1 Ts 1
1
Xk'eeb'al sahil ch'oolej
1Laa'in laj Pablo, wochb'een laj Silvano ut laj Timoteo,#1,1 Chirix laj Silvano-Silas: cf. Hch 15,22. Chirix laj Timoteo: cf. Hch 16,1-3. nintz'iib'ak rik'in li x'Iklees eb' laj Tesalónika li wank rik'in li Yos Yuwa'b'ej ut li Qaawa' Jesukriist: eerik'inaq taxaq li usilal ut li tuqtuukilal.
Xb'anyoxinkil re li Yos
2Junelik nokooyoxink chiru li Yos sa' eek'ab'a' chejunilex rik'in eejultikankil sa'eb' li qatij. 3Junelik wank sa' qach'ool chiru li qaYos ut qaYuwa' li xk'anjel leepaab'aal, li xkuyum leerahom ut li xkawil eech'ool chi yo'onink sa' xk'ab'a' li Jesukriist li Qaawa'.
4Ex qas qiitz'in raarookex xb'aan li Yos, naqanaw naq sik'b'il eeru, 5xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.
6Laa'ex xek'am eere qik'in ut rik'in li Qaawa', ut xek'ulub'a li Loq'laj Aatin sa' xyanqeb' li k'iila rahilal chi sa sa' leech'ool xb'aan li Santil Musiq'ej. 7Chi jo'kan xexkanaak cho'q aj k'utul chaab'il b'e chiruheb' chixjunil laj paab'anel wankatqeb' Macedonia ut Akaya. 8Xb'aan naq chalen sa' leekomonil xpuktesimank raatin li Qaawa'; ut leepaab'aal rik'in li Yos xpukank resil moko ka'aj ta wi' Macedonia ut Akaya, sa' chixjunil b'an li na'ajej. Jo'kan naq maak'a' chik naru tqaye. 9Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos, 10jo'wi' re royb'eninkil li Ralal taak'ulunq chaq sa' choxa, a' li kiwaklesiik xb'aan li Yos sa' xyanqeb' li kamenaq, a'an li Jesus li nokooxkol chiru li josq'il chaalel.
Currently Selected:
1 Ts 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.