KORENTIHEY MUCUW NAŊ 2
2
1Yi juwa a mevel ɗu na, y'anta sa mi ngi hay kumo, ɓa ngi vulukum ndurɓo hiri mata. 2Naŋ kine, da i ra ga ɓa ki ndurɓom hiri na, masa giy ɓa i mumul i wa aruŋ maka? Sey i mbur ya migaŋ ɓa a nduruɓ hiri vuna a muŋ takwa? 3Da ani, i ndil le zleˀe na, naɓa mizli zliv anja zleˀe, a vulikiy mumul jak na, a sa vulikiy ndurɓo hiri. Ya mutuhukum ɗerewol na hĩˀĩ ngi tika ɓi nah. I si na le gisiŋ wãˀ, da ya mira mumul na, naɓa kum gar ki ra mumulom aya. 4Haˀaw, ya mutuhukum ɗerewol nah na, ti bonoy ati lik haɗa a mevele, yo hã ti tuwuy kol kol a hiri ma. Anta ɓa ki ndurɓom hiri ta ɓula, amma ɓa ki sinaka, y'ada wuɗukum haɗi.
Pula mungra ngi mbur miga le
5Da mbur a gi gwat ngi vula gir le da mbur na, a ga da ya ta, amma a vul di i gir da kum gar. Malla da i ɓam tororo nga mbuŋ ta na, a vul di i gir da mizli cah wuzla kumo ɓula. 6Mbur misi kanah na, anja vendeke ngi mizli ngir jum kumo, a mbiɗakaŋ hirnga. 7Wurenna so na, gakaŋ mezle muduba so, yo tislakaŋ mevele, ɓa a lum ndurɓo hiri mifineˀ gidaŋ, masa zizaŋ njaha hiri naŋ na ta. 8Ma na, ambuh kum, gakaŋ gwat ɓa a pura, ki ra wuɗakaŋ. 9Naŋ kine, ya mutuhukum ɗerewol na hĩˀĩ, ɓa i juɗukum, ɓa i si na da kum ada ki cinam mi wãˀ gisiŋ kwana. 10Mbur kum mupulakaŋ mungra naŋ le na, ya kwana, i pulaŋ di aya. Da ya mupula mungra ngi mburo le, da ya mulum jiviɗ le ɓa i ga na, i ga vur kum, yo a mbuŋ Kristu, 11ɓa Satan a ga ndra gilaw ta. Asi i sinaka wuluk naŋ le kuy kuy.
Pol milik a Trowas
12Ti ya mindil a Trowas ɓa ngi tila mi ti Ɓimezle ngi Kristu, i pura na, Bumbulvuŋ a wuniy miviŋ le baŋ ngi gi slra. 13Amma i lik le haɗa, asi i luuma sukum ɗu Tite ta. Ya mimbiɗa taŋ mi, i ru nga Maseduwan na vurˀeŋ.
Luma bugawla mbele Yesu Kristu
14Amma sise da Buymisemuŋ, asi ara ru ti ndra ndrehhe ɓa i lumam bugawla mbele ndra mujom ati Kristu. A gi ti ndra ɓa i bigaka Kristu, ɓa mizli a sinaka ar li gar, ka zĩˀĩ ngi urdi mandih ar li gar. 15Asi mike na, avu Buymisemuŋ, ndr'i zĩˀĩ mundum ngi Kristu, vur mizli muroko ar jiviɗ ngi lih ati muroko zizama ma gar. 16Avi mizli mazizamaya, i zĩˀĩ ngi muc maru ti mbur ng'ar mucu. Avu mizli malahamaya, i zĩˀĩ ngi siifa maru ti mbur ng'ar siifa. Mandila gi slra hana gu, i waka? 17Asi ndr'anta kaɓa mizli mekelemey haɗi magam terere ti mingiɓi ngi Buymisemuŋ na ta. Ndra maɓam njah na, a mihiri ngi Buymisemuŋ, ar ndra mujom ati Kristu, asi i Buymisemuŋ mislino ndra.
Currently Selected:
KORENTIHEY MUCUW NAŊ 2: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
KORENTIHEY MUCUW NAŊ 2
2
1Yi juwa a mevel ɗu na, y'anta sa mi ngi hay kumo, ɓa ngi vulukum ndurɓo hiri mata. 2Naŋ kine, da i ra ga ɓa ki ndurɓom hiri na, masa giy ɓa i mumul i wa aruŋ maka? Sey i mbur ya migaŋ ɓa a nduruɓ hiri vuna a muŋ takwa? 3Da ani, i ndil le zleˀe na, naɓa mizli zliv anja zleˀe, a vulikiy mumul jak na, a sa vulikiy ndurɓo hiri. Ya mutuhukum ɗerewol na hĩˀĩ ngi tika ɓi nah. I si na le gisiŋ wãˀ, da ya mira mumul na, naɓa kum gar ki ra mumulom aya. 4Haˀaw, ya mutuhukum ɗerewol nah na, ti bonoy ati lik haɗa a mevele, yo hã ti tuwuy kol kol a hiri ma. Anta ɓa ki ndurɓom hiri ta ɓula, amma ɓa ki sinaka, y'ada wuɗukum haɗi.
Pula mungra ngi mbur miga le
5Da mbur a gi gwat ngi vula gir le da mbur na, a ga da ya ta, amma a vul di i gir da kum gar. Malla da i ɓam tororo nga mbuŋ ta na, a vul di i gir da mizli cah wuzla kumo ɓula. 6Mbur misi kanah na, anja vendeke ngi mizli ngir jum kumo, a mbiɗakaŋ hirnga. 7Wurenna so na, gakaŋ mezle muduba so, yo tislakaŋ mevele, ɓa a lum ndurɓo hiri mifineˀ gidaŋ, masa zizaŋ njaha hiri naŋ na ta. 8Ma na, ambuh kum, gakaŋ gwat ɓa a pura, ki ra wuɗakaŋ. 9Naŋ kine, ya mutuhukum ɗerewol na hĩˀĩ, ɓa i juɗukum, ɓa i si na da kum ada ki cinam mi wãˀ gisiŋ kwana. 10Mbur kum mupulakaŋ mungra naŋ le na, ya kwana, i pulaŋ di aya. Da ya mupula mungra ngi mburo le, da ya mulum jiviɗ le ɓa i ga na, i ga vur kum, yo a mbuŋ Kristu, 11ɓa Satan a ga ndra gilaw ta. Asi i sinaka wuluk naŋ le kuy kuy.
Pol milik a Trowas
12Ti ya mindil a Trowas ɓa ngi tila mi ti Ɓimezle ngi Kristu, i pura na, Bumbulvuŋ a wuniy miviŋ le baŋ ngi gi slra. 13Amma i lik le haɗa, asi i luuma sukum ɗu Tite ta. Ya mimbiɗa taŋ mi, i ru nga Maseduwan na vurˀeŋ.
Luma bugawla mbele Yesu Kristu
14Amma sise da Buymisemuŋ, asi ara ru ti ndra ndrehhe ɓa i lumam bugawla mbele ndra mujom ati Kristu. A gi ti ndra ɓa i bigaka Kristu, ɓa mizli a sinaka ar li gar, ka zĩˀĩ ngi urdi mandih ar li gar. 15Asi mike na, avu Buymisemuŋ, ndr'i zĩˀĩ mundum ngi Kristu, vur mizli muroko ar jiviɗ ngi lih ati muroko zizama ma gar. 16Avi mizli mazizamaya, i zĩˀĩ ngi muc maru ti mbur ng'ar mucu. Avu mizli malahamaya, i zĩˀĩ ngi siifa maru ti mbur ng'ar siifa. Mandila gi slra hana gu, i waka? 17Asi ndr'anta kaɓa mizli mekelemey haɗi magam terere ti mingiɓi ngi Buymisemuŋ na ta. Ndra maɓam njah na, a mihiri ngi Buymisemuŋ, ar ndra mujom ati Kristu, asi i Buymisemuŋ mislino ndra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.