Apocalipsis 1
1
Re cosas re xque'banataj-yan re xusekresaj re Jesucristo chach re San Juan
1Jac'a re cosas re xque'banataj-yan, jare' re xusekresaj re Dios cha re Jesucristo, chin che re Jesucristo nusekresaj chakavach yoj re yoj rusamajela'. Mare' re Jesucristo xutak jun ru-ángel#Dn 8.16; 9.21; Ap 22.6, 16. viq'uin yen Juan re yin rusamajel, chin che re ángel re' nusekresaj chinoch#Jn 12.49. ronojel re xque'banataj-yan. 2Y yen ximbij che katzij re ruch'abal re Dios, y katzij re xubij re Jesucristo, y can katzij chuka' ronojel re xintz'at.#1 Jn 1.1.
3Otz-rubanoj re nibano leer re ch'abal re tz'iban can vova', y otz-quibanoj chuka' re niquic'axaj#Pr 8.34; Lc 11.28. y can niquiya' pa cuenta re nubij.#Ap 22.7. Roma napon-yan re tiempo tak xque'banataj ronojel re je'tz'iban vova'.
Yen Juan nintz'ibaj-a re libro re' chiva yex re yix vuku' iglesia re c'o chupan re lugar rubini'an Asia
4Yen Juan nintz'ibaj-a re libro re' chiva yex re yix vuku' iglesia re yixc'o chupan re lugar rubini'an Asia, y can-ta q'uiy utzil xtic'ul chiyixnojel riq'uin re Dios. Y chuka' re ivánma can-ta otz nuna' roma iniman chic reja'. Ja reja' re c'o tak xtz'ucutaj-pa ronojel,#Ex 3.14; Jn 1.1. y ja reja' re c'o vocame y ja chuka' reja' re xtic'ue' re tiempo-apo. Y can-ta q'uiy chuka' utzil xtic'ul quiq'uin re je vuku' utzulaj tak espíritu re jec'o-apo chach re Dios re tz'uyul chach re lok'olaj ch'acat, y re ivánma can-ta xtuna' che otz c'o. 5Y can-ta q'uiy utzil xtic'ul riq'uin re Jesucristo y chuka' re ivánma can-ta nuna' che otz c'o roma iniman chic reja'. Ja reja' re nibin re katzij,#Jn 8.14. y ja reja' re nabey xc'astaj-pa#Ef 1.20; Col 1.18. chiquicojol re anama'i' y ja chuka' reja' re pa'al pa quive' conojel re ye'bano gobernar re jec'o chach re ruch'ulef. Reja' yojrajo',#Jn 13.34. y mare' xcom y xbiyin ruq'uiq'uel, chin xuch'aj-a re kamac.#He 9.14. 6Y konojel yoj re kaniman re Jesucristo, xuban chaka che xojoc reyes y sacerdotes,#Ap 5.10; 20.4, 6. chin che nakaban rusamaj re Dios re Rutota' re Jesucristo. Y ja re Jesucristo re c'o ruk'ij y c'o ru-poder nojel tiempo y man jun bey xtiq'uis. Amén.
7Y titamaj che re Jesucristo can xtipo-va chupan re nube.#Dn 7.13. Y conojel xque'tz'eto richin. Hasta re vinak re xe'bin che tiquimisas, chuka' can xtiquitz'at. Conojel re vinak re jec'o chach re ruch'ulef xque'ok' tak xtiquitz'at re Jesucristo.#Zac 12.10; Jn 19.37. Y can ja quire' xtibanataj.
8Re Kajaf, ronojel poder c'o pa ruk'a', reja' can c'o-va tak xtz'ucutaj-pa ronojel,#Is 41.4; 43.10. ja chuka' reja' re c'o vocame, y ja chuka' reja' re xtic'ue' re tiempo-apo. Y reja' nubij: Ja yen re nabey y re ruq'uisibal, can ancha'l re nabey y re ruq'uisibal letra.
Re Jesucristo nuc'ut-ri' chach re Juan
9Y yen Juan yin jun hermano ivichin yex, can kachibil-ki' chupan re tijoj-pokonal,#Ro 8.17. can kachibil-ki' chin yojc'o pa ruk'a' re Dios, y re Jesucristo can nuya-va ka-paciencia junan iviq'uin yex, chin che yojtiquir nakacoch' re tijoj-pokonal nipa chakij. Yen xinc'ue' preso chupan re lugar rubini'an Patmos, re jun lugar re' pa mar c'o-va, yen xinc'ue' preso chire' rutzij re ruch'abal re Dios y rutzij chuka' xintzijoj rube' re Jesucristo. 10Pero pa jun k'ij chin uxlanen yen ximban jun ancha'l achic'#Hch 10.10. roma re ru-poder re Espíritu Santo, y xinc'axaj che c'o jun nich'o-pa chuij can. Y re ru-forma nich'o, can jabal nik'alajin. Can ancha'l nik'ajan jun trompeta. 11Y xubij chua: Ja yen re nabey y ja yen chuka' re ruq'uisibal,#Ap 1.17; 2.8; 22.13. can ancha'l re nabey y re ruq'uisibal letra. Tatz'ibaj c'a chupan jun libro ronojel re natz'at, y tataka-a pan Asia chique re vuku' iglesia re jec'o chire', cha re iglesia re c'o pa tenemit Efeso,#Hch 18.19. re c'o pa tenemit Esmirna, re c'o pa tenemit Pérgamo, re c'o pa tenemit Tiatira, re c'o pa tenemit Sardis, re c'o pa tenemit Filadelfia y cha re c'o pa tenemit Laodicea, xincho'x.
12Y tak xintzu'un can chuij chin nintz'at anchique re' re nitzijon viq'uin, xintz'at vuku' ruc'ojlebal candelas re banon cha k'anapuak.#Ex 25.37; Zac 4.2. 13Y pa quinic'ajal re vuku' ruc'ojlebal candelas re' pa'al Jun re can ancha'l re Jun re xbalax-ka chakacojol,#Ez 1.26, 28; Dn 7.13; 10.5; Fil 2.7, 8; He 2.14; Ap 14.14. rucusan jun rutziak re napon-ka c'a charakan. Y rucusan chuka' jun cinturón re banon cha k'anapuak, y re cinturón re' chuc'o'x nak'ax-va. 14Re rusumal tak rue' can bo'j, can ancha'l re lana camas sak y chuka' can ancha'l re hielo nika tak camas tef nuban. Y re nak'arach can ancha'l rurep-k'ak'.#Dn 7.9; Ap 2.18. 15Jac'a re rakan can nitz'eneloj can ancha'l re ch'ich' bronce tak jabal josk'in rach.#Ez 1.7. Roma can nrepek'oj, can ancha'l che pa k'ak' c'o-va. Y re ruch'abal can nivuruloj, can ancha'l ye'vuruloj re rakan tak ya'.#Ez 43.2. 16Y re pa rajquik'a' ruc'uan vuku' ancha'l ch'umil. Jac'a re pa ruchi' ndel-pa jun espada#Is 49.2. can es rutza'n y che ca'e' lado c'o-va ray. Y re rupalaj ancha'l re k'ij tak camas ruchuk'a' nuban.
17Y tak yen xintz'at re', xintzak-ka charakan#Ez 1.28. can ancha'l jun quiminak. Pero reja' xuya' re rajquik'a' pa nue'#Dn 8.18. y xubij chua: Man taxibij-avi', roma ja yen re nabey#Is 41.4; 44.6. y ja yen re ruq'uisibal. 18Y ja yen re Jesucristo re yin c'as. Yen xincom, pero vocame c'o nuc'aslen#Sal 68.20; Ro 6.9. chin nojel tiempo. Amén. Y c'o chuka' autoridad pa nuk'a' chin yinc'o pa rue' re camic y pa rue' re lugar re nibex Infierno cha. 19Tatz'ibaj c'a re xatz'at, re ntajin chic rubanic, y chuka' re xque'banataj re chakavach-apo. 20Re vuku' ancha'l ch'umil re xatz'at che nc'uan pa vajquik'a' y re vuku' ruc'ojlebal candelas re banon cha k'anapuak, can c'o-va ndel che tzij. Re vuku' ancha'l ch'umil re je'nc'uan pa vajquik'a', re' ja re je vuku' re je'pa'al pa quive' re je vuku' iglesia. Jac'a re vuku' ruc'ojlebal candelas re banon cha k'anapuak, re' ja re vuku' iglesia.
Currently Selected:
Apocalipsis 1: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.