Galateǁîn 3
3
Xristub* ǃnâ ǂgoms tamas ka io ǂHanuba ǁnâuǀnams
1Sa ǁnâuǃāoǃnâ Galateǁîdo! Amase du kom ǃgaiǃgamhe hâo. Kaise ǂhaisase tsî ǃgāsase ta kom Jesub Xristub, ǃgâuhaib* ai ge ǁōba ge mâi-aiǃâ duo. 2ǀGui xū-e ta ge sado xu ra ǂan ǂgao: ǃAnu Gagaba du kha Moseb ǂhanuba* ǁnâuǀnams ǃnâ-u tamas ka io ǃGâiǂhôasa ǁnâu tsî ǂgoms ǃnâ-u ge ǃkhōǃoa? 3Tare xū-i ǃaroma du kha nēti a ǁnâuǃāoǃnâ? ǂGuro du ge ǃAnu Gagab ai gere ǂgomǃgâ, xawe du ge nēsi sadu di khoesi ǀgaib ǀguib ai ǂhanu-ai kaisensa ra ǂgomǃgâ. 4Nēsa īǁkhās a, xū-i ama tama du ge nētikō ǂgui ǃâitsâga mâǃkharusa? Nēs ge ǁaudommi ai ī tama hâ i ǃkhaisa ta ge ra ǂgom. 5Sadu ge ǂHanuba ǁnâuǀnam xui-aosa, Elob ge ǁîb di Gagaba mā du tsî buruxa dīna a dīsa? Hî-î, nē xūnab ge ge dī sadu ge ǃGâiǂhôasa ǁnâu tsî a ǂgom xui-ao.
6 #
Gen. 15:6; Rom. 4:3 Abrahammi ǀkhas tsîna i ge ǁnāti ge ī. “ǁÎb ge Elob ǃnâ ǂgom, tsî ǁîb di ǂgoms ǃaroma ge ǂhanu-ai kaihe” 7#Rom. 4:16Nēs ǃnâ da ra mû ǃkhais ge, ǁnān hîa ra ǂgomn amase Abrahammi di suriba xu hâsa. 8#Gen. 12:3Tsîs ge Xoasa ǀnai ge aimûǀgaru Elob nî Jodeǁî taman* tsîna ǂgoms ǃnâ-u ǂhanu-ai kai ǃkhaisa. ǁNā-amagab ge Eloba ǀnai ǃGâiǂhôasa Abrahamma nēti ge aoǁnâba: “Sats ǃnâ di ge ǃhūbaib di ǁaedi hoade nî ǀkhaehe.” 9ǁNā-amagan ge ǁnān hîa Abrahammi ge ǂgom khami ra ǂgomna ǁîb ǁkhāb khami ra ǀkhaehe.
10 #
Deu. 27:26
ǂHanuba ǁnâuǀnams ai ra ǂgomaiǂnûin hoan ge ǀâxareb ǃnaka ûi hâ, Xoas nēti ra mî xui-ao: “ǂHanub di ǂkhanis ǃnâ xoahe hâ xūn hoana ga ǁnâuǀnam tama i khoe-i ge nî ǀâxarexūhe!” 11#Hab. 2:4Nēsa xu a ǃgāsas ge, khoe-i xare-i Elob aiǃâ ǂHanub ǃnâ-u a ǂhanu-ai kaihe ǁoa ǃkhaisa. Xoas ra mî xui-ao: “Elob ǀkha ǂgoms ǃnâ-u ǂhanu-ai kaihe hâ khoe-i ǀgui-i ge nî ûi.” 12#Lev. 18:5ǂHanub ge ǂgomsa xu hâ tama hâ, ǁnā-amagas ge Xoasa ra mî: “ǂHanub ra mî khami ra dī khoe-i ge ǁîba xu nî ûi.”
13 #
Deu. 21:23
Sada ǂHanub di ǀâxareba xu ǃnoraǃnoras ǃaromab ge Xristuba ǁî-aitsama sada ǀâxareba ǁîb ai ge ū, nētis Xoasa ra mî xui-ao: “Haib ai ǂgāmâihe hâ-i hoa-i ge ǀâxarexūsa.” 14Xristub Jesub ge nēsa ge dī, Jodeǁî taman nî Elob ge Abrahamma mîmâiba ǀkhaeba ǃkhōǃoase, ǂgoms ǃnâ-u da nî Elob ge mîmâiba da Gagaba ǃkhōǃoase.
ǂHanub tsî Elob di mîmâis
15ǃGâsado, khoesi ûib ǃoa da ga kō: ǀGam khoen ga ǃgaeǀhao-e a xoaǃgao, os ge ǁnāti ī mîǀguisa khoe-i xa ǃaruǀî khôahe tamas ka io xū-i xare-e ǀkharaǀkharahe tide. 16Elob ge ǁîb di mîmâisa Abrahammi tsî ǁîb di surib ǀkha ge dī. Xoas ǃnâ i ge “surigu” ti ǂguiǀnōb ǃnâ xoahe tama i tsî ǀguiǀnōb ǃnâ “surib” ti ǀgui xoasa hîa ǀgui khoeb, Xristub xa ǀgui ra ǂâibasensa. 17#Eks. 12:40Nēs ǀkha ta ra ǂâibasens ge: Elob ge Abrahammi ǀkha ǃgaeǀhaosa dī tsî ǁîsab nî dīǀoaǀoa ǃkhaisa ge mîmâi. Tsîb ge hakakaidisiǃnonadisi kurixa ǂHanuba, Elob ge ǀnai mîmâi ǃgaeǀhaosa a ǁauǁau ǁoa. Nēs nî hana īs ka, os nî mîmâisa khôahe xui-ao. 18#Rom. 4:14ǀUmis ga ǂHanuba xu hâ hâ, os ge ǃaruǀî mîmâisa xu hâ tama hâ. Xawe ǁîb di mîmâisa xus ge Elob ge ǁîb ǀkhomma Abrahamma a māsa.
19Tare-i ǃaromab ǂHanuba ǁnâi hâ? Mîmâisa ge dībahe hâ i surib di ǃûǂamdi ǃaromas ge. Tsîb ge ǂhanuba ǀhomǃgān ǃnâ-u ge māhe, tsî ǁaegumâ-ao-e ge ǂgomǃgâhe. 20Xawe ǀgui khoe-i ǀgui-i ǃaroma i ge ǁaegumâ-ao-e ǂhâbasa tama hâ, Elob ge ǀguri sîsen xui-ao Abrahammi ǀkhab ge mîǀguisa a dīo.
ǂHanub di ǃaromas
21O i kha ǂHanub Elob mîmâidi ǃoagu mâ ti ra ǂâibasen? Tātsē! ǂHanub ga ûiba mā hâ, ob kom ǂHanuba Elob ǀkha ga ǂhanu-ai kai da hâo. 22Xawes ge Xoasa ra mî, hoaraga ǃhūbaib ǁoreb di ǀgaib xa ǃkhōsis ǃnâ ūhe hâ ǃkhaisa; Jesub Xristub ǃnâ hâ ǂgoms di mîmâis nî ǁnān hîa ǁîb ǃnâ ra ǂgomna māhese.
23Xawe nē ǂgoms nî hās aiǃâb ge ǂHanuba ǃkhōsis ǃnâ ge ū da hâ i, ǂgoms ge ǂhaiǂhaihes kōse. 24Tsî ǁnā ǀgaus ai da ge Xristub di hās kōse ǂHanub di gaosis ǃnaka ge hâ i, Xristub ǃnâ hâ ǂgoms ǃnâ-u da Elob ǀkha nî ǂhanu-ai kaihese. 25Xawe nēsis go Xristub ǃnâ hâ ǂgomsa hā, o da ge ǃaruǀî ǂHanub di gaosis ǃnâ hâ tama.
26ǁNā-amaga du ge hoado Xristub Jesub ǃnâ hâ ǂgoms ǃnâ-u a Elob ôa. 27ǁNān hîa Xristub ǃnâ ge ǁāǁnâhen hoan ge Xristub di ûib ǀkha ge anahe. 28ǁNā-amaga i ge ǃaruǀî ǃkharagagusi-i xare-e ǀkhai Jodeǁîn tsî Grikeǁîn ǁaegu, khobon tsî ǃnorasan ǁaegu, aorekhoeb tsî tarekhoes ǁaegu; hoadu Xristub Jesub ǃnâ a ǀgui xui-ao. 29#Rom. 4:13Tsî Xristub didu a xui-ao, du ge a Abrahammi di suri tsî du ge hoaraga ǀkhaegu Elob diga nî ǀumi, Elob ge Abrahammi ǀkha dī mîmâis ǃaroma.
Currently Selected:
Galateǁîn 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
Galateǁîn 3
3
Xristub* ǃnâ ǂgoms tamas ka io ǂHanuba ǁnâuǀnams
1Sa ǁnâuǃāoǃnâ Galateǁîdo! Amase du kom ǃgaiǃgamhe hâo. Kaise ǂhaisase tsî ǃgāsase ta kom Jesub Xristub, ǃgâuhaib* ai ge ǁōba ge mâi-aiǃâ duo. 2ǀGui xū-e ta ge sado xu ra ǂan ǂgao: ǃAnu Gagaba du kha Moseb ǂhanuba* ǁnâuǀnams ǃnâ-u tamas ka io ǃGâiǂhôasa ǁnâu tsî ǂgoms ǃnâ-u ge ǃkhōǃoa? 3Tare xū-i ǃaroma du kha nēti a ǁnâuǃāoǃnâ? ǂGuro du ge ǃAnu Gagab ai gere ǂgomǃgâ, xawe du ge nēsi sadu di khoesi ǀgaib ǀguib ai ǂhanu-ai kaisensa ra ǂgomǃgâ. 4Nēsa īǁkhās a, xū-i ama tama du ge nētikō ǂgui ǃâitsâga mâǃkharusa? Nēs ge ǁaudommi ai ī tama hâ i ǃkhaisa ta ge ra ǂgom. 5Sadu ge ǂHanuba ǁnâuǀnam xui-aosa, Elob ge ǁîb di Gagaba mā du tsî buruxa dīna a dīsa? Hî-î, nē xūnab ge ge dī sadu ge ǃGâiǂhôasa ǁnâu tsî a ǂgom xui-ao.
6 #
Gen. 15:6; Rom. 4:3 Abrahammi ǀkhas tsîna i ge ǁnāti ge ī. “ǁÎb ge Elob ǃnâ ǂgom, tsî ǁîb di ǂgoms ǃaroma ge ǂhanu-ai kaihe” 7#Rom. 4:16Nēs ǃnâ da ra mû ǃkhais ge, ǁnān hîa ra ǂgomn amase Abrahammi di suriba xu hâsa. 8#Gen. 12:3Tsîs ge Xoasa ǀnai ge aimûǀgaru Elob nî Jodeǁî taman* tsîna ǂgoms ǃnâ-u ǂhanu-ai kai ǃkhaisa. ǁNā-amagab ge Eloba ǀnai ǃGâiǂhôasa Abrahamma nēti ge aoǁnâba: “Sats ǃnâ di ge ǃhūbaib di ǁaedi hoade nî ǀkhaehe.” 9ǁNā-amagan ge ǁnān hîa Abrahammi ge ǂgom khami ra ǂgomna ǁîb ǁkhāb khami ra ǀkhaehe.
10 #
Deu. 27:26
ǂHanuba ǁnâuǀnams ai ra ǂgomaiǂnûin hoan ge ǀâxareb ǃnaka ûi hâ, Xoas nēti ra mî xui-ao: “ǂHanub di ǂkhanis ǃnâ xoahe hâ xūn hoana ga ǁnâuǀnam tama i khoe-i ge nî ǀâxarexūhe!” 11#Hab. 2:4Nēsa xu a ǃgāsas ge, khoe-i xare-i Elob aiǃâ ǂHanub ǃnâ-u a ǂhanu-ai kaihe ǁoa ǃkhaisa. Xoas ra mî xui-ao: “Elob ǀkha ǂgoms ǃnâ-u ǂhanu-ai kaihe hâ khoe-i ǀgui-i ge nî ûi.” 12#Lev. 18:5ǂHanub ge ǂgomsa xu hâ tama hâ, ǁnā-amagas ge Xoasa ra mî: “ǂHanub ra mî khami ra dī khoe-i ge ǁîba xu nî ûi.”
13 #
Deu. 21:23
Sada ǂHanub di ǀâxareba xu ǃnoraǃnoras ǃaromab ge Xristuba ǁî-aitsama sada ǀâxareba ǁîb ai ge ū, nētis Xoasa ra mî xui-ao: “Haib ai ǂgāmâihe hâ-i hoa-i ge ǀâxarexūsa.” 14Xristub Jesub ge nēsa ge dī, Jodeǁî taman nî Elob ge Abrahamma mîmâiba ǀkhaeba ǃkhōǃoase, ǂgoms ǃnâ-u da nî Elob ge mîmâiba da Gagaba ǃkhōǃoase.
ǂHanub tsî Elob di mîmâis
15ǃGâsado, khoesi ûib ǃoa da ga kō: ǀGam khoen ga ǃgaeǀhao-e a xoaǃgao, os ge ǁnāti ī mîǀguisa khoe-i xa ǃaruǀî khôahe tamas ka io xū-i xare-e ǀkharaǀkharahe tide. 16Elob ge ǁîb di mîmâisa Abrahammi tsî ǁîb di surib ǀkha ge dī. Xoas ǃnâ i ge “surigu” ti ǂguiǀnōb ǃnâ xoahe tama i tsî ǀguiǀnōb ǃnâ “surib” ti ǀgui xoasa hîa ǀgui khoeb, Xristub xa ǀgui ra ǂâibasensa. 17#Eks. 12:40Nēs ǀkha ta ra ǂâibasens ge: Elob ge Abrahammi ǀkha ǃgaeǀhaosa dī tsî ǁîsab nî dīǀoaǀoa ǃkhaisa ge mîmâi. Tsîb ge hakakaidisiǃnonadisi kurixa ǂHanuba, Elob ge ǀnai mîmâi ǃgaeǀhaosa a ǁauǁau ǁoa. Nēs nî hana īs ka, os nî mîmâisa khôahe xui-ao. 18#Rom. 4:14ǀUmis ga ǂHanuba xu hâ hâ, os ge ǃaruǀî mîmâisa xu hâ tama hâ. Xawe ǁîb di mîmâisa xus ge Elob ge ǁîb ǀkhomma Abrahamma a māsa.
19Tare-i ǃaromab ǂHanuba ǁnâi hâ? Mîmâisa ge dībahe hâ i surib di ǃûǂamdi ǃaromas ge. Tsîb ge ǂhanuba ǀhomǃgān ǃnâ-u ge māhe, tsî ǁaegumâ-ao-e ge ǂgomǃgâhe. 20Xawe ǀgui khoe-i ǀgui-i ǃaroma i ge ǁaegumâ-ao-e ǂhâbasa tama hâ, Elob ge ǀguri sîsen xui-ao Abrahammi ǀkhab ge mîǀguisa a dīo.
ǂHanub di ǃaromas
21O i kha ǂHanub Elob mîmâidi ǃoagu mâ ti ra ǂâibasen? Tātsē! ǂHanub ga ûiba mā hâ, ob kom ǂHanuba Elob ǀkha ga ǂhanu-ai kai da hâo. 22Xawes ge Xoasa ra mî, hoaraga ǃhūbaib ǁoreb di ǀgaib xa ǃkhōsis ǃnâ ūhe hâ ǃkhaisa; Jesub Xristub ǃnâ hâ ǂgoms di mîmâis nî ǁnān hîa ǁîb ǃnâ ra ǂgomna māhese.
23Xawe nē ǂgoms nî hās aiǃâb ge ǂHanuba ǃkhōsis ǃnâ ge ū da hâ i, ǂgoms ge ǂhaiǂhaihes kōse. 24Tsî ǁnā ǀgaus ai da ge Xristub di hās kōse ǂHanub di gaosis ǃnaka ge hâ i, Xristub ǃnâ hâ ǂgoms ǃnâ-u da Elob ǀkha nî ǂhanu-ai kaihese. 25Xawe nēsis go Xristub ǃnâ hâ ǂgomsa hā, o da ge ǃaruǀî ǂHanub di gaosis ǃnâ hâ tama.
26ǁNā-amaga du ge hoado Xristub Jesub ǃnâ hâ ǂgoms ǃnâ-u a Elob ôa. 27ǁNān hîa Xristub ǃnâ ge ǁāǁnâhen hoan ge Xristub di ûib ǀkha ge anahe. 28ǁNā-amaga i ge ǃaruǀî ǃkharagagusi-i xare-e ǀkhai Jodeǁîn tsî Grikeǁîn ǁaegu, khobon tsî ǃnorasan ǁaegu, aorekhoeb tsî tarekhoes ǁaegu; hoadu Xristub Jesub ǃnâ a ǀgui xui-ao. 29#Rom. 4:13Tsî Xristub didu a xui-ao, du ge a Abrahammi di suri tsî du ge hoaraga ǀkhaegu Elob diga nî ǀumi, Elob ge Abrahammi ǀkha dī mîmâis ǃaroma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.