Romanos 3
3
1¿Andi ambechkamendu sánderu ambesïnki judioueni? ¿Andi ambe marhuasïnki mínda jukani? 2Iámendu ambe jimbo kánekua ambesti. Sánderu sáni jimbokaksï judiouecha mintsïkanhaska patsaranhani Diósïri uandakuani. 3Ka engaksï máru no mintsikueka ¿Andi imecheri jimbo k'amakurhia enga Diósï aiakuatini jáka? 4No ísïsti, Diósï k'óru májku ambe uandasïndi, nájkiruka k'uiripu chkuándireka, jimbosï karakata arhijti:
“Chéti uandakua jimbori kaxumbeska
ka ekaksïni útacheaka, t'úri andakuaka.”
5Ka eka juchari nósesi jángua marhuajka xarhatani ambe enga Diósï uéjka. ¿Andi jiájkanchi úaia parhakpeni anapueni eratseni ka arhini, eska Diósï no támisï jámsïnga engajtsïni ikimejka? 6Méntku nósanichi úaka ísï arhini, jimboka enga ísïpiringa, ¿Andi nénateru Diósï terujkani anhaxurhia parhakpeni anapuechani arhinharhikuani?
7Ka engani ji chkuándireka, ka ísï jámani úni eska Diósïri ambe sánderu sési xarharaka, ¿Andisïni útasï k'amanharhiranhantani jaki? 8Márujtsïni arhinharikuxati eskanhani jucha jurhentpexaka, eska sésiska méntku nósesi irekania. Indeksï k'óru ikimenhaati engaksï ísï eratsejka.
Nónema kaxumbesti.
9¿Néna jaki jimajkani? ¿Andi jucha judiouecha sánderu k'éri ambeski? ¡Nóchka ambe! Arhiskaksïnia eska judiouecha ka no judiouecha májkuenichi k'amanharhintstiska. 10Eska karakata na arhijka:
“Nónema k'amak'amasï kaxumbitisti,
méntku nónema;
11Nónema kurhandirasïndi;
nónema jirinhantasïndi Diósïni.
12Iámu támisï ninhastia,
márku tsînchekorhenhastia;
Nónema sési ambe úsïndi,
méntku nónema.
13Arhirperakua ambejkuksï uandasïndi,
tandojchpesïndiksï,
ka nósesiksï útspesïndi
akuitseri kuechendaksï jatachasti.
14Kurhurjasïksï jámasïndi.
15Ka uiriakorhesïndiksï atajpenhchani.
16Iámu ambeksï xeretspepasïndi
ka kómu pakatpepasïndiksï.
17Noksï jurhenasti sési pájperaparini irekani.
18Nóksï sáni chénharhisïndi Diósïni.”
19Míteskachi k'óru eska, ambe enga juramukua arhijpejka, imechanisï arhiani jaka enga karakata juramukuajka, ka nónema úati uandakorheni jarhani jimboka Diósï terujkani anhaxurhiaka arhinharhikpeni, 20jimboka Diósïni japarini no nema kaxumbeska juramukuani kurhandirakuparini; jimboka juramukua k'amanharhintskua ambejkusï mítetarpejka.
Jesukristunisï uétarhejti mintsikani
21Ka iásïa, juramukuani támu péraparini, xarharastia ambe engamendu Diósï uéjka, enga juramukua ka Diósïri uandaricha arhijpempka; 22Diósï uékaxati eska iámenduecha engaksï jakajkujka, Jesukristuni jimboksï kaxumbentaaka. Nani uéjki anapuenhani, 23jimboka iámu k'amanharhinhantaska, ka Diósïri t'íntskuani nóteru nema exesïndia, 24ka ima kóntpesti maiamperakuani, imani kéjtsïtakua jimbo enga Krístu Jesusi kéjtsïtaka. 25Diósï exerpestia nénasï eratsetini japi, Jesusini maiampetarantasti ka k'uanisïndi mintsikani eska imasï uárhipka. Xani ióni no ikimpesti k'amanharhintskuechani jimbo, 26jimboka ima xáni tekantskua kámsïnga, ka iásï exerpestia nénasï uéjki. Jimboka ima kaxumbeska, ka kaxumbiti exesïndi néni enga Jesusini jakajkujka. 27Ka ¿Nénateruchisï k'éramakorheaia? Méntkuchi nóteru úakia arhikorheni jarhani ¿Andi náki juramukua o úkua xáni sési marhuaski? Méntku nóma, imajkusï marhuajti enga Diósïni jakajkuaka. 28Jánhaskaxakachkachi eska jakajkukua jimbo kaxumbenhantasïnga; ka no arhisïndi náxani kurhandirakusïni juramukuani o náxani ambe sési úsïnki.
29¿Andi Diósï judiouecherijkueski? ¿Andi máteru iretecharhu no Diósïski? Máteru iretecherijtu Diósïsti, 30jimboka Diósï májkueska. Ka kaxumbitini xéati néni enga Krístuni mintsikaaka; mínda jukarichani ka no mínda jukarichani. 31¿Jimajkanchi úa Krístuni jakajkutini arhini eska juramukua nóteru jukaparhakueskia? ¡Nóchka ambe! Ísï jámanchi juramukuani sánderu jukaparharaxaka eska Krístuni.
Currently Selected:
Romanos 3: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Romanos 3
3
1¿Andi ambechkamendu sánderu ambesïnki judioueni? ¿Andi ambe marhuasïnki mínda jukani? 2Iámendu ambe jimbo kánekua ambesti. Sánderu sáni jimbokaksï judiouecha mintsïkanhaska patsaranhani Diósïri uandakuani. 3Ka engaksï máru no mintsikueka ¿Andi imecheri jimbo k'amakurhia enga Diósï aiakuatini jáka? 4No ísïsti, Diósï k'óru májku ambe uandasïndi, nájkiruka k'uiripu chkuándireka, jimbosï karakata arhijti:
“Chéti uandakua jimbori kaxumbeska
ka ekaksïni útacheaka, t'úri andakuaka.”
5Ka eka juchari nósesi jángua marhuajka xarhatani ambe enga Diósï uéjka. ¿Andi jiájkanchi úaia parhakpeni anapueni eratseni ka arhini, eska Diósï no támisï jámsïnga engajtsïni ikimejka? 6Méntku nósanichi úaka ísï arhini, jimboka enga ísïpiringa, ¿Andi nénateru Diósï terujkani anhaxurhia parhakpeni anapuechani arhinharhikuani?
7Ka engani ji chkuándireka, ka ísï jámani úni eska Diósïri ambe sánderu sési xarharaka, ¿Andisïni útasï k'amanharhiranhantani jaki? 8Márujtsïni arhinharikuxati eskanhani jucha jurhentpexaka, eska sésiska méntku nósesi irekania. Indeksï k'óru ikimenhaati engaksï ísï eratsejka.
Nónema kaxumbesti.
9¿Néna jaki jimajkani? ¿Andi jucha judiouecha sánderu k'éri ambeski? ¡Nóchka ambe! Arhiskaksïnia eska judiouecha ka no judiouecha májkuenichi k'amanharhintstiska. 10Eska karakata na arhijka:
“Nónema k'amak'amasï kaxumbitisti,
méntku nónema;
11Nónema kurhandirasïndi;
nónema jirinhantasïndi Diósïni.
12Iámu támisï ninhastia,
márku tsînchekorhenhastia;
Nónema sési ambe úsïndi,
méntku nónema.
13Arhirperakua ambejkuksï uandasïndi,
tandojchpesïndiksï,
ka nósesiksï útspesïndi
akuitseri kuechendaksï jatachasti.
14Kurhurjasïksï jámasïndi.
15Ka uiriakorhesïndiksï atajpenhchani.
16Iámu ambeksï xeretspepasïndi
ka kómu pakatpepasïndiksï.
17Noksï jurhenasti sési pájperaparini irekani.
18Nóksï sáni chénharhisïndi Diósïni.”
19Míteskachi k'óru eska, ambe enga juramukua arhijpejka, imechanisï arhiani jaka enga karakata juramukuajka, ka nónema úati uandakorheni jarhani jimboka Diósï terujkani anhaxurhiaka arhinharhikpeni, 20jimboka Diósïni japarini no nema kaxumbeska juramukuani kurhandirakuparini; jimboka juramukua k'amanharhintskua ambejkusï mítetarpejka.
Jesukristunisï uétarhejti mintsikani
21Ka iásïa, juramukuani támu péraparini, xarharastia ambe engamendu Diósï uéjka, enga juramukua ka Diósïri uandaricha arhijpempka; 22Diósï uékaxati eska iámenduecha engaksï jakajkujka, Jesukristuni jimboksï kaxumbentaaka. Nani uéjki anapuenhani, 23jimboka iámu k'amanharhinhantaska, ka Diósïri t'íntskuani nóteru nema exesïndia, 24ka ima kóntpesti maiamperakuani, imani kéjtsïtakua jimbo enga Krístu Jesusi kéjtsïtaka. 25Diósï exerpestia nénasï eratsetini japi, Jesusini maiampetarantasti ka k'uanisïndi mintsikani eska imasï uárhipka. Xani ióni no ikimpesti k'amanharhintskuechani jimbo, 26jimboka ima xáni tekantskua kámsïnga, ka iásï exerpestia nénasï uéjki. Jimboka ima kaxumbeska, ka kaxumbiti exesïndi néni enga Jesusini jakajkujka. 27Ka ¿Nénateruchisï k'éramakorheaia? Méntkuchi nóteru úakia arhikorheni jarhani ¿Andi náki juramukua o úkua xáni sési marhuaski? Méntku nóma, imajkusï marhuajti enga Diósïni jakajkuaka. 28Jánhaskaxakachkachi eska jakajkukua jimbo kaxumbenhantasïnga; ka no arhisïndi náxani kurhandirakusïni juramukuani o náxani ambe sési úsïnki.
29¿Andi Diósï judiouecherijkueski? ¿Andi máteru iretecharhu no Diósïski? Máteru iretecherijtu Diósïsti, 30jimboka Diósï májkueska. Ka kaxumbitini xéati néni enga Krístuni mintsikaaka; mínda jukarichani ka no mínda jukarichani. 31¿Jimajkanchi úa Krístuni jakajkutini arhini eska juramukua nóteru jukaparhakueskia? ¡Nóchka ambe! Ísï jámanchi juramukuani sánderu jukaparharaxaka eska Krístuni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.