1 Samuel 28
28
1Nantian Filisteofoan aton ranushumuafo ichanannifo Israelifo rutushcaquin. (Nantianri David yafi a fu rafuafo Filisteofo fu iyopaonifo Saúl David rutunonma.) Ascan Filisteofoan aton niaifo Aquís David yoini isca huaquin,
—David, man min tapia mi fu icafo no fu cai non Israelifo rutuicaino no fu focaniran, —ishon yoiaiton.
2—Shara. Non mato fu cai. Ascan min tapitiro non mia shara huashoain cuscan, —huaiton.
Ascaiton Aquís cumani, —¡Aicho! Ascan min uhuun cushumisi ipatiroran, —ishon yoini.
Ainfo yoshin chacaya pushu rasi ahuun anu Endor ano Saúl aqui cani
3Nantianri Samuel nano Israelifoan fasi shinancani uainifo. Samuel cainni Ramá mai ano mai huanifo. Nanscaifoannori Saúl yononi tsoacai yoshin chacahuunoashu namisifo aton yoshin funimatiroma a fu tsainshquin. —Nan namisifo fu tsaincafocai Israeli mai ano itirofomaran, —ishon Saúl ahuun caifofo yononi.
4Ascan Filisteo ranushumuafoan mai futsa ahuun anu Sunem ano ichanannifo. Nantianri Saúl yafi Israeli ranushumuafoan mai futsari ahuun anu Gilboa ano ichanancani. 5Ascaifoan oin Saúl Filisteo ranushumuafo ichapacoin oin fasi ratucoinni. 6Ascatan nocon Ifo Diosi cufini ahua huatiromainquin tapishquin. Ascafiainocai nocon Ifo Diosin Saúl cumanima. Ahuun namapan yoiamafain ahuara futsafohuunoa yoiamafain Diospan tsain yoimisifoanricai Saúl tapimanima. 7Ascan ahuun oinmatifo yoini isca huaquin, —Ua ainfo naafo fu tsainmisi ua funashotahuun. Fuchishon nan ainfo ua yocashohuun un ahuuscatiromainquin Filisteofoan noco rutunonfoma, —ishon Saúl yoiaiton.
Ascan ahuun oinmati futsan yoini, —Niaifon, pushu rasi Endor ano ainfo naafo aton yoshin fu tsainmisi. Nanno icaran, —ishon yoini.
8Nicatan Saúl ahuun sahuuti nan niaifoshon sahuumisi pucashon sahuuti futsa sahuuni tsoan onanonma. Yamu nan ainfo icano nocofunu rafu fu cani. Ahuun pushu muran iquicun Saúl yoini isca huaquin,
—Un nocofunu nani fu tsainpai. ¿Ascan ahuun anu un mia yoi min ua ahuun yoshin funimashotiromun? —ishon Saúl yoiaiton.
9—¿Mian futsa rutumapaimun? Man min tapia nocon niaifo Saúl yononi tsoan yoshinfohuunshon yorafo tapimamisi yafi naafo fu tsainmisifori Israel mai ano itiromaran ishon noco yononi. Min ua isca huaquin yocai chipo min uhuunoa min niaifoqui chaniran, —ishon ainfoan yoiaiton.
10—Ma. Nocon Ifo Diosi nia non icoinra huatiro. Nanscarifiai min icoinra huatiro un mia yoca cuscan min ua ashocun tsoancai mia ahuusca huaima. Tsoanricai mia onaitimashquimaran, —ishon yoiaiton.
11Nannori nicatan ainfoan cumani, —¿Tsoan ahuun yoshin un mia cunashotiromun? —huaiton.
—Ua Samuel cunashohuun, —ishon Saúl yoini.
12Ascatanaino samamashta Samuel fuchitan ainfo fasi fiisicaiton Saúl yoini isca huaquin, —¡Min ua paran! ¡Minfin Saulquin! —ishon oi ashcafinin yoini.
13Ascaiton Saúl ainfo cumani, —Ratuyamahuun. Min oiain cuscan ua tapimahuu, —ishon Saúl yoiaiton.
—Un oian yoshin mai murannoashu oaishafai un icaran, —ishon ainfoan yoiaiton.
14—¿Ahuu cuscaramun na yoshin? —ishon Saúl yocaiton. —Anifoshta tari sahuuaran, —ishon cumani. Nicaquin Saúl tapini nan Samuel oa. Ascaino ahuun ointaifin maiqui fuoshopacucahuani.
15Ascan Samuel Saúl yoini isca huaquin, —¿Ahuuscai mian fucash huaquin ua funimanamun? —ishon yocaiton. —Uhuun nomuran un fasi omitsiscai. Filisteofoan noco rutupai fuafo. Un nocon Ifo Diosi yocapai non ahuusca huatiromainquin. Uacai afanan ahua yoima. Ahuun tsain yoimisihuunshon ua yoiamafain uhuun namapan ua yoiama. Ascan un mia cuna un atiro cuscan mian tapimanon, —ishon Saúl yoiaiton.
16—¿Nocon Ifo Diosin natian mia noicasmaquin mia pota ahuuscai mian yocamun? 17Un nocon Ifo Dioshuunshon iishqui ai cuscan mia yoiyamua. Natian man nocon Ifo Diosin un mia yoiyomisi cuscan man aca. Min afanan Israeli niaifo inonma. Man mia niaifo caimana. Min caifo futsan David nocon Ifo Diosin catoan niaifo inon. 18Mia yonoa cuscacai min huanima. Nocon Ifo Diosin Amalecitafoqui fasi sinacointaqui mia yonoa, “Amalecitafo cuyohuun,” mia huafiainocai min anima. Ascan natian nocon Ifo Diosin mia onaintimai. 19Tsain futsari mia yoi. Funamari nocon Ifo Diosin yonoshquiai cuscan Filisteo ranushumuafoan min non nantifi min ranushumuafori mato rutushquicani. Ascan funamari un icano min facufoya un fu iiquin, —ishon Samuel yoini.
20Ascan Samuel yoini cuscan nicain Saúl fasi ratucoin maiqui fuopacucahuani. Nan naa shinantsa. Nan yamu ifaita sharanon shafatari ahua piyamai shacafuani. 21Ascan ainfoan oiainno fasi Saúl ratucoinquin yoini,
—Niaifon, mian yonoa cuscan mun aa. Ua rutufiacuanafono mian yonoa cuscan mun aa. 22Ascan natian un mia yoiai cuscan ua nicapun. Un mia piimashquin min afanan shaca fuatamarocon min afanan mutsisipacoianshu min capaiyaiquiri min casharatiro, —ishon ainfoan yoini.
23Ascafiaiton Saúl cumani, —Ma. Un ahua piimaran, —ishon cumani. Ascafia ahuun oinmatifoan yoinifo isca huaquin, —Niaifon, na ainfoan mia yoiai cuscan sharaquin. Pihuun, —ishon yoirianifo. Asca huaifoan ato nicai Saúl funinacahuan tsaotiqui tsaoni.
24Ascaiton ainfoan oinquin samamashta moipan facu shunicoin rutuni. Coshicoin pichafain misi farashati maisi pichani. 25Asca huatan Saúl yafi a fu fuafo pimani. Pifaincani nan yamu fonifo.
Currently Selected:
1 Samuel 28: mcd
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
1 Samuel 28
28
1Nantian Filisteofoan aton ranushumuafo ichanannifo Israelifo rutushcaquin. (Nantianri David yafi a fu rafuafo Filisteofo fu iyopaonifo Saúl David rutunonma.) Ascan Filisteofoan aton niaifo Aquís David yoini isca huaquin,
—David, man min tapia mi fu icafo no fu cai non Israelifo rutuicaino no fu focaniran, —ishon yoiaiton.
2—Shara. Non mato fu cai. Ascan min tapitiro non mia shara huashoain cuscan, —huaiton.
Ascaiton Aquís cumani, —¡Aicho! Ascan min uhuun cushumisi ipatiroran, —ishon yoini.
Ainfo yoshin chacaya pushu rasi ahuun anu Endor ano Saúl aqui cani
3Nantianri Samuel nano Israelifoan fasi shinancani uainifo. Samuel cainni Ramá mai ano mai huanifo. Nanscaifoannori Saúl yononi tsoacai yoshin chacahuunoashu namisifo aton yoshin funimatiroma a fu tsainshquin. —Nan namisifo fu tsaincafocai Israeli mai ano itirofomaran, —ishon Saúl ahuun caifofo yononi.
4Ascan Filisteo ranushumuafoan mai futsa ahuun anu Sunem ano ichanannifo. Nantianri Saúl yafi Israeli ranushumuafoan mai futsari ahuun anu Gilboa ano ichanancani. 5Ascaifoan oin Saúl Filisteo ranushumuafo ichapacoin oin fasi ratucoinni. 6Ascatan nocon Ifo Diosi cufini ahua huatiromainquin tapishquin. Ascafiainocai nocon Ifo Diosin Saúl cumanima. Ahuun namapan yoiamafain ahuara futsafohuunoa yoiamafain Diospan tsain yoimisifoanricai Saúl tapimanima. 7Ascan ahuun oinmatifo yoini isca huaquin, —Ua ainfo naafo fu tsainmisi ua funashotahuun. Fuchishon nan ainfo ua yocashohuun un ahuuscatiromainquin Filisteofoan noco rutunonfoma, —ishon Saúl yoiaiton.
Ascan ahuun oinmati futsan yoini, —Niaifon, pushu rasi Endor ano ainfo naafo aton yoshin fu tsainmisi. Nanno icaran, —ishon yoini.
8Nicatan Saúl ahuun sahuuti nan niaifoshon sahuumisi pucashon sahuuti futsa sahuuni tsoan onanonma. Yamu nan ainfo icano nocofunu rafu fu cani. Ahuun pushu muran iquicun Saúl yoini isca huaquin,
—Un nocofunu nani fu tsainpai. ¿Ascan ahuun anu un mia yoi min ua ahuun yoshin funimashotiromun? —ishon Saúl yoiaiton.
9—¿Mian futsa rutumapaimun? Man min tapia nocon niaifo Saúl yononi tsoan yoshinfohuunshon yorafo tapimamisi yafi naafo fu tsainmisifori Israel mai ano itiromaran ishon noco yononi. Min ua isca huaquin yocai chipo min uhuunoa min niaifoqui chaniran, —ishon ainfoan yoiaiton.
10—Ma. Nocon Ifo Diosi nia non icoinra huatiro. Nanscarifiai min icoinra huatiro un mia yoca cuscan min ua ashocun tsoancai mia ahuusca huaima. Tsoanricai mia onaitimashquimaran, —ishon yoiaiton.
11Nannori nicatan ainfoan cumani, —¿Tsoan ahuun yoshin un mia cunashotiromun? —huaiton.
—Ua Samuel cunashohuun, —ishon Saúl yoini.
12Ascatanaino samamashta Samuel fuchitan ainfo fasi fiisicaiton Saúl yoini isca huaquin, —¡Min ua paran! ¡Minfin Saulquin! —ishon oi ashcafinin yoini.
13Ascaiton Saúl ainfo cumani, —Ratuyamahuun. Min oiain cuscan ua tapimahuu, —ishon Saúl yoiaiton.
—Un oian yoshin mai murannoashu oaishafai un icaran, —ishon ainfoan yoiaiton.
14—¿Ahuu cuscaramun na yoshin? —ishon Saúl yocaiton. —Anifoshta tari sahuuaran, —ishon cumani. Nicaquin Saúl tapini nan Samuel oa. Ascaino ahuun ointaifin maiqui fuoshopacucahuani.
15Ascan Samuel Saúl yoini isca huaquin, —¿Ahuuscai mian fucash huaquin ua funimanamun? —ishon yocaiton. —Uhuun nomuran un fasi omitsiscai. Filisteofoan noco rutupai fuafo. Un nocon Ifo Diosi yocapai non ahuusca huatiromainquin. Uacai afanan ahua yoima. Ahuun tsain yoimisihuunshon ua yoiamafain uhuun namapan ua yoiama. Ascan un mia cuna un atiro cuscan mian tapimanon, —ishon Saúl yoiaiton.
16—¿Nocon Ifo Diosin natian mia noicasmaquin mia pota ahuuscai mian yocamun? 17Un nocon Ifo Dioshuunshon iishqui ai cuscan mia yoiyamua. Natian man nocon Ifo Diosin un mia yoiyomisi cuscan man aca. Min afanan Israeli niaifo inonma. Man mia niaifo caimana. Min caifo futsan David nocon Ifo Diosin catoan niaifo inon. 18Mia yonoa cuscacai min huanima. Nocon Ifo Diosin Amalecitafoqui fasi sinacointaqui mia yonoa, “Amalecitafo cuyohuun,” mia huafiainocai min anima. Ascan natian nocon Ifo Diosin mia onaintimai. 19Tsain futsari mia yoi. Funamari nocon Ifo Diosin yonoshquiai cuscan Filisteo ranushumuafoan min non nantifi min ranushumuafori mato rutushquicani. Ascan funamari un icano min facufoya un fu iiquin, —ishon Samuel yoini.
20Ascan Samuel yoini cuscan nicain Saúl fasi ratucoin maiqui fuopacucahuani. Nan naa shinantsa. Nan yamu ifaita sharanon shafatari ahua piyamai shacafuani. 21Ascan ainfoan oiainno fasi Saúl ratucoinquin yoini,
—Niaifon, mian yonoa cuscan mun aa. Ua rutufiacuanafono mian yonoa cuscan mun aa. 22Ascan natian un mia yoiai cuscan ua nicapun. Un mia piimashquin min afanan shaca fuatamarocon min afanan mutsisipacoianshu min capaiyaiquiri min casharatiro, —ishon ainfoan yoini.
23Ascafiaiton Saúl cumani, —Ma. Un ahua piimaran, —ishon cumani. Ascafia ahuun oinmatifoan yoinifo isca huaquin, —Niaifon, na ainfoan mia yoiai cuscan sharaquin. Pihuun, —ishon yoirianifo. Asca huaifoan ato nicai Saúl funinacahuan tsaotiqui tsaoni.
24Ascaiton ainfoan oinquin samamashta moipan facu shunicoin rutuni. Coshicoin pichafain misi farashati maisi pichani. 25Asca huatan Saúl yafi a fu fuafo pimani. Pifaincani nan yamu fonifo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.