1 Juan 1
1
Ja ri Jesucristo niyo'on c'aslen
1Nintz'ibaj c'a chive chirij ri Jun ri can c'o-vi-pe.#1.1 Mi. 5:2; Jn. 1:1. Ri Jun ri can c'o-pe tok man jani c'o ta re ruvach'ulef. Pero roj can xkac'axaj ri ruch'abel. Can xkatz'et#1.1 Lc. 24:39; 2 P. 1:16. rija', roma xkatzu' riq'uin ri runak' tak kavech. Y can xkachop riq'uin ri kak'a'. Y ja rija' ri Ch'abel#1.1 Ap. 19:13. ri niyo'on c'aslen. 2Ri niyo'on c'aslen#1.2 Jn. 1:4. xoc'ulun c'a, y xkatz'et. Y romari' nikatzijoj chive ri xkatz'et.#1.2 Jn. 21:24. Nikatzijoj chive ri Jun ri can c'o-vi-pe#1.2 Jn. 1:1, 2. riq'uin ri Katata' Dios, y xoc'ulun chikacojol. 3Roj can katzijon c'a chive ri xkatz'et y ri xkac'axaj, richin chi quixoc achi'el roj chi junan kavech#1.3 Jn. 17:21. riq'uin ri Tata'ixel y riq'uin ri Jesucristo ri Ruc'ajol. 4Y nikatz'ibaj c'a ronojel re' chive roma can nikajo-vi chi tz'aket ta ri quicoten ri xtic'oje' iviq'uin.#1.4 Jn. 15:11.
Ri Dios ri sakil
5Y vacami c'a nikatzijoj chive ri xubij can ri Jesucristo chike roj, chi ri Dios can sakil#1.5 Jn. 1:9; 8:12; 9:5; 12:35. vi, y man jun k'eku'n ri c'o riq'uin. 6Y vi nikabij chi junan chic kavech riq'uin ri Dios, y xa kac'uan jun c'aslen richin ri k'eku'n,#1.6 Jn. 12:35. man kitzij#1.6 1 Jn. 2:4, 11. ta c'a ri nikabij chi junan kavech riq'uin ri Dios, roma xa man ja ta ri kitzij ri nikaben. 7Ri Dios can c'o-vi pa sakil, y vi roj chupan re kac'aslen yojbiyin pa sakil, can junan c'a kavech quiq'uin ri quiniman chic. Y chuka' ri ruquiq'uel#1.7 Hch. 20:28; Ap. 7:14. ri Jesucristo ri Ruc'ajol ri Dios nrelesaj ronojel ri kamac.
8Y vi nikabij chi can man jun kamac,#1.8 1 R. 8:46; Ec. 7:20; Stg. 3:2. kayon roj nikak'ol-ka-ki'. Roma man kitzij ta ri nikabij. 9Y vi nikak'alajirisaj c'a ri kamac#1.9 Lv. 26:40-42. richin chi yojcuy, ri Dios can nucuy-vi ri kamac y nuch'ajch'ojirisaj ri kánima chire ri man e choj tak banobel ta. Roma rija' can choj vi y man nujel ta ri ruch'abel. 10Y jac'a vi nikabij chi man jun mac nikaben, can nikaben chi man kitzij ta ri nubij ri Dios.#1.10 1 Jn. 5:10. Y ri ruch'abel man c'o ta pa kánima.
Currently Selected:
1 Juan 1: cakC
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.