Tito 1
1
Uandajperata
1Ji Páblu, Diósïri jántspiri ka Jesukristueri uandankua pári, engani axanhaka Diósïri erakukatechani jakajkutarani ka mítetaraani imani enga ísïka ka enga sési jimbo jakajkukueka. 2Méntkisï anapu tsípekua mintsikaparini, engajtsïni Diósï aiacheka, enga no chkuándirajka, ka engatsïni ióntki aiachekia. 3Jimbosï iásï mítetarpeni jati imeri arhijtsïkperakua, enga Diósï juchari p'ímutanspiri jíndeni jinguni axaka.
4T'ú Títu, engari jucheti jakakukua jimbo jucheti uátsïtika, Diósïkini maiamunte ka sési jakuakini axache Diósï Táte ka Jesukristu juchari p'ímutantspiri.
Títueri ánchekorheta
5Engakini Kréta jurajkuka, eskari sési péntapiringa ambe enga nósesi nirani jaka, ka eskari achamasï urhejtsïkurichani erakuantaapiringa, eskakikini na juramucheka; 6imani eraku enga nómbema arhikua jukaka, eska no tsimani témbechani káuaka, ka eskaksï uájpecha jakajkutiuaka, ka nóksï ambema xémenhani eskaksï nósesi ambe úriska, ka eskaksï no arhiparhatanhaaka eskaksï no kurhandireska. 7Jimboka uétarhesïnga eska tátecheri urhejtsïkuri nómbema arhikua jukaaka, enga Diósïri ambe patsaranhaaka; eska no k'éramakorheriuaka, eska no kauicheuaka, eska no uarhipitiuaka, eska no tumina kíchakuani andakata jimbo káneranhchaaka, 8sánderu sáni eska sési eropeaka, eska sési ambe xénhchaaka, eska sési eratsekua kámaaka, eska jurhenaaka terujkani anhaxurhini, eska p'amojkpitiuaka, eska kaxumbeaka, ka eska jurhenaaka p'íngukorheni, 9eska janhanharhiaka aiangperakuani ísï eskachi na jurhendanhaka, jimboka ísï jámani úaka máteruechani sési jurhendaani ka úni andakorheani imechani engaksï jima ménderueni arhini jarhajka.
Néna káani imechani engaksï támisï janhastpejka
10Jimbokaksï uáneskia no kurhandirecha engaksï ísku ambe ma uandajka ka engaksï tandochpejka, sánderuksïa ima engaksï mínda jukakueri ambe uandaparini jámka 11Uétarhesïndi xárhatichani kuámukuani jimbokaksï iámendu márku k'umanchakuarhu anapuechani ísku ambe ma inchajtsïtasïnga tumina erarhukuparini.
12Arhijtsïkpiri ma, jima Kréta anapu imecheri iretarhu anapuechani arhiaspti: Kréta anapuechaksï méntkisï chkuándirasïndi, nóksï ambarhasti, kánhachanksï t'iresïndi ka xépestiksï. 13Ka isïsti, jimborisï uinhamendu xukauaka ka ísï jámanksï sési jakajkuati, 14nóksï ísku úndani judiouecheri uandantskuechani ka néuejkiri juramukuechani kurhauani jarhani. 15Iámendu pímbinhasï ambe pímbinhaxesti, imecheri jimbo ne enga pímbinhaxeka, ka ne enga chkuándireka ka enga no jakajkukujka, imeri jimbo nómbema pímbinhaxesti; ka imeri uarhikua ka imeri eratsekua jamberi jáxesti 16Diósïnksï uandasïndi míteni, ka k'óruksï jángua jimbo no jiókorhesïndi, nósesiksï jámsïndi ka nóksï kurhandirasti, ka nóksï ambema úsïndi sési úni.
Currently Selected:
Tito 1: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.