OZE 14
14
1Samariheye, sey a wurkaka slikiɗa ɓi taŋ avu Buymisemuŋ na.
A sa kiɗaka taŋ vagay vagay ti maslalam,
a sa kirpaka ziri gaza taŋhaya asi sar,
yo a sa ngiraka kwacay ngi ngwas misi ti huroyo.
Mizli miteŋteŋ tahay mumbulom
2Israyel, mawa ng'avu Bumbulvuŋ Buymisemuŋ ɗike so,
ka maru tiɗam tiɗam na, asi gwat malambaˀ ɗik vuna.
3Moko ng'avu Bumbulvuŋ,
ɓakaŋ:
«Gwat malambaˀ ndra migaka gar na, puya ndra taŋ avra,
gwat mezle ndrahay na, tiɓa taŋ.
Ar deɗe ngi mikuli ti gusoŋhoy na,
ndr'i vulukuw mingiɓi ngi balam ndra.
4Asiri anta a laha ndra gu ta,
ndr'anta sa jiɗam ar pilise ta,
yo da gwat ndra migaka taŋ le ti haŋ ndra na, ndr'anta sa ɓam: ‹i Buymisemuŋ ndra ta›,
asi ka na, a puraka ircece da mutuhu tisi ka.»
5Bumbulvuŋ a ɓi na:
«Israyeleye, i sa ɗiya taŋ avu gi teŋteŋ taŋ ta na,
i sa wuɗa taŋ kuy kuy,
asi ji mevel ɗu mufõh fõh na, anta ngar naŋ mata.
6Vur Israyele, i sa tiri kaɓa wulngar,
naŋ a sa fuyuk kaɓa matay,
yo a sa dir virzi kaɓa widisey mingiriɗ a Libaŋ.
7Mihaŋ naŋhay a sa sikam,
a sa tiram kuy teˀ kaɓa widis tutumbur,
yo zĩˀĩ naŋ, kaɓa zĩˀĩ ngi widis mingiriɗ a Libaŋ.
8Mizli mipam zleˀe a susuɗuk naŋ, a sa moko a muŋ,
a sa hufam alkamari,
a sa sikam kaɓa gudubun,
yo slimiɗ naŋ a sa zil ti mezle kaɓa slimiɗ ngi mbaazla ngi Libaŋ.
9Efrayim! Gwat majumiy ya ati kulihey ada maka?
Maziluw mi ar diradibiɗ ɗik, yo maki slimiɗ ar ka, i ya.
Ya tum tukuf tukuf, kaɓa widis Sipre.
Maga ɓa ki gam sifi, i ya.»
10Misi ti sinmijileŋ
zliv ngi sli wala ngi gwat hanayna, i waka?
Yo misi lesl zliv ngi si na taŋ gu, i waka?
Gisiŋ, jiviɗ ngi Bumbulvuŋhoyo taŋ cir cir,
mizli mijeŋŋehey a sa rudigam ar taŋ,
amma mislikiɗa ɓihey, sar a sa ba taŋ.
Currently Selected:
OZE 14: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
OZE 14
14
1Samariheye, sey a wurkaka slikiɗa ɓi taŋ avu Buymisemuŋ na.
A sa kiɗaka taŋ vagay vagay ti maslalam,
a sa kirpaka ziri gaza taŋhaya asi sar,
yo a sa ngiraka kwacay ngi ngwas misi ti huroyo.
Mizli miteŋteŋ tahay mumbulom
2Israyel, mawa ng'avu Bumbulvuŋ Buymisemuŋ ɗike so,
ka maru tiɗam tiɗam na, asi gwat malambaˀ ɗik vuna.
3Moko ng'avu Bumbulvuŋ,
ɓakaŋ:
«Gwat malambaˀ ndra migaka gar na, puya ndra taŋ avra,
gwat mezle ndrahay na, tiɓa taŋ.
Ar deɗe ngi mikuli ti gusoŋhoy na,
ndr'i vulukuw mingiɓi ngi balam ndra.
4Asiri anta a laha ndra gu ta,
ndr'anta sa jiɗam ar pilise ta,
yo da gwat ndra migaka taŋ le ti haŋ ndra na, ndr'anta sa ɓam: ‹i Buymisemuŋ ndra ta›,
asi ka na, a puraka ircece da mutuhu tisi ka.»
5Bumbulvuŋ a ɓi na:
«Israyeleye, i sa ɗiya taŋ avu gi teŋteŋ taŋ ta na,
i sa wuɗa taŋ kuy kuy,
asi ji mevel ɗu mufõh fõh na, anta ngar naŋ mata.
6Vur Israyele, i sa tiri kaɓa wulngar,
naŋ a sa fuyuk kaɓa matay,
yo a sa dir virzi kaɓa widisey mingiriɗ a Libaŋ.
7Mihaŋ naŋhay a sa sikam,
a sa tiram kuy teˀ kaɓa widis tutumbur,
yo zĩˀĩ naŋ, kaɓa zĩˀĩ ngi widis mingiriɗ a Libaŋ.
8Mizli mipam zleˀe a susuɗuk naŋ, a sa moko a muŋ,
a sa hufam alkamari,
a sa sikam kaɓa gudubun,
yo slimiɗ naŋ a sa zil ti mezle kaɓa slimiɗ ngi mbaazla ngi Libaŋ.
9Efrayim! Gwat majumiy ya ati kulihey ada maka?
Maziluw mi ar diradibiɗ ɗik, yo maki slimiɗ ar ka, i ya.
Ya tum tukuf tukuf, kaɓa widis Sipre.
Maga ɓa ki gam sifi, i ya.»
10Misi ti sinmijileŋ
zliv ngi sli wala ngi gwat hanayna, i waka?
Yo misi lesl zliv ngi si na taŋ gu, i waka?
Gisiŋ, jiviɗ ngi Bumbulvuŋhoyo taŋ cir cir,
mizli mijeŋŋehey a sa rudigam ar taŋ,
amma mislikiɗa ɓihey, sar a sa ba taŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.