Heb 1
1
Li Yos xooraatina sa' xk'ab'a' li Ralal
1Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet. 2Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.
3A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q. 4Ut q'axal nim xwankil sa' xb'eeneb' li ánjel, xb'aan naq k'ajo' chik xloq'al li xk'ab'a' li wank cho'q reechanihom.
Li K'ajolb'ej q'axal nim xwankil chiruheb' li ánjel
5Ani tawi' reheb' li ánjel kiyehe'k wi' jun sutaq xb'aan li Yos:
“Laa'at li walal; anaqwan xatinyoob'tesi”#1,5 Sal 2,7.?
Malaj kixye:
“Laa'inaq li xYuwa' ut a'anaq li walal”#1,5 2 S 7,14; 1 Kr 17,13.?
6Jo'kan ajwi' naq kiroksi chaq li ralal jun chirib'il sa' ruuchich'och', kixye:
“Ut chiloq'oniiq xb'aaneb' chixjunil li x'ánjel li Yos”.#1,6 Sal 97,7; Dt 32,43.
7Chirixeb' li ánjel naxye:
“A'an naxtaqlaheb' li ánjel jo'keb' li iq',
ut eb' laj k'anjel chiru jo'keb' li raq'xam”.#1,7 Sal 104,4.
8A'ut chirix li K'ajolb'ej naxye:
“At inYos, k'ojk'o laa'awab'ejihom chi junelik.
Junelik sa' tiikilal nakatawab'ejink.
9Xara li us ut xik' xawil li maa'usilal;
jo'kan naq, at inYos, laaYos xsik' chaq aawu
ut xatxnujob'resi rik'in sahil ch'oolej,
q'axal wi' chik xaqxo laaloq'al chiruheb' chixjunil laawech awab'ejil”.#1,8-9 Sal 45,7-8.
10Ut naxye ajwi':
“At Qaawa', sa' xtiklajik kak'ojob' chaq rub'elankil li ruuchich'och',
ut eb' li choxa a'aneb' xb'aanuhomeb' laawuq'.
11Eb' a'an te'oso'q, a'ut laa'at wankat chi junelik.
Chixjunileb' a'an te'q'eeloq kama' junaq aq'ej;
12kama' junaq t'ikr naq taaq'ochiheb',
kama' junaq aq'ej, ut te'jalmanq.
A'ut laa'at a'anat ajwi' chi junelik:
relik chi yaal naq malaajel ma'oso'jel laayu'am”.#1,10-12 Sal 102,26-28.
13Ani tawi' reheb' li ánjel kiyehe'k wi' jun sutaq xb'aan li Yos:
“K'ojlan sa' linnim uq',
toj reetal tink'eheb' li xik' neke'ilok aawe rub'el laawoq”#1,13 Sal 110,1.?
14Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?
Currently Selected:
Heb 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.