DANIYEL 3
3
Buy mupula jiviɗ ngi huruk huruk a mbuŋ gwat mipa ti ɓiri tapasl tapasl
1Nabukodonozor buy madiɗa a pi kuli ti ɓiri tapasl tapasl. Gil naŋ nga muŋ, metir kukur makir, sliprik naŋ, metir makir. Joˀ a ɓa mizli a ng'aka kaˀ ar li micay ngi Dura, hirwuy ngir li Babiloŋ miwa. 2Nabukodonozor buy madiɗa, a slin ng'avi mizli micawwahay, miji kaway, buy miwi lihey, mukuta vuhoy, miji birtetehey, migi kiitahay, buyoy waɗ migi slra ngir li buy miwi li miwa gar, ɓa a soko nga gi muguzlum ngi kuli naŋ mipa ti ɓiri tapasl tapasl tuwa. 3Joˀ madiɗa ngi mizli micawwahay, miji kaway, buy miwi lihey, buy miwi lihey, mukuta vuhoy, miji zlilihey, migi kiitahay, buyoy waɗ migi slra ngir li buy miwi li miwa gar, a kusom ngi gi muguzlum ngi kuli Nabukodonozor buy madiɗa mipa ti ɓiri tapasl tapasl tuwa. A cicam dedeŋ a ciki kuli vuna. 4Buy ɓi ngi muguzlumo, a til mi ti gidaŋ, a ɓi: «Kum mizli gar, kum sukwi ngi mizli miwal walay, kum maɓam ti mi wal walay, cinam ɓi maɓukum di ani: 5‹ˀAy ngi tulum, ngi bozloro, ngi garaya, ngi gujuvur, ngi kããku, ngi fugum ati ngi gwat ngi dunguroy gar na, da kum misa cinam le cin na, ki hurukom huruk huruk, yo ki huruk hurukam a mbuŋ kuli mipa ti ɓiri tapasl tapasl, buy ɓi micica deŋ tuwa. 6Ko wa gar misa huruk ta, yo misa huruk huruk a mbuŋ naŋ ta na, a sa hizigaka wurenna ng'ar vu munjulili.›»
7Akẽh na, mizli gar, sukwihey ati mizli maɓam mi wal walay gar micinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy gar cin sina, a hurukom huruk huruk, a huruk hurukam a mbuŋ kuli ngi Nabukodonozor buy madiɗa ɓi micica tuwa.
Ngama ngi Daniyeley mindiram teŋteŋ avu Buymisemuŋ
8Neˀ a dirba naŋ si na, Babiloŋhoy cah a soko, a wudam ti Yudeheye. 9A ɓaka buy madiɗa Nabukodonozoro: «Aw buy! Anja Bumbulvuŋ a juw hutuŋ subur. 10Kumani, ka vuna ti haŋ ɗike, ki ɓa le ɗaˀ le: ‹ˀAy ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, mbur gar micina le cin na, a huruk, a huruk huruk a mbuŋ gwat mipa ti ɓiri tapasl tapasl na. 11Yo ko wa gar misa huruk ta, yo misa huruk huruk a mbuŋ naŋ ta na, a sa hizigaka ng'ar vu munjulili.› 12Na kumani, ti Sadrak, Mesak ati Abet-Nego, gawla Yudehey, ka muvula taŋ Babiloŋ ɓa a waka tuwa, a kam slimiɗ ar mingiɓi ɗike ta. Tˀanta cinam mi da kuli ɗikeye ta, t'anta hurkom a mbuŋ gwat mipa ti ɓiri tapasl tapasl, ka ɓi micica deŋ na ta.» 13Nabukodonozor a ji mevel fõh fõh, a ɓa mizli, a soko ti Sadrak, Mesak ati Abet-Nego. A ram taŋ nga mbuŋ buyo. 14Nabukodonozor a ɓa taŋ: «Sadrak, Mesak ati Abet-Nego, kum macinaka mi da kuli ɗuwoy ta, yo kuli, ya mipa ti ɓiri tapasl tapasl na, kum mahuruk hurukam a mbuŋ naŋ ta na, naŋ kasl kwa? 15Na wurenna, kum masa cinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, ki juwam vu le ɓa kisa hurukom, yo kisa huruk hurukam a mbuŋ kuli ya mipa ti ɓiri tapasl tapasl tuwa muduba sukwa? Da ki huruk hurukam a mbuŋ naŋ ta na, i sa hizigukum ng'ar vu matiɓi giw giw. Ko kuli masa luhukum tisi haŋ ɗu anta.» 16Sadrak, Mesak ati Abet-Nego a ɓaka buyo: «Aw Nabukodonozor ɗu, vur ɓi nah, ndr'anta ti may ngi mbuɗukuw di ko neˀ ta. 17Aw buy ɗu! Da Buymisemuŋ, ndra magam slra naŋ na, a laha ndra gu na, anja a sa laha ndra tir vu munjulili vuna waɗ tisi haŋ ɗike ma. 18Aw buy ɗu! Sina sin le, da ko a ngum ta kwana, ndr'anta sa cinaka mi da kuli ɗikeye ta, yo ndr'anta sa huruk hurukam a mbuŋ kuli ka mipa ti ɓiri tapasl tapasl, ka ɓi micica deŋ na ta ma.» 19Akẽh na, Nabukodonozor a zuɓ himaˀ fõh fõh. Mihiri naŋ a mbiɗi avu ti Sadrak, Mesak ati Abet-Nego. A ɓa mizli, a ɗiyaka vu giw giw, hã a funa maɗiyaka zleˀe makaw tarnaˀ. 20A ɓa mizli gambara ngi wuzla soje naŋhaya, a juwaka ti Sadrak, Mesak ati Abet-Nego, ɓa a hizigaka taŋ ng'ar vu munjulili tuwa. 21A juwaka taŋ jom ti sirla taŋhay, zana taŋhay waɗ jiiku taŋhaya. Dar a hizigaka taŋ nga a wuzla vu munjulili tuwa. 22Ar nah na, mingiɓi misiɓaŋ siɓaŋ ngi buy waɗ miɗiyaka vu giw giw haɗa tuwa, mizli mikaka ti Sadrak, Mesak ati Abet-Nego ng'ara vuna, irne ngi vu a kiɗa taŋ sunok. 23Amma ti Sadrak, Mesak ati Abet-Nego makir taŋ, a ndilam, mujuwa le lugudoŋ lugudoŋ ng'ar vu.
Mizli ngamahay makir milaham tir vu mihilɓiɓ
24Nabukodonozor buy madiɗa a cine na, ara zlam dimisi. A zumaŋ hirnga le, a slikiɗ badam. Joˀ a zla a ɓa mukuti vu naŋhaya: «Ndra mihizigam ng'ar vu na, i mizli makir mujuwahay kaˀ kaˀ le tuwa takwa?» Mizli a mbiɗakaŋ di: «Haˀaw buy madiɗa, naŋ kanah.» 25Buy a ɓa taŋ ma: «Ani mana, yi pur mizli mufaɗ manja juwoy, ara laˀam a wuzla vu, ko waˀa neˀ avu taŋ anta. Mumufaɗ taŋ a bam vu ati mbur muso ti muŋ.» 26Dar Nabukodonozor a girjih ng'avi mi ngi vu munjulili tuwa, a ɓi: «Sadrak, Mesak ati Abet-Nego migi slra ngi Buymisemuŋ mimadiɗa, boko, soko!» Dar ti Sadrak, Mesak ati Abet-Nego a boko ti wuzla vu. 27Mizli micawwahay, miji kaway, buy miwi lihey, mukuta vu ngi buyoy a kusom cek. A puraka mizli muboko tir vu tuwa, ko vu kukuɗuslo taŋ neˀ ta, himac ngi hirnga taŋ a wur neˀ le ta, yo vu a ja mi neˀ le avu zana taŋhaya ta, yo zĩˀĩ ngi vu anta avu taŋ ta ma. 28Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle. 29Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.» 30Akẽh na, buy a vula li cifi mezle da ti Sadrak, Mesak waɗ Abet-Nego a Babiloŋ.
Buy Nabukodonozor mumusuwun ngi mucuw naŋ: widis madiɗa
31Nabukodonozor madiɗa a ɓa mizli gar, sukwihey ati mizli maɓam mi miwal walay misi asi ruwuy kurzuˀ gar: anja ki ndiram zuy zuy muwãˀ naŋ! 32«Gwatay mabigam gwat ati gwat migam ɗaˀ tahay, Buymisemuŋ Mimadiɗa wãˀ gwat gar migiy di na, a giy kuyyo ngi njika ɓi naŋ.
33Gwat naŋhay mabigam gwata, taŋ madiɗa haɗa,
gwat naŋhay ngi zuma hirnga, a fini gidaŋ le,
zumabuy naŋ, i zumabuy ngi sete,
yo zumabuy naŋ madiɗa naŋ vur dideˀ vur dideˀe.
Currently Selected:
DANIYEL 3: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
DANIYEL 3
3
Buy mupula jiviɗ ngi huruk huruk a mbuŋ gwat mipa ti ɓiri tapasl tapasl
1Nabukodonozor buy madiɗa a pi kuli ti ɓiri tapasl tapasl. Gil naŋ nga muŋ, metir kukur makir, sliprik naŋ, metir makir. Joˀ a ɓa mizli a ng'aka kaˀ ar li micay ngi Dura, hirwuy ngir li Babiloŋ miwa. 2Nabukodonozor buy madiɗa, a slin ng'avi mizli micawwahay, miji kaway, buy miwi lihey, mukuta vuhoy, miji birtetehey, migi kiitahay, buyoy waɗ migi slra ngir li buy miwi li miwa gar, ɓa a soko nga gi muguzlum ngi kuli naŋ mipa ti ɓiri tapasl tapasl tuwa. 3Joˀ madiɗa ngi mizli micawwahay, miji kaway, buy miwi lihey, buy miwi lihey, mukuta vuhoy, miji zlilihey, migi kiitahay, buyoy waɗ migi slra ngir li buy miwi li miwa gar, a kusom ngi gi muguzlum ngi kuli Nabukodonozor buy madiɗa mipa ti ɓiri tapasl tapasl tuwa. A cicam dedeŋ a ciki kuli vuna. 4Buy ɓi ngi muguzlumo, a til mi ti gidaŋ, a ɓi: «Kum mizli gar, kum sukwi ngi mizli miwal walay, kum maɓam ti mi wal walay, cinam ɓi maɓukum di ani: 5‹ˀAy ngi tulum, ngi bozloro, ngi garaya, ngi gujuvur, ngi kããku, ngi fugum ati ngi gwat ngi dunguroy gar na, da kum misa cinam le cin na, ki hurukom huruk huruk, yo ki huruk hurukam a mbuŋ kuli mipa ti ɓiri tapasl tapasl, buy ɓi micica deŋ tuwa. 6Ko wa gar misa huruk ta, yo misa huruk huruk a mbuŋ naŋ ta na, a sa hizigaka wurenna ng'ar vu munjulili.›»
7Akẽh na, mizli gar, sukwihey ati mizli maɓam mi wal walay gar micinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy gar cin sina, a hurukom huruk huruk, a huruk hurukam a mbuŋ kuli ngi Nabukodonozor buy madiɗa ɓi micica tuwa.
Ngama ngi Daniyeley mindiram teŋteŋ avu Buymisemuŋ
8Neˀ a dirba naŋ si na, Babiloŋhoy cah a soko, a wudam ti Yudeheye. 9A ɓaka buy madiɗa Nabukodonozoro: «Aw buy! Anja Bumbulvuŋ a juw hutuŋ subur. 10Kumani, ka vuna ti haŋ ɗike, ki ɓa le ɗaˀ le: ‹ˀAy ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, mbur gar micina le cin na, a huruk, a huruk huruk a mbuŋ gwat mipa ti ɓiri tapasl tapasl na. 11Yo ko wa gar misa huruk ta, yo misa huruk huruk a mbuŋ naŋ ta na, a sa hizigaka ng'ar vu munjulili.› 12Na kumani, ti Sadrak, Mesak ati Abet-Nego, gawla Yudehey, ka muvula taŋ Babiloŋ ɓa a waka tuwa, a kam slimiɗ ar mingiɓi ɗike ta. Tˀanta cinam mi da kuli ɗikeye ta, t'anta hurkom a mbuŋ gwat mipa ti ɓiri tapasl tapasl, ka ɓi micica deŋ na ta.» 13Nabukodonozor a ji mevel fõh fõh, a ɓa mizli, a soko ti Sadrak, Mesak ati Abet-Nego. A ram taŋ nga mbuŋ buyo. 14Nabukodonozor a ɓa taŋ: «Sadrak, Mesak ati Abet-Nego, kum macinaka mi da kuli ɗuwoy ta, yo kuli, ya mipa ti ɓiri tapasl tapasl na, kum mahuruk hurukam a mbuŋ naŋ ta na, naŋ kasl kwa? 15Na wurenna, kum masa cinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, ki juwam vu le ɓa kisa hurukom, yo kisa huruk hurukam a mbuŋ kuli ya mipa ti ɓiri tapasl tapasl tuwa muduba sukwa? Da ki huruk hurukam a mbuŋ naŋ ta na, i sa hizigukum ng'ar vu matiɓi giw giw. Ko kuli masa luhukum tisi haŋ ɗu anta.» 16Sadrak, Mesak ati Abet-Nego a ɓaka buyo: «Aw Nabukodonozor ɗu, vur ɓi nah, ndr'anta ti may ngi mbuɗukuw di ko neˀ ta. 17Aw buy ɗu! Da Buymisemuŋ, ndra magam slra naŋ na, a laha ndra gu na, anja a sa laha ndra tir vu munjulili vuna waɗ tisi haŋ ɗike ma. 18Aw buy ɗu! Sina sin le, da ko a ngum ta kwana, ndr'anta sa cinaka mi da kuli ɗikeye ta, yo ndr'anta sa huruk hurukam a mbuŋ kuli ka mipa ti ɓiri tapasl tapasl, ka ɓi micica deŋ na ta ma.» 19Akẽh na, Nabukodonozor a zuɓ himaˀ fõh fõh. Mihiri naŋ a mbiɗi avu ti Sadrak, Mesak ati Abet-Nego. A ɓa mizli, a ɗiyaka vu giw giw, hã a funa maɗiyaka zleˀe makaw tarnaˀ. 20A ɓa mizli gambara ngi wuzla soje naŋhaya, a juwaka ti Sadrak, Mesak ati Abet-Nego, ɓa a hizigaka taŋ ng'ar vu munjulili tuwa. 21A juwaka taŋ jom ti sirla taŋhay, zana taŋhay waɗ jiiku taŋhaya. Dar a hizigaka taŋ nga a wuzla vu munjulili tuwa. 22Ar nah na, mingiɓi misiɓaŋ siɓaŋ ngi buy waɗ miɗiyaka vu giw giw haɗa tuwa, mizli mikaka ti Sadrak, Mesak ati Abet-Nego ng'ara vuna, irne ngi vu a kiɗa taŋ sunok. 23Amma ti Sadrak, Mesak ati Abet-Nego makir taŋ, a ndilam, mujuwa le lugudoŋ lugudoŋ ng'ar vu.
Mizli ngamahay makir milaham tir vu mihilɓiɓ
24Nabukodonozor buy madiɗa a cine na, ara zlam dimisi. A zumaŋ hirnga le, a slikiɗ badam. Joˀ a zla a ɓa mukuti vu naŋhaya: «Ndra mihizigam ng'ar vu na, i mizli makir mujuwahay kaˀ kaˀ le tuwa takwa?» Mizli a mbiɗakaŋ di: «Haˀaw buy madiɗa, naŋ kanah.» 25Buy a ɓa taŋ ma: «Ani mana, yi pur mizli mufaɗ manja juwoy, ara laˀam a wuzla vu, ko waˀa neˀ avu taŋ anta. Mumufaɗ taŋ a bam vu ati mbur muso ti muŋ.» 26Dar Nabukodonozor a girjih ng'avi mi ngi vu munjulili tuwa, a ɓi: «Sadrak, Mesak ati Abet-Nego migi slra ngi Buymisemuŋ mimadiɗa, boko, soko!» Dar ti Sadrak, Mesak ati Abet-Nego a boko ti wuzla vu. 27Mizli micawwahay, miji kaway, buy miwi lihey, mukuta vu ngi buyoy a kusom cek. A puraka mizli muboko tir vu tuwa, ko vu kukuɗuslo taŋ neˀ ta, himac ngi hirnga taŋ a wur neˀ le ta, yo vu a ja mi neˀ le avu zana taŋhaya ta, yo zĩˀĩ ngi vu anta avu taŋ ta ma. 28Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle. 29Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.» 30Akẽh na, buy a vula li cifi mezle da ti Sadrak, Mesak waɗ Abet-Nego a Babiloŋ.
Buy Nabukodonozor mumusuwun ngi mucuw naŋ: widis madiɗa
31Nabukodonozor madiɗa a ɓa mizli gar, sukwihey ati mizli maɓam mi miwal walay misi asi ruwuy kurzuˀ gar: anja ki ndiram zuy zuy muwãˀ naŋ! 32«Gwatay mabigam gwat ati gwat migam ɗaˀ tahay, Buymisemuŋ Mimadiɗa wãˀ gwat gar migiy di na, a giy kuyyo ngi njika ɓi naŋ.
33Gwat naŋhay mabigam gwata, taŋ madiɗa haɗa,
gwat naŋhay ngi zuma hirnga, a fini gidaŋ le,
zumabuy naŋ, i zumabuy ngi sete,
yo zumabuy naŋ madiɗa naŋ vur dideˀ vur dideˀe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.