Lukab 3
3
Johaneb ǁĀǁnâ-aob di aoǁnâs
(Mateub 3:1-12; Markub 1:1-8; Johaneb 1:19-28)
1Nēs ge disikoroǀaǁî kurib Kaesar Tiberiub ǂgaeǂguis dib ǃnâ ge isa; Pontiub Pilatub ge Judeab di mûǂamao i tsîb ge Herodeb Antipaba Galileab di ǂgaeǂgui-ao i tsî ǁîb di ǃgâsab, Filipuba Itureab tsî Traxonitib tsîkha ǂgaeǂgui-ao i tsîb ge Lisaniaba ge Abileneb di ǂgaeǂgui-ao i. 2Annab tsî Kajafab tsîkha ge ge ǀgapiprister* i. ǁNā ǁaeb ǃnâs ge Elob di mîsa Saxariab ôab Johaneb tawa, ǃgaroǃhūb ǃnâ ge sī. 3Ob ge Johaneba hoaraga Jordanǃāb di ǀkharib ǃnâ ǃgû tsî gere aoǁnâ: “ǃHobasen î du ǁāǁnâhe, ob ge Eloba sadu ǁorena nî ǀûba du.” 4#Jes. 40:3-5Kēbo-aob Jesajab di ǂkhanis ǃnâ i xoahe hâse:
“Dommi ǂgai rab dib ge ǃgaroǃhūb ǃnâ hâ:
‘ǂHomi du re ǃKhūb di daoba,
î du ǁîb di daoga ǂhanuǂhanu!
5ǃGoaǃnāgu hoagu ge nî ǀgapiǀgapihe,
ǃnâugu tsî ǃhomgu hoagu ge nî ǂamǂamhe.
Gama daogu ge nî ǂhanuǂhanuhe,
tsî ǀkhoa daogu ge nî ǂhauǂhauhe.
6Tsîb ge hoaraga khoesiba
Elob di ǃgâiǃōsiba nî mû!’ ”
7 #
Mat. 12:34; 23:33 ǂNubis khoen ge ǁāǁnâhen nîse Johaneb ǁga ge hā, ob ge ǁîn ǃoa ge mî: “Sa ǀaodo, tari-e sado ge ǁgau, ǃgoaxa ǁkharaba du nî ǁhaixū ǃkhaisa? 8#Jhn. 8:33Sago ûiǀgaub ǀkha ǁgauǂui ǃhobasen go hâ ǃkhaisa. Î tā ǁî-aitsama mîtsoatsoa ‘Abrahamma da aboxa ǁgûse ūhâ’ ti. Mîba du ta ge ra Elob a ǁkhā tsîb nē ǀuina Abrahammi ôan ǃnâ a ǀkharaǀkhara ǁkhā ǃkhaisa! 9#Mat. 7:19ǃŌs ge ǀnai ǂhomisase hâ, haide ǃnomab tawa ǁhāǁnâs ǃaroma. Mâ hai-i hîa ǃgâi ǂû-e tani tama-i hoa-i ge ǁhāǂuihe tsî ǀaes ǃnâ nî aoǂgāhe.”
10On ge ǂnubis khoena ge dî bi: “Tare-e da ǁnâi nî dī?”
11Ob ge ge ǃeream: “ǀGam anasarakha ūhâ-i hoa-e, a i ūhâ tama-i ǀkha ǀgoragu tsî ǂûna ūhâ-i hoa-e a i ǁnās ǁkhāsa nî dī.”
12ǀNî ǁgui-aimariǃkhōǃoa-aogu* tsîn ge ǁāǁnâhe nîse hā tsî ge dî bi: “ǁKhāǁkhā-aotse, tare-e ge nî dī?”
13Ob ge ǁîgu ǃoa ge mî: “Tā mîmāhe hâs xa ǃnāsase ǂgaoǀkhā.”
14ǀNî toroǃkhamaogu tsîn ge gere dîǂuiǃnâ bi: “Tsî sige xa mâtis? Sige tare-e nî dīse i?”
Ob ge ǁîgu ǃoa ge mî: “Tā khoe-e ǀgaib ǃnâ mari-e ūǀhana tamas ka io ǂhumiǂgā-am, î sago ǃkhōǃoamaris ǀkha ǂkhî.”
15Tsî hoa khoen ge kai ǃâubasens ǀkha ǃâu tsî aitsama buru tsî ǂgaogu ân ǃnâ Johaneb ǀnîsi Xristu* tama ǃkhaisa gere dîsen. 16ǁNās aib ge Johaneba ǁîn hoan ǃoa ge mî: “Tita ge ǁgam-i ǀkha ra ǁāǁnâ du, xawe tita xa kaib ge ǃgoaxa, ǁîb di ǀkhapudi ǃhâuroga xores tsîna ta anu tamaba. ǁÎb ge ǃAnu Gagab tsî ǀaes tsîn ǀkha nî ǁāǁnâ du. 17ǁÎb ge ǀnupiǃoreb âba ǃomǁae ge ū, dāǃnâǃkhaib ǃnâ ǃhoroba ǀhōba xu ǀgora tsîb ǃhoroba ǃhorosâuǃnâ-ommi ǃnâ nî ǀhaoǀhaoga; xaweb ge ǀhōba khauhâhâ ra ǀaeb ǃnâ nî ǂhubiǂui.”
18ǂGui ǃkharagaǃnâgu ǀgaugu aib ge Johaneba ǁaesa ǃGâiǂhôasa aoǁnâba tsî gere ǁnama, în ǃhobasen. 19#Mat. 14:3-4; Mrk. 6:17-18Johaneb ge ǀgapi gao-aob Herodeb Antipaba ǀau tsî ge ǃkhâikhom, Herodias ǁîb ǃgâsab taras ǀkhab ge ǃgame ǃkhais tsî nau tsū xūn hîab gere dīn ǃaroma. 20Xawe Herodeb ge xūn hoan ǃgâ-ai tsū xū-e ge dī, Johaneba ǃkhō-oms ǃnâ ǂganamǂgās ǀkha.
Jesub di ǁāǁnâhes
(Mateub 3:13-17; Markub 1:9-11)
21Hoaraga khoen ge ǁāǁnâhes khaoǃgâb ge Jesub tsîna ge ǁāǁnâhe. Ganupeb ra ǀgore hîab ge ǀhomma ge ǁkhowa-amsen, 22#Gen. 22:2; Psa. 2:7; Jes. 42:1; Mat. 3:17; Mrk. 1:11; Luk. 9:35tsîb ge ǃAnu Gagaba sorosi īsib ǃnâ, ǂnabus khami ǁîb ai ge ǁgôaxa. ǁNātimîsi i ge dom-e ǀhomma xu ge mî: “Sats ge ti ǀnamǀnamsa ǀGôats, ǃgâiǃgâibasensa ta ūǃnâ hâtsa.”
Xristub surib di ǂgaekhâib
(Mateub 1:1-17)
23ǁAubexab ǃnonadisi kurixa hîab ge Jesuba ǁîb sîsengu ǀkha ge tsoatsoa.
Jesub ge Josefi ôab ase ge ǂansa i.
Josefi ge a Helib di ôa,
24tsî Helib ge Matati ôa.
Matati ge a Levib ôa,
tsî Leviba Melxib ôa.
Melxib ge a Janaib ôa,
tsî Janaiba Josefi ôa.
25Josefi ge a Matatiasi ôa,
tsî Matatiasi ge a Amob ôa.
Amob ge a Nahummi ôa,
tsî Nahumma Eslib ôa,
tsî Eslib ge Nagaib di ôa,
26Nagaib ge a Maafi ôa,
tsîb ge Maafa Matatiab ôa.
Matatiab ge a Semeinni ôa,
tsî Semeinna Josexi ôa,
tsîb ge Josexa a Jodab ôa.
27Jodab ge a Joananni ôa,
tsîb ge Joananna Resab ôa.
Resab ge a Serubabeli ôa,
tsîb ge Serubabela Sealtieli ôa.
Sealtieli ge a Nerib ôa,
28tsîb ge Neriba a Melxib ôa.
Melxib ge Adib ôa,
tsîb ge Adiba Kosammi ôa.
Kosammi ge a Elmadammi ôa,
tsîb ge Elmadamma Eri ôa.
29Eri ge a Josuab ôa,
tsîb ge Josuaba Elieseri ôa.
Elieseri ge a Jorimmi ôa,
tsîb ge Jorimma Matati ôa.
Matati ge a Levib ôa,
30tsîb ge Leviba Simeonni ôa.
Simeonni ge a Judab ôa,
tsîb ge Judaba Josefi ôa.
Josef ge a Jonammi ôa,
tsî Jonamma Eliakimmi di ôa.
31Eliakimmi ge a Meleab ôa,
tsîb ge Meleaba Menab ôa.
Menab ge a Matatab ôa,
tsîb ge Matataba Natanni ôa.
Natanni ge a Davidi ôa,
32tsîb ge Davida Isaib ôa.
Isaib ge a Obedi ôa,
tsîb ge Obeda Boasi ôa.
Boasi ge a Salmonni ôa,
tsîb ge Salmonna Nasonni ôa.
33Nasonni ge a Aminadab ôa,
tsîb ge Aminadaba Adminni ôa.
Adminni ge a Arnib ôa,
tsîb ge Arniba Hesronni ôa.
Hesronni ge a Peresi ôa,
tsîb ge Peresa Judab ôa.
34Judab ge a Jakob ôa,
tsîb ge Jakoba Isaki ôa.
Isaki ge a Abrahammi ôa,
tsîb ge Abrahamma Terab ôa.
Terab ge a Nahori ôa,
35tsîb ge Nahora Seruxi ôa.
Seruxi ge a Rehub ôa,
tsîb ge Rehuba Peleki ôa.
Peleki ge a Eberi ôa,
tsîb ge Ebera Salab ôa.
36Salab ge a Kainanni ôa,
tsîb ge Kainanna Arfaxadi ôa.
Arfaxadi ge a Semmi ôa,
tsîb ge Semma Noaxi ôa.
Noaxi ge a Lamexi ôa,
37tsîb ge Lamexa Metusalab ôa.
Metusalab ge a Henoxi ôa,
tsîb ge Henoxa Jaredi ôa.
Jaredi ge a Malaleli ôa,
tsîb ge Malalela Kainanni ôa.
38Kainanni ge a Enosi ôa,
tsîb ge Enosa Seti ôa.
Seti ge a Adammi ôa,
tsîb ge Adamma Elob ôa.
Currently Selected:
Lukab 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
Lukab 3
3
Johaneb ǁĀǁnâ-aob di aoǁnâs
(Mateub 3:1-12; Markub 1:1-8; Johaneb 1:19-28)
1Nēs ge disikoroǀaǁî kurib Kaesar Tiberiub ǂgaeǂguis dib ǃnâ ge isa; Pontiub Pilatub ge Judeab di mûǂamao i tsîb ge Herodeb Antipaba Galileab di ǂgaeǂgui-ao i tsî ǁîb di ǃgâsab, Filipuba Itureab tsî Traxonitib tsîkha ǂgaeǂgui-ao i tsîb ge Lisaniaba ge Abileneb di ǂgaeǂgui-ao i. 2Annab tsî Kajafab tsîkha ge ge ǀgapiprister* i. ǁNā ǁaeb ǃnâs ge Elob di mîsa Saxariab ôab Johaneb tawa, ǃgaroǃhūb ǃnâ ge sī. 3Ob ge Johaneba hoaraga Jordanǃāb di ǀkharib ǃnâ ǃgû tsî gere aoǁnâ: “ǃHobasen î du ǁāǁnâhe, ob ge Eloba sadu ǁorena nî ǀûba du.” 4#Jes. 40:3-5Kēbo-aob Jesajab di ǂkhanis ǃnâ i xoahe hâse:
“Dommi ǂgai rab dib ge ǃgaroǃhūb ǃnâ hâ:
‘ǂHomi du re ǃKhūb di daoba,
î du ǁîb di daoga ǂhanuǂhanu!
5ǃGoaǃnāgu hoagu ge nî ǀgapiǀgapihe,
ǃnâugu tsî ǃhomgu hoagu ge nî ǂamǂamhe.
Gama daogu ge nî ǂhanuǂhanuhe,
tsî ǀkhoa daogu ge nî ǂhauǂhauhe.
6Tsîb ge hoaraga khoesiba
Elob di ǃgâiǃōsiba nî mû!’ ”
7 #
Mat. 12:34; 23:33 ǂNubis khoen ge ǁāǁnâhen nîse Johaneb ǁga ge hā, ob ge ǁîn ǃoa ge mî: “Sa ǀaodo, tari-e sado ge ǁgau, ǃgoaxa ǁkharaba du nî ǁhaixū ǃkhaisa? 8#Jhn. 8:33Sago ûiǀgaub ǀkha ǁgauǂui ǃhobasen go hâ ǃkhaisa. Î tā ǁî-aitsama mîtsoatsoa ‘Abrahamma da aboxa ǁgûse ūhâ’ ti. Mîba du ta ge ra Elob a ǁkhā tsîb nē ǀuina Abrahammi ôan ǃnâ a ǀkharaǀkhara ǁkhā ǃkhaisa! 9#Mat. 7:19ǃŌs ge ǀnai ǂhomisase hâ, haide ǃnomab tawa ǁhāǁnâs ǃaroma. Mâ hai-i hîa ǃgâi ǂû-e tani tama-i hoa-i ge ǁhāǂuihe tsî ǀaes ǃnâ nî aoǂgāhe.”
10On ge ǂnubis khoena ge dî bi: “Tare-e da ǁnâi nî dī?”
11Ob ge ge ǃeream: “ǀGam anasarakha ūhâ-i hoa-e, a i ūhâ tama-i ǀkha ǀgoragu tsî ǂûna ūhâ-i hoa-e a i ǁnās ǁkhāsa nî dī.”
12ǀNî ǁgui-aimariǃkhōǃoa-aogu* tsîn ge ǁāǁnâhe nîse hā tsî ge dî bi: “ǁKhāǁkhā-aotse, tare-e ge nî dī?”
13Ob ge ǁîgu ǃoa ge mî: “Tā mîmāhe hâs xa ǃnāsase ǂgaoǀkhā.”
14ǀNî toroǃkhamaogu tsîn ge gere dîǂuiǃnâ bi: “Tsî sige xa mâtis? Sige tare-e nî dīse i?”
Ob ge ǁîgu ǃoa ge mî: “Tā khoe-e ǀgaib ǃnâ mari-e ūǀhana tamas ka io ǂhumiǂgā-am, î sago ǃkhōǃoamaris ǀkha ǂkhî.”
15Tsî hoa khoen ge kai ǃâubasens ǀkha ǃâu tsî aitsama buru tsî ǂgaogu ân ǃnâ Johaneb ǀnîsi Xristu* tama ǃkhaisa gere dîsen. 16ǁNās aib ge Johaneba ǁîn hoan ǃoa ge mî: “Tita ge ǁgam-i ǀkha ra ǁāǁnâ du, xawe tita xa kaib ge ǃgoaxa, ǁîb di ǀkhapudi ǃhâuroga xores tsîna ta anu tamaba. ǁÎb ge ǃAnu Gagab tsî ǀaes tsîn ǀkha nî ǁāǁnâ du. 17ǁÎb ge ǀnupiǃoreb âba ǃomǁae ge ū, dāǃnâǃkhaib ǃnâ ǃhoroba ǀhōba xu ǀgora tsîb ǃhoroba ǃhorosâuǃnâ-ommi ǃnâ nî ǀhaoǀhaoga; xaweb ge ǀhōba khauhâhâ ra ǀaeb ǃnâ nî ǂhubiǂui.”
18ǂGui ǃkharagaǃnâgu ǀgaugu aib ge Johaneba ǁaesa ǃGâiǂhôasa aoǁnâba tsî gere ǁnama, în ǃhobasen. 19#Mat. 14:3-4; Mrk. 6:17-18Johaneb ge ǀgapi gao-aob Herodeb Antipaba ǀau tsî ge ǃkhâikhom, Herodias ǁîb ǃgâsab taras ǀkhab ge ǃgame ǃkhais tsî nau tsū xūn hîab gere dīn ǃaroma. 20Xawe Herodeb ge xūn hoan ǃgâ-ai tsū xū-e ge dī, Johaneba ǃkhō-oms ǃnâ ǂganamǂgās ǀkha.
Jesub di ǁāǁnâhes
(Mateub 3:13-17; Markub 1:9-11)
21Hoaraga khoen ge ǁāǁnâhes khaoǃgâb ge Jesub tsîna ge ǁāǁnâhe. Ganupeb ra ǀgore hîab ge ǀhomma ge ǁkhowa-amsen, 22#Gen. 22:2; Psa. 2:7; Jes. 42:1; Mat. 3:17; Mrk. 1:11; Luk. 9:35tsîb ge ǃAnu Gagaba sorosi īsib ǃnâ, ǂnabus khami ǁîb ai ge ǁgôaxa. ǁNātimîsi i ge dom-e ǀhomma xu ge mî: “Sats ge ti ǀnamǀnamsa ǀGôats, ǃgâiǃgâibasensa ta ūǃnâ hâtsa.”
Xristub surib di ǂgaekhâib
(Mateub 1:1-17)
23ǁAubexab ǃnonadisi kurixa hîab ge Jesuba ǁîb sîsengu ǀkha ge tsoatsoa.
Jesub ge Josefi ôab ase ge ǂansa i.
Josefi ge a Helib di ôa,
24tsî Helib ge Matati ôa.
Matati ge a Levib ôa,
tsî Leviba Melxib ôa.
Melxib ge a Janaib ôa,
tsî Janaiba Josefi ôa.
25Josefi ge a Matatiasi ôa,
tsî Matatiasi ge a Amob ôa.
Amob ge a Nahummi ôa,
tsî Nahumma Eslib ôa,
tsî Eslib ge Nagaib di ôa,
26Nagaib ge a Maafi ôa,
tsîb ge Maafa Matatiab ôa.
Matatiab ge a Semeinni ôa,
tsî Semeinna Josexi ôa,
tsîb ge Josexa a Jodab ôa.
27Jodab ge a Joananni ôa,
tsîb ge Joananna Resab ôa.
Resab ge a Serubabeli ôa,
tsîb ge Serubabela Sealtieli ôa.
Sealtieli ge a Nerib ôa,
28tsîb ge Neriba a Melxib ôa.
Melxib ge Adib ôa,
tsîb ge Adiba Kosammi ôa.
Kosammi ge a Elmadammi ôa,
tsîb ge Elmadamma Eri ôa.
29Eri ge a Josuab ôa,
tsîb ge Josuaba Elieseri ôa.
Elieseri ge a Jorimmi ôa,
tsîb ge Jorimma Matati ôa.
Matati ge a Levib ôa,
30tsîb ge Leviba Simeonni ôa.
Simeonni ge a Judab ôa,
tsîb ge Judaba Josefi ôa.
Josef ge a Jonammi ôa,
tsî Jonamma Eliakimmi di ôa.
31Eliakimmi ge a Meleab ôa,
tsîb ge Meleaba Menab ôa.
Menab ge a Matatab ôa,
tsîb ge Matataba Natanni ôa.
Natanni ge a Davidi ôa,
32tsîb ge Davida Isaib ôa.
Isaib ge a Obedi ôa,
tsîb ge Obeda Boasi ôa.
Boasi ge a Salmonni ôa,
tsîb ge Salmonna Nasonni ôa.
33Nasonni ge a Aminadab ôa,
tsîb ge Aminadaba Adminni ôa.
Adminni ge a Arnib ôa,
tsîb ge Arniba Hesronni ôa.
Hesronni ge a Peresi ôa,
tsîb ge Peresa Judab ôa.
34Judab ge a Jakob ôa,
tsîb ge Jakoba Isaki ôa.
Isaki ge a Abrahammi ôa,
tsîb ge Abrahamma Terab ôa.
Terab ge a Nahori ôa,
35tsîb ge Nahora Seruxi ôa.
Seruxi ge a Rehub ôa,
tsîb ge Rehuba Peleki ôa.
Peleki ge a Eberi ôa,
tsîb ge Ebera Salab ôa.
36Salab ge a Kainanni ôa,
tsîb ge Kainanna Arfaxadi ôa.
Arfaxadi ge a Semmi ôa,
tsîb ge Semma Noaxi ôa.
Noaxi ge a Lamexi ôa,
37tsîb ge Lamexa Metusalab ôa.
Metusalab ge a Henoxi ôa,
tsîb ge Henoxa Jaredi ôa.
Jaredi ge a Malaleli ôa,
tsîb ge Malalela Kainanni ôa.
38Kainanni ge a Enosi ôa,
tsîb ge Enosa Seti ôa.
Seti ge a Adammi ôa,
tsîb ge Adamma Elob ôa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.