naŋ nga dubazaw a Betsayda. 46A dirba naŋ muɓula taŋ na, naŋ, aru nga muwã ɓa a dirdibiɗi. 47Hiikuɗ miji na, naɓa palalama naŋ a wuzla yam, misi a ruwuyo, i naŋ pal naŋ. 48A pura taŋ na, ara kiɗam vu ngi ru ti palalama, himiɗe jik angi taŋ. Ng'avi miprik na, a so ng'avi taŋ ti sar njiraŋ njiraŋ a hirnga yama, hã a wuɗo pula taŋ a dirba. 49Ti taŋ mupuraka naŋ maru ti sar a hirnga yama na, a waka kaɓa i musuɗuk ngi mbur mumuca, dar a zlaka widi cǝruw cǝruw. 50Asi taŋ gar a puraka le, a muɗa taŋ didak le haɗa. Amma Yesu a ɓa taŋ kutum: «Tusom didak! Ki zluwunam ta, i ya!» 51A ci ng'avi taŋ a hur palalama, himiɗ a cici kiŋ. A zuma hirnga le da mizli ngi seˀeheye haɗi. 52Asi mike na, a slaka wala ngi cekene ngi ɗaf na ta, hirnga taŋ gidaŋ.
Yesu mumbul misi jijihey tir vay Zenezarete
(Yo pura Mat 14.34-36)
53A dirba taŋ mutuwuɗama, a ndilam ar hirwuy Zenezaret. 54Taŋ muboko put si na, mizli a sinaka Yesu le si. 55Mizli micinam le, Yesu naŋ aka gar na, a bulaka hirwuyo gar, a zuɓoko misi jijiheye ti cacalahay. 56Li naŋ mici le anga gar, angi walahay ati walahay madiɗahay waɗ prokoy gar na, a soko ti misi jiji taŋhaya ng'ar li ngi luuma, a tumbuloko Yesu, ɓa a pula misi jijihey a wusaka mi ngi zana naŋ si. Muwus naŋhay gar na, a mbulom le.
Currently Selected:
Mark 6: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
Mark 6
6
Nazaretey mitiɓaka Yesu ta
(Yo pura Mat 13.53-58; Luk 4.16-30)
1Ti Yesu mibi ti kẽh na, aru nga hirwuy naŋ migil angaŋ. Joˀ mizli ngi seˀehey a sipakaŋ. 2Ngi pas sabat na, a zla dubuna gwat da mizli ar hay ngi diradibiɗi. Micin naŋhaya, taŋ haɗi, a ga taŋ welele, a ɓam: «A lumo ɓi hana vuna amaka? A vulakaŋ sinmijileŋ wana hana maka? Hã cekenehey kwana, ara gam a haŋ naŋ!
3I micira dum tuwa ta kwa? Mangal ngi Mariya ta kwa? Sukum ngi Zak ati Zozes, Yudas waɗ Simoŋ ta kwa? Sukum naŋ mongosohoyo, t'ada a wuzla ndra ka ta kwa?» Wuluk tayna gar, a tika taŋ le ɓa a tiɓakaŋ ta. 4Dar Yesu a ɓa taŋ: «A hirsaka mijiviɗe na, sey angi hirwuy naŋ migil anga, a wuzla muy naŋhay ati mizli ngi hay taŋhay si.»
5Naŋ kine, ko Yesu a gi cekene purla le a diga ta, sey naŋ mumbul misi jijihey neˀ tewle, ti naŋ mubuca haŋ ar taŋ. 6Taŋ mitiɓakaŋ ta na, a zuma hirnga le da Yesu.
Yesu mislina mizli ngi seˀehey mukuruˀ nga cuw
(Yo pura Mat 10.5-15; Luk 9.1-6)
Dar Yesu a bula prok ngi hirwuy nah gar, bal ti dubuna gwat da mizli. 7A zila mizli ngi seˀehey mukuruˀ nga cuwo, a zla a slina taŋ cuw cuw. A vula taŋ gidaŋ, ɓa a waka setene mihirya vuhoyo. 8A ɓa taŋ: «Anja ki zuɓam gwat a haŋ ngi zuɓa jiviɗe ta, sey ganday tewle. Gwat ngi zum ta, gabal ta, dala ar jiiba ta. 9Amma cam tarak mapiya piyahay, ki kam zana cuw cuw ta.» 10A ɓa taŋ: «Da kum mindilam le ar li numuŋ, kum micam le a hay mbur na, ndiram anga, hã kum masa pulaka li nah. 11Ar li mekeleme, da mizli a tuɓukum ta, yo da t'anta cinaka mingiɓi kumo ta na, ti kum masa bam ti kẽh na, tukoko lagwada ngi vi sar kumoyo: a sa gi i sedewo avu taŋ.»
12Dar mizli ngi seˀehey a ram, a tilam mi ti Ɓimezle da mizli, ɓa a mbiɗaka mevel taŋhaya. 13A ɓulam setenehey haɗi, a pam mal a hirnga misi jijihey haɗi, a mbuloko taŋ.
Muc ngi Zaŋ mici mizli ar yam
(Yo pura Mat 14.1-12; Luk 9.7-9)
14Herod, buy madiɗa, a cine maɓaka ɓi ngi Yesu na le, asi slimiɗ ngi Yesu ara zil haɗi. A ɓam: «Zaŋ mici mizli ar yama, a slikiɗ le ti wuzla mumucahaya, naŋ misi ti gidaŋ ngi gi cekenehey na, vurˀeŋ.» 15Mizli mekelemey a ɓam: «I Eli.» Numuŋhoy a ɓam ma: «I mijiviɗ mubam vu ati mijiviɗ purla asi mijiviɗ ndrahay zleˀe.» 16Herod micina ɓi nah na, a ɓi: «I Zaŋ, ya mubuko hirnga naŋ na, mislikiɗ i naŋ.» 17Asi mike na, Herod a ɓa mizli, a jaka Zaŋ le zleˀe, a juwaka le ar dangay asi Herodiyad. I gwas ngi sukum naŋ Filip ngbaŋ, na Herod a ɗuva le. 18Asi Zaŋ a ɓa Herodo na: «Ɓa ki zuɓa ngwas ngi sukum ɗike da ka na, jiviɗ naŋ anta.» 19Herodiya kwana, ara gi mesene ti Zaŋ, a wuɗ kiɗ naŋ vagay, amma a luuma jiviɗ nah gu ta. 20Asi Herod a zluwun ti Zaŋ, asi a si na le, Zaŋ i mbur mijeŋŋe, yo naŋ pal. A jiniˀis asi Zaŋ. Naŋ micina mingiɓi ngi Zaŋ cin cin na, a gaŋ welele teˀe, amma a wuɗ cin naŋ vuna ngbaŋ.
21Amma hin mizlir kuy wãˀ, a ndilo le. Tapasa Herod a gi muguzlum ngi yi naŋ, a gi gwat ngi zum haɗi da mizli madiɗa ngisi hirwuy naŋhay, madiɗa ngi sojehey ati mizli micawwa ngi Galilehey gar. 22Zuŋ diili ngi Herodiyad tuwa, a sawa, a ga ɓuruk. Herod a hĩyã le waɗ mizli naŋ muzulo taŋ gara ma. Dar buy a ɓa zuŋ diili tuwa: «Cufuɗ gwat ka muwuɗ le avu ya gar, yi sa vuluw di.» 23Joˀ a hudum, a ɓaŋ: «Gwat ka masa cufuɗ avu ya gar na, i sa vuluw di, ko ki wuɗ reta ngi Zumabuy ɗu kwana, i sa vuluw di.» 24Dar zuŋ tuwa a bi, ara cufuɗa mumuŋ: «Yi ra cufuɗ mike?» Mumuŋ a mbiɗaŋ di: «Cufuɗ hirnga ngi Zaŋ mici mizli ar yam.» 25Zuŋ diili tuwa, a wus vu ng'avu buyo, a cufuɗaŋ: «Yi wuɗ ɓa ki vuliy hirnga ngi Zaŋ mici mizli ar yama wurenna, ɓaˀ ar taasa aka.» 26Buy a nduruɗ hiri haɗi, amma a sli himaˀ gu mata, asi naŋ muhudum a mbuŋ mizli naŋ muzulo taŋ tuwa. 27Buy a slin soje kutum si, a ɓaŋ ɓa ra saŋ ti hirnga ngi Zaŋ. Soje ara buko hirnga ngi Zaŋ ar dangaya. 28A so di ɓaˀ ar taasa, a vula da zuŋ diili tuwa. Joˀ zuŋ diili kwana, aru di, a vula da mumuŋ naŋ. 29Mizli ngisi Zaŋhay micinaka ɓi nah na, a soko, a zuɓaka vagay naŋ, ara kaka ar vigiɗi.
Yesu mimba mizli durmuk zlum
(Yo pura Mat 14.13-21; Luk 9.10-17; Zaŋ 6.1-14)
30Mislinay tuwa a moko, a kusom avu Yesu, a slufakaŋ ɓi ngi gwat taŋ migaka ati gwat taŋ mudubunaka da mizli gar. 31Yesu a ɓa taŋ: «Kumo, soko silaŋ pal kum nga ɓuh, ɓa ki muskam vu neˀe.» Asi zigiduw haɗa, ara mam, ara soko, hã ti Yesu ati mizli ngi seˀeheye, a lumam haŋ ngi zuma gwata mata. 32Dar a cam palalam, a ram silaŋ pal taŋ nga ɓuh. 33Amma taŋ mawuɗ a ram kileŋ na, mizli a sinaka le, dar mizli a kilam ti sar tir walahayay gar, a ndilam a diga dumbuŋ ar taŋ.
34Yesu mabo tir palalama, keɗ na, zigiduw sikiniy. ˀIrcece a gaŋ haɗi ti taŋ, asi taŋ kaɓa tumuŋ manja mijiginey. Dar a zla, a dubuna taŋ gwatay haɗi. 35Hiikuɗ a ji le si, mizli ngisi Yesuhoy a kirohoko ng'avi Yesu, a ɓakaŋ: «Ani hiikuɗ a ji le si, yo hana i ɓuh. 36Waha mizli ɓa a ram ng'ar prokoy ati walahay migweˀ gweˀhey na, ɓa ara hiɗikam gwat ngi zum.» 37Amma naŋ a mbiɗa taŋ di: «Kum vuna, vulaka taŋ gwat ngi zum vuna sini!» Taŋ a ɓakaŋ: «Ki wuɗ i ra hiɗikoko ɗaf ngi gabal skat cuw#6.37 Gabal pal i migir ngi mbur pal asi slra ngi hiipas wãˀ , i vulaka taŋ di ngi zumo kwa?» 38Yesu a ɓa taŋ: «Kum ti ɗaf kite ka? Ara purakaŋ.» Taŋ mupuraka na, a ɓakaŋ: «Peŋ zlum, waɗ kilif cuw.» 39Dar a ɓa taŋ ɓa a cifaka mizli ndac ndac ar giziŋ mutukuzo. 40A cifam ti jobbol, mizli skat skat, yo kukur zlum kukur zlum. 41Dar Yesu a hila ɗaf muzlum ati kilif cuw tuwa, a zuɓa hiri nga muŋ, a ɗuwul mi, a ngila ɗafahay tuwa, a vula taŋ da mizli ngi seˀeheye, ɓa a vulaka da mizli, yo a wunka kilif mucuw tuwa da mizli gara ma. 42Taŋ gar a zumam hã a mbam. 43Joˀ a cikilaka is ngi ɗaf ati kilif mubulngus bulngusoyo, gadagar caɓ caɓ kuruˀ nga cuw. 44Mizli muzumama, ziley a gam gwat ngi durmuk zlum.
Yesu muru ti sar a hirnga yam
(Yo pura Mat 14.22-33; Zaŋ 6.15-21)
45Neˀ a dirba Yesu muwaha zigiduwo na, a tikaˀay da mizli ngi seˀeheye, ɓa a cam palalam, a cohom dumbuŋ angi naŋ nga dubazaw a Betsayda. 46A dirba naŋ muɓula taŋ na, naŋ, aru nga muwã ɓa a dirdibiɗi. 47Hiikuɗ miji na, naɓa palalama naŋ a wuzla yam, misi a ruwuyo, i naŋ pal naŋ. 48A pura taŋ na, ara kiɗam vu ngi ru ti palalama, himiɗe jik angi taŋ. Ng'avi miprik na, a so ng'avi taŋ ti sar njiraŋ njiraŋ a hirnga yama, hã a wuɗo pula taŋ a dirba. 49Ti taŋ mupuraka naŋ maru ti sar a hirnga yama na, a waka kaɓa i musuɗuk ngi mbur mumuca, dar a zlaka widi cǝruw cǝruw. 50Asi taŋ gar a puraka le, a muɗa taŋ didak le haɗa. Amma Yesu a ɓa taŋ kutum: «Tusom didak! Ki zluwunam ta, i ya!» 51A ci ng'avi taŋ a hur palalama, himiɗ a cici kiŋ. A zuma hirnga le da mizli ngi seˀeheye haɗi. 52Asi mike na, a slaka wala ngi cekene ngi ɗaf na ta, hirnga taŋ gidaŋ.
Yesu mumbul misi jijihey tir vay Zenezarete
(Yo pura Mat 14.34-36)
53A dirba taŋ mutuwuɗama, a ndilam ar hirwuy Zenezaret. 54Taŋ muboko put si na, mizli a sinaka Yesu le si. 55Mizli micinam le, Yesu naŋ aka gar na, a bulaka hirwuyo gar, a zuɓoko misi jijiheye ti cacalahay. 56Li naŋ mici le anga gar, angi walahay ati walahay madiɗahay waɗ prokoy gar na, a soko ti misi jiji taŋhaya ng'ar li ngi luuma, a tumbuloko Yesu, ɓa a pula misi jijihey a wusaka mi ngi zana naŋ si. Muwus naŋhay gar na, a mbulom le.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.