Colosenses 4
4
1Yex re yix patrón,#Lv 19.13; Mal 3.5; Ef 6.9. can xe re otz y re choj tibana' quiq'uin re i-mozos, roma te'ka chi'c'o'x che yex chuka' c'o jun i-Patrón chila' chicaj.
2Can nojel tiempo tibana' orar,#Lc 18.1; Ro 12.12; Ef 6.18; 1 Ts 5.17. y c'as-ta re ina'oj tak niban orar. Can nojel tiempo quixtioxin. 3Y tibana' chuka' orar pa kave' yoj#Ef 6.19; 2 Ts 3.1. che re Dios nujak-ta jun puerta#1 Co 16.9; 2 Co 2.12. más chakavach chin che nakatzijoj re c'a ba' tusekresaj-va,#Mt 13.11; 1 Co 4.1. che xa roma re Jesucristo tak yojcolotaj chach re kamac. Y xa roma re' nintzijoj tak yinc'o preso.#Ef 6.20; Fil 1.7. 4Tic'utuj cha re Dios che can-ta otz rubixic nimban tak xtintzijoj re rusekresan re Dios, can ancha'l-ta re nrajo' reja' jare' re nimbij.
5Y yex titamaj andex niban tak yixc'ue' chiquicojol re vinak re man quiniman-ta re Jesucristo.#1 Ts 4.12. Can-ta ja re otz niban y nibij chique re vinak. Man tiya' k'ij che choj quire' nak'ax re tiempo.#Ef 5.16. 6Can-ta ronojel re tzij nibij c'o nrajkalej. Can-ta ancha'l che c'o atz'am riq'uin re ich'abal chin che can nika chiquivach#Ec 10.12. re man quiniman-ta re Dios. Tibana' quire', chin che can xe-ta re tzij re ruc'amon nibij chique conojel re c'o preguntas niquiban chiva.#1 P 3.15.
Ja ruq'uisibal tak ch'abal cha re carta re
7Re hermano Tíquico xto'rtzijoj chiva re andex nbanon.#Ef 6.21, 22. Reja' jun hermano re camas ninjo' y can nojel tiempo nuban re rusamaj re Ajaf. Can jun vichibil chupan re samaj. 8Y ja reja' re nintak-a chila' iviq'uin chin nutamaj andex ibanon y chin no'rcukuba' ic'o'x. 9Y nintak-a chuka' re hermano Onésimo#Flm 10. chij, re elinak-pa chila' iviq'uin yex. Re Onésimo can rubanon confiar-ri' riq'uin re Dios, y camas ninjo'. Re je ca'e' hermanos re' xte'quitzijoj chiva ronojel re banatajnak vova'.
10Re hermano Aristarco,#Hch 19.29; 20.4; 27.2. re c'o viq'uin vova' anche' yinc'o-va preso, nutak-a ruxnokil-ivach. Y quire' chuka' re hermano Marcos,#Hch 15.37; 2 Ti 4.11. re ru-sobrino re hermano Bernabé. Y ximbij-yan chiva, vo xa xtapon chila' iviq'uin can otz ruc'ulic tibana'. 11Chuka' nutak-a ruxnokil-ivach re hermano Jesús, re nibex chuka' Justo cha. Re je oxe' hermanos re' je nuvinak israelitas y banon re circuncisión chique.#Ga 2.12. Junan yojsamaj quiq'uin chin che je q'uiy-ta re ye'niman chin re Ajaf Jesús y ye'oc-ta pa ruk'a' re Dios. Man jun chic chique re nuvinak re nisamaj-ta viq'uin, xaxe reje', y camas niquicukuba' nuc'o'x. 12Re hermano Epafras#Col 1.7. nutak-a ruxnokil-ivach. Y yex jabal itaman rach reja' roma chila' iviq'uin yex pitinak-va, y jun utzulaj rusamajel re Jesucristo. Reja' can riq'uin ronojel ránma nuban orar pan ive'. Can nojel tiempo nuc'utuj cha re Dios che yex can-ta xtiban confiar-ivi' riq'uin re Dios,#Fil 3.15; He 5.14. che can-ta tz'akat re ic'aslen y can-ta xtiban ronojel re nrajo' re Dios che niban. 13Yen nintz'at che re hermano Epafras camas yixrunataj, roma can nojel tiempo nuban orar pan ive', y pa quive' chuka' re hermanos re jec'o pa tenemit Laodicea#Col 2.1. y re jec'o pa tenemit Hierápolis. 14Y chuka' re hermano Lucas nutak-a ruxnokil-ivach. Reja' jun doctor y yen camas ninjo'. Re hermano Demas nutak-a chuka' ruxnokil-ivach.#Flm 24.
15Y yex re yixc'o pa tenemit Colosas, tibana' utzil tiya' ruxnokil-quivach re hermanos re jec'o pa tenemit Laodicea. Y tiya' ruxnokil-rach re hermano Ninfas y conojel re hermanos re niquimol-qui'#Ro 16.5. pa rachoch reja' chin niquiya' ruk'ij re Dios. 16Y tak xban-yan leer re carta re' chivach yex re yixc'o pa tenemit Colosas, tibana' utzil titaka-a chique re hermanos re jec'o pa tenemit Laodicea, chin chuka' niban leer chiquivach reje'. Y quire' chuka' re jun carta re xintak-a chique re jec'o pa tenemit Laodicea, ninjo' che chuka' reje' niquitak-pa chiva yex hermanos re yixc'o pa tenemit Colosas chin che niban leer chuka' chivach yex.#1 Ts 5.27. 17Y tibana' utzil tibij cha re hermano Arquipo#Flm 2. che yen camas yinqui'cot riq'uin, roma reja' nuban re samaj#Hch 1.17; 14.23; 1 Co 4.1; Ef 4.11; 1 Ti 4.6; 2 Ti 1.6; 2.2. re yi'on cha roma re Ajaf, y man tutanaba' rubanic re samaj re'.
18Yen Pablo nintak-a ruxnokil-ivach. Y titz'eta' re ruq'uisibal parte cha re carta re', can riq'uin nuk'a' yen ximban-va-a. Y man timistaj che yinc'o preso.#2 Ti 1.8; He 13.3. Y can-ta q'uiy utzil xtic'ul chiyixnojel riq'uin re Dios. Amén.
Currently Selected:
Colosenses 4: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.