Job 1
1
Satanni ge Joba ra ǃâitsâ
1Job ti ǀon hâ aob ge Usǃhūb#1:1 Usǃhūb: Nē ǃhūb ge mâpa ǁgoe is ge ǂansa tama hâ. ǃnâ ge ǁan hâ i. Nē aob ge ǂnao-o tsî ǂhauǃnâ ge i, tsî Eloba ǃaoǃgâ tsî ǂkhababa ge ǁkhan hâ i. 2ǁÎb ge hû ǀgôagu tsî ǃnona ǀgôadi tsîna ge ǁorabahe. 3ǁÎb ge hûǀoadisi gūn, ǃnonaǀoadisi ǃnain, ǀguiǀoadisi goman, korokaidisi dâukin tsî ǁkhāti kaise ǂgui ǃgān tsîna ge ūhâ i. Job ge aiǂoas khoen ǃnâ kaise ǃkhū tsî ge mâǂoa hâ i aoba.
4ǁÎb ôagu ge ǃēde ra māguse ǁîgu omdi tawa ǁâudīga gere dī tsî mâ ǃnās hoasa ǁîgu ǃnona ǃgâsade gere ǁkhauǂui, ǁîgu ǀkha di nî ǂû tsî āse. 5ǁNāti ī ǁâudīgu khaoǃgâ ra sao ǁgoas aib ge Joba ǃnauǁgoaga khâimâ tsî ǀgôan âba ǂgaiǀkhī tsî mâ-i hoa-i nî ǃanuǃanuhese, khauǁguibade gere ǁguiba. ǁÎb ge ǁîb ôan ge ǀnîsi ǁore tsî Elob ǃoagu ǂhanu tama gowaba sîsenū tib gere ǂâi xui-ao mâǁaeb hoaba nēti ī ǁguibasa gere dī.
6ǀGuitsēn ge ǀhomǃgāna ǃKhūb aiǃâ sī ge mâ, Satanni#1:6 Satanni: ǀHomsi kurusabeb; ǁîb ǀons ge khoen gere ǁîba khoesib di khākhoeb ase ǃgapaǀî ǃkhaisa ra ǁgauǂui. tsîn ge ǁîn ǁaegu ge hâ i.#Gen. 6:2 7Ob ge ǃKhūba Satanna ge dî: “Mâpa xūts satsa ra hā?”
Ob ge Satanna ge ǃeream: “Tita ge ǃhūbaib ai nēpas, naupas ti gere hâma.”
8 ǃKhūb ge ǃaruǀî Satanna ge dî: “Ti ǃgāb Joba ǃgaoǃgâts ge? ǁÎb khami ǂnao-o tsî ǂhauǃnâ khoe-i, Eloba ǃaoǃgâ tsî ǂkhababa ǁkhan hâ-i ge ǃhūbaib ai a ǀkhai.”
9Satanni ge ge ǃeream: “Jobi ge satsa xub ra ǃkhōǃoan ǃaroma ǀgui satsa ra ǀgoreǀî.#ǂHai. 12:10 10Hoaǁaets ge satsa ǁîb, ǁîb omaris tsî ūhâxūn hoana hoa ǀkhāga xu gere ǁkhauba. ǁÎb ǃomkha di sîsenats ge ge ǀkhae tsîb ge ǁîb ǂgariba hoaraga ǃhūba go ǀoa. 11Xawets ga satsa nēsi ūb hâ xūn hoan ǁîba ūǀhana, ob ge ǁîba satsa nî ǀgoe!”
12Ob ge ǃKhūba Satanni ǃoa ge mî: “Mû, Jobi ūhâxūn hoana ta ge sa ǀgaib ǃnâ ra māǁnâ, xawets ge ǁîb ǀguiba tsâǀkhā tide.” ǁNās khaoǃgâb ge Satanna ǃKhūb di aisa xu ge bē.
Jobi ôan tsî ǃkhūsib tsîn ra hîkākāhe
13ǀGuitsēn Jobi ôana ǁîn di kai ǃgâsab oms tawa ra ǁâudī, 14hîab ge sîsabeba Jobi tawa hā tsî ge mî: “Gomagu ǀkhab ge ǃhanaba goro ǃhūǃgaohe, tsîn ge dâukina ǁnāpa ǀgūse goro ǃûre. 15ǁNā ǁaeb ain ge Skebaǁîna#1:15 Skebaǁîna: ǀNarema ra ǁkhâuǁnâ-aon ǃhaos, ǃkhawagasǀkhāba xu hâs. ǁîna ǁnāǂam, ǁîna ū tsî ǃgāna gôab ǀkha go ǃgam. Tita ǀguita ge satsa ta nēsa hā nî mîbase go ûiǂoa.”
16ǁÎb ganupe ra ǃhoa, hîab ge ǀnî khoeba hā tsî ge mî: “Elob di ǀaeb ge ǀhomma xu ǁnā tsî gūn tsî ǃgān tsîn hoana go ǂhubiǂui. Tita ǀguita ge satsa ta nēsa hā nî mîbase go ûiǂoa.”
17ǁÎb ra ganupe ǃhoa hîab ge ǁkhawa ǀnî khoeba hā tsî ge mî: “ǃNona ǃgubidi ǃnân ge Xaldeaǁîna#1:17 Xaldeaǁîna: ǀNarema ra ǁkhâuǁnâ-aon ǃhaos, ǀapasǀkhāba xu hâs. ǀgoraǂgāgu tsî ǃnain hoana ǃnari tsî ǃgāna gôab ǀkha go ǃgamǂui. Tita ǀguita ge satsa ta nēsa hā nî mîbase go ûiǂoa.”
18ǁÎb ra ganupe ǃhoa hîab ge ǁkhawa ǀnî khoeba hā tsî ge mî: “Sa ôagu tsî ôadi tsîn ge ǁîn di kai ǃgâsab oms tawa ǂû tsî ǂauxûiba ra ā, 19hîas ge ǃnapetamase kai ǁgaoǂoasa ǃgaroǃhūb ǃnâ-u ǃkharu tsî hoa haka ǁhôadi oms dide ge tsâǀkhā, tsîs ge omsa ǁnā ǂkham khoen ai ǁnā tsîn ge ge ǁō. Tita ǀguita ge satsa ta nî nēsa hā mîbase ge ǃhū.”
20Ob ge Joba khâimâ tsî ǁîb saraba ge ǀkhau. ǁÎb danasa ǂkhom tsîb ge ais âb ǀkha ǃhūb ai ge ǁnāǁgoe. 21ǁÎb ge “ǀŌǀkhāse ta ge ti îs di ǃnāba xu ge hā, tsî ta ge ǀōǀkhāse ǁkhawa nî oa. ǃKhūb ge ge mā hâ i, tsîb ge ǃKhūba ǁkhawa ge ū-oa. As ǃKhūb di ǀonsa koahe!” 22Nē xūn hoan ǃnâb ge Joba ǁore tamas ka io Eloba ǀhapimā tama ge hâ i.
Currently Selected:
Job 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.