Lm 1
1
Li xb'een xrahil xch'ooleb' laj Jerusalén
1Toq'ob' xaq ru li tenamit Jerusalén!#1,1 Sa' li Hu a'in tz'iib'anb'il li rahilal ke'xk'ul eb' laj Jerusalén naq kisache'k li xtenamiteb'. Li Hu a'in yo chi aatinak chirix jun tenamit, a' li tenamit Jerusalén; ab'anan naqil jo' junaq qas qiitz'in li wank sa' rahilal.
Xnimal ru tenamit naq kiwank
sa' xyanqeb' chixjunil li tenamit,
ut k'ajo'eb' li poyanam ke'wank chisa';
ab'an anaqwan xkanaak sa' junaatalil,
chanchan aj chik jun xmalka'an xkanaak.
Junxil Jerusalén nataqlank sa' xb'eeneb' li tenamit,
ut anaqwan a'an chik minb'il ru chi k'anjelak.
2K'ajo' naq nayaab'ak chiru q'oqyink,
ut li xya'al ru nat'ululnak sa' xnaq' ru.
Maajun junaq nak'ojob'ank xch'ool#1,1-2 Sal 69,21; Jr 9,17-19; 13,17; Bar 4,12. sa' xyanqeb' li xe'rahink ru.
Chixjunileb' li ramiiw xe'xkanab' xjunes,
ut xik' chik na'ile'k xb'aaneb' chixjunil.#1,2 Jr 30,13-14.
3Rahob'tesinb'ileb' ut tawasinb'ileb' laj Judá;
xe'k'ame'k sa' jalan chik tenamit chi k'anjelak chi kaw.
Xe'chape'k xb'aaneb' li neke'numtaak sa' xb'eeneb',
ut maab'ar neke'xtaw xk'ojob'ankil xch'ooleb'.
4Jwal ra rilb'aleb' li b'e neke'xik aran Sión:
maa'ani chik nachalk chi ninq'ehik.
Maa'ani wank chiruheb' li rokeb'aal li tenamit.
Neke'yaab'ak eb' laj tij,
neke'huyhutk eb' li tuq'ixq,
ut q'axal ra xch'ooleb' chixjunileb' laj Jerusalén.#1,4 Is 3,26; Jr 14,2.
5Eb' li xik' neke'ilok re neke'numtaak sa' xb'een,
ut saheb' chik sa' xch'ool.
A' li Qaawa' xrahob'tesink re
xb'aan xk'ihaleb' li maak xb'aanu Jerusalén.
Eb' li ralal xk'ajol xe'k'ame'k chi najt
xb'aaneb' li xik' neke'ilok reheb'.
6X'oso'k chixjunil li xch'ina'usal Sión.
Eb' li xjolomil li tenamit chanchaneb' chik li kej li ink'a' neke'xtaw xwaheb'.
Maak'a' chik xmetz'eweb' naq yookeb' chi elelik
chiruheb' li neke'raj xchapb'aleb'.
7Jerusalén najultiko'k re li kutan xwank wi' sa' rahilal ut junaatalil;
najultiko'k re chanru naq junxil xwank naab'al xb'ihomal.
Najultiko'k re chanru naq xt'ane'k sa' ruq'eb' li xik' neke'ilok re,
chi maajun xchalk chi tenq'ank re.
K'ajo' naq xate'reetz'u eb' li xik' neke'ilok aawe
rik'in rilb'al laawoso'jik, at Jerusalén!
8Q'axal xmaakob'k li tenamit Jerusalén,
jo'kan naq xk'ulub' li tz'eqtaanaak.
Jo'k'ihaleb' li xe'k'ehok xloq'al junxil,
anaqwan neke'xtz'eqtaana,
xb'aan naq xe'ril chi t'ust'u.
Jo'kan naq nayaab'ak ut naxmuq rib' xb'aan xxutaan.#1,8 Ez 16,35-37.
9Li xtz'ajnil naxletz rib' chiru li xb'aatal;
maajun sut xk'oxla chanru naq taa'oso'q sa' junaq kutan.
K'ajo' xiwajel li xt'anik!
Maa'ani nak'ojob'ank xch'ool:
“At Qaawa', chak'e taxaq reetal linrahilal,
xb'aan naq li xik' na'ilok we yo chi numtaak sa' inb'een”.
10Eb' li xik' neke'ilok re xe'xxok chixjunil li xb'ihomal.#1,10 2 R 24,13; 25,13-17.
Eb' laj Jerusalén xe'ril li maak'a'eb' xpaab'aal
chi ok sa' li xloq'laj ochoch li Yos,
a'eb' ajwi' li xaye laa'at, at Qaawa',
naq ink'a' naru te'ok sa' laaloq'laj ch'utam.
11Chixjunileb' laj Jerusalén yookeb' chi yaab'ak
naq neke'xik chi xsik'b'al xwaheb'.
Xe'xk'ayi li k'aru jwal loq' wank reheb'
re te'wanq xtzekemq ut te'xkol li xyu'ameb':
“At Qaawa', chawil ut chak'e reetal li xtoq'ob'aal qu”, chankeb'.
12Laa'ex li nekexnume'k sa' li b'e,
ilomaq ut k'ehomaq reetal
wi wank ta junaq rahilal juntaq'eet
rik'in li yookin chi xk'ulb'al laa'in!
Li Qaawa' xtaqla chaq li raaxiik' a'in
naq xchalk li xnimal xjosq'il sa' inb'een.
13Xtaqla chaq xam toj sa' choxa
li xulxjuk'i linb'aqel.
Xk'e jun ra'al sa' linb'e
re naq tinsutq'iiq wi' chik chiwix.
Xinxkanab' injunes
chi k'uluk rahilal rajlal kutan.
14Li Qaawa' xch'utub' ru chixjunileb' linmaak sa' inb'een,
kama' najit'mank junaq iiq chinkux.
Maak'a' chik inmetz'ew ut ink'a' chik ninkuy.
Li Qaawa' xq'axtesink we sa' ruq'eb' a'an,
ut ink'a' ninkuy xsumenkileb'.
15Li Qaawa' xtz'eqtaana chixjunileb'
li jwal kaweb' rib' chinkolb'al.
Xch'utub'eb' li k'iila aj puub' chi yalok wik'in
re xsachb'al ruheb' li saaj al neke'okenk chiwix.
Xinxyeq'i sa' roq laa'in li tuq'ixq re Judá,
jo' na'uxk reheb' li uub' re xyatz'b'al li xya'al.#1,15 Is 63,3; Jl 3,13; Ap 14,20; 19,15.
16Jo'kan naq ninyot'e'k chi yaab'ak,
nat'ululnak xya'al li wu,
xb'aan naq maajun nak'ojob'ank inch'ool;
maa'ani naru nak'ehok xkawub' li waanm.
Q'axal ra xe'kanaak eb' li walal ink'ajol,
xb'aan naq eb' li xik' neke'ilok qe xe'xq'ax qu.
17Sión naxye' eb' li ruq' chi tz'aamank,
ab'an maajun nak'ojob'ank xch'ool.
Xyehom li Qaawa' naq sutsuuq laj Jakob yalaq b'ar xb'aaneb' li xik' neke'ilok re,
ut li tenamit Jerusalén xkanaak sa' xutaan chiruheb' a'an.
18Us xb'aanu li Qaawa',
xb'aan naq laa'in ink'a' xwaj xpaab'ankil li xchaq'rab'.
Ab'ihomaqin chejunilex, ex tenamit,
ut ilomaq li rahilal wankin wi'.
Chixjunileb' li toj saajeb', jo' winq jo' ixq,
xe'chape'k ut xe'k'ame'k chi preexil.
19Xinb'oqeb' li xe'rahink wu,
ab'an chixjunileb' xine'xkanab' injunes.
Eb' laj tij ut eb' laj k'amol b'e chiwu
xe'kamje'k sa' li tenamit,
naq yookeb' xsik'b'al xtzekemqeb'
re naq ink'a' te'kamq.
20Ilin, at Qaawa', sa' li rahilal wankin wi'.
Nayot'e'k linch'ool, nab'aqaqnak li waanm
xb'aan li maak xinb'aanu:
xinq'etq'eti wib' chawu.
Chirix kab'l yookeb' chi kamsiik eb' li walal ink'ajol,
ut sa' li kab'l yo ajwi' li kamk.#1,20 Jr 4,19; 9,21.
21Chinaawab'i ta chi yaab'ak:
maa'ani nak'ojob'ank li waanm.
Eb' li xik' neke'ilok we xe'rab'i resil
li rahilal xak'e sa' inb'een,
ut neke'saho'k xch'ool rik'in li yookin chi xk'ulb'al.
Chichalq ta li Kutan yeeb'il aab'aan,
re naq te'xk'ul ajwi' eb' a'an li yookin chi xk'ulb'al laa'in.
22Chiwulaq ta aawik'in chixjunil li xmaa'usilaleb',
ut b'aanu reheb' jo' xab'aanu we xb'aan linq'etq'etil.
K'ajo' naq yookin chi yaab'ak
ut yo chi lub'k li waanm!
Currently Selected:
Lm 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.