Hebreos 2
2
Chojoka il che ri uq'alajisam ri Dios chiqe
1Ri Jesús e más k'o uwach chikiwa ri ángeles; ruma k'u ri', lik chirajawaxik e más kojok il che utaqexik ri Utzilaj Tzij qatom chwi Rire, cha' jela' na kaqesaj ta qib' chirij ri Q'ijsaq. 2Ma lik jikil uwach Rutzij ri Dios, ri xtzijox ojertan kuma ri ángeles; konoje k'u ri xemakun chirij y xkipalajij wa' wa Tzij, lik taqal chike janipa ri q'atb'al tzij xkik'ulu. 3We ek'u xkik'ulumaj wa' rike, ¿su'anik k'u ri' kojkolob'etaj ri'oj we na kojok ta il che wa unimal kolob'etajik? Ma nab'e na e ri Qanimajawal Jesucristo ri xtzijon puwi wa kolob'etajik; tek'uchiri' ri xetaw re, lik xkijikib'a' kan uwach wa' chiqe ri'oj. 4Ek'u ri Dios lik ujikib'am kan uwach wa' ruk' nimaq taq k'utub'al re ruchuq'ab', ruk' uk'iyal uwach milagros y ruk' taq ri to'b'al ya'tal chiqajujunal ruma ri Ruxlab'ixel ri Dios, yey puq'ab' k'u ri Dios k'o wi china chike kuya taq wi wa'.#Ro. 12:4-11
Ri Jesús xu'an tikawex cha' kojukolob'ej
5Puwi k'u wa kojtajin che ub'i'xikil, ri Dios uch'ob'om chik na kuya ta pakiq'ab' ri ángeles ketaqan chwi ri k'ak' uwachulew chiqawach apanoq. 6K'o k'u jun jewa' xub'i'ij chupa Ruch'a'tem ri Dios:
¿Sa' ruwach rachi cha' Rilal kakuxtaj la?
¿Sa' ruwach ri ralk'o'al ri tikawex cha' lik kok la il chike?
7X'an la che rachi xa jub'iq' chi xraj
kajunimax uwach kuk' ri ángeles.
Lik xyak la uq'ij,
xya la che lik k'o uwach
y xya la puq'ab' kataqan
puwi janipa ri x'an la che ruwachulew.
8E taq k'u ri' ri k'olik,
xya la ronoje puq'ab' Sal. 8:4-6
xcha'.
Ronoje k'u ri k'olik kak'oji' puq'ab', ma e xraj ri' ri Dios; na jinta ne k'o xuya kan ri Dios we na kaya'i' ta puq'ab'. Na ruk' ta k'u ri', kaqilo k'amaja' ne kak'oji' ronoje puq'ab'. 9Yey echiri' ri Jesús xu'an tikawex, e xqaj uwach uq'ij chikiwa ri ángeles. Ek'u ri Dios ruma ri unimal rutzil uk'u'x, xuya luwar che ri Jesús xik'ow chupa ri kamik pakik'axel konoje ri tikawex. Ruma k'u wa k'axk'ob'ik xrik'owib'ej, wo'ora más k'o uwach y más yakom uq'ij. 10Ri Dios e 'anayom re y e chapayom re ronoje ri k'olik. Yey lik xajawax k'u ri k'axk'olil xrik'owib'ej ri Jesús, ri kaya'w re ri kolob'etajik, ma ruma wa' ri Dios xutz'aqatisaj uwach ruchak ri Jesús cha' jela' keb'uk'am b'i uk'iyal ralk'o'al ri Dios chila' chikaj. 11Ri Dios e Uqaw ri Qanimajawal Jesucristo, ri kaya'w ri santowilaj b'inik; yey e mismo Qaqaw ri'oj, ri oj k'o chi che ri santowilaj b'inik. Ruma k'u la', ri Jesús na kak'ix taj kub'i'ij chiqe ri'oj, oj uchaq' Rire. 12Ma jewa' kub'i'ij chupa Ruch'a'tem ri Dios:
Kantzijoj ri b'i' la chikiwach ri e watz-nuchaq',
Kamb'ixoj ri b'i' la chikixo'l ri tinamit la
echiri' kimolom kib'. Sal. 22:22
13Je tanchi wa' kub'i'ij:
Ri'in lik kankub'a' nuk'u'x ruk' ri Dios. Is. 8:17
Yey je tanchi wa' kub'i'ij:
Ri'in in k'o kuk' ri e ralk'o'al ri Dios,
ri eb'uya'om Rire chwe Is. 8:18
kacha'.
14Qonoje ri oj tikawex qeqam qulewal qapoqlajil. Ek'u ri Jesús xu'an tikawex pacha' ri'oj, cha' jela' kik'ow chupa ri kamik paqak'axel ri'oj y ruk' wa' e xuch'ij uchuq'ab' ri jun xk'oji' uchuq'ab' re kakamisanik, wa' e ritzel winaq. 15Xk'un k'u ri Cristo cha' keb'eresaj lo konoje ri chwi kalaxik loq e k'o puq'ab' ri xi'in ib' ruma ri kamik. 16Ma paqatzij wi Rire na xk'un ta che kito'ik ri ángeles, ma e xk'un che qato'ik ri oj ralk'o'al kan ri Abraham. 17Jek'ula' lik xajawaxik ri Jesús xu'ana junam uwach quk' ri'oj, ri qachaq' qib' ruk' Rire, cha' jela' e ku'ana Qajawal, ri ku'an jusuk' ruchak chwach ri Dios, yey ruk' k'axna'b'al uk'u'x kach'aw paqawi' y ruma k'u Rire, ri Dios kukuy ri qamak qonoje ri oj utinamit.#2:17 Pa ri ch'a'tem griego kub'i'ij ri Jesús e ri qa “Sumo Sacerdote”. Rojertan wa' e ri kajawal raj chakunel pa Rocho Dios, ri kach'aw pakiwi ri tinamit y kuya chwach ri Dios ri qasa'n re awaj ekamisam re kuyb'al kimak. 18Ruma k'u xik'ow Rire pa k'ax y xk'am upa, jek'ula' wo'ora lik k'o uchuq'ab' re kojuto'o echiri' kak'am qapa ri'oj.
Currently Selected:
Hebreos 2: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Hebreos 2
2
Chojoka il che ri uq'alajisam ri Dios chiqe
1Ri Jesús e más k'o uwach chikiwa ri ángeles; ruma k'u ri', lik chirajawaxik e más kojok il che utaqexik ri Utzilaj Tzij qatom chwi Rire, cha' jela' na kaqesaj ta qib' chirij ri Q'ijsaq. 2Ma lik jikil uwach Rutzij ri Dios, ri xtzijox ojertan kuma ri ángeles; konoje k'u ri xemakun chirij y xkipalajij wa' wa Tzij, lik taqal chike janipa ri q'atb'al tzij xkik'ulu. 3We ek'u xkik'ulumaj wa' rike, ¿su'anik k'u ri' kojkolob'etaj ri'oj we na kojok ta il che wa unimal kolob'etajik? Ma nab'e na e ri Qanimajawal Jesucristo ri xtzijon puwi wa kolob'etajik; tek'uchiri' ri xetaw re, lik xkijikib'a' kan uwach wa' chiqe ri'oj. 4Ek'u ri Dios lik ujikib'am kan uwach wa' ruk' nimaq taq k'utub'al re ruchuq'ab', ruk' uk'iyal uwach milagros y ruk' taq ri to'b'al ya'tal chiqajujunal ruma ri Ruxlab'ixel ri Dios, yey puq'ab' k'u ri Dios k'o wi china chike kuya taq wi wa'.#Ro. 12:4-11
Ri Jesús xu'an tikawex cha' kojukolob'ej
5Puwi k'u wa kojtajin che ub'i'xikil, ri Dios uch'ob'om chik na kuya ta pakiq'ab' ri ángeles ketaqan chwi ri k'ak' uwachulew chiqawach apanoq. 6K'o k'u jun jewa' xub'i'ij chupa Ruch'a'tem ri Dios:
¿Sa' ruwach rachi cha' Rilal kakuxtaj la?
¿Sa' ruwach ri ralk'o'al ri tikawex cha' lik kok la il chike?
7X'an la che rachi xa jub'iq' chi xraj
kajunimax uwach kuk' ri ángeles.
Lik xyak la uq'ij,
xya la che lik k'o uwach
y xya la puq'ab' kataqan
puwi janipa ri x'an la che ruwachulew.
8E taq k'u ri' ri k'olik,
xya la ronoje puq'ab' Sal. 8:4-6
xcha'.
Ronoje k'u ri k'olik kak'oji' puq'ab', ma e xraj ri' ri Dios; na jinta ne k'o xuya kan ri Dios we na kaya'i' ta puq'ab'. Na ruk' ta k'u ri', kaqilo k'amaja' ne kak'oji' ronoje puq'ab'. 9Yey echiri' ri Jesús xu'an tikawex, e xqaj uwach uq'ij chikiwa ri ángeles. Ek'u ri Dios ruma ri unimal rutzil uk'u'x, xuya luwar che ri Jesús xik'ow chupa ri kamik pakik'axel konoje ri tikawex. Ruma k'u wa k'axk'ob'ik xrik'owib'ej, wo'ora más k'o uwach y más yakom uq'ij. 10Ri Dios e 'anayom re y e chapayom re ronoje ri k'olik. Yey lik xajawax k'u ri k'axk'olil xrik'owib'ej ri Jesús, ri kaya'w re ri kolob'etajik, ma ruma wa' ri Dios xutz'aqatisaj uwach ruchak ri Jesús cha' jela' keb'uk'am b'i uk'iyal ralk'o'al ri Dios chila' chikaj. 11Ri Dios e Uqaw ri Qanimajawal Jesucristo, ri kaya'w ri santowilaj b'inik; yey e mismo Qaqaw ri'oj, ri oj k'o chi che ri santowilaj b'inik. Ruma k'u la', ri Jesús na kak'ix taj kub'i'ij chiqe ri'oj, oj uchaq' Rire. 12Ma jewa' kub'i'ij chupa Ruch'a'tem ri Dios:
Kantzijoj ri b'i' la chikiwach ri e watz-nuchaq',
Kamb'ixoj ri b'i' la chikixo'l ri tinamit la
echiri' kimolom kib'. Sal. 22:22
13Je tanchi wa' kub'i'ij:
Ri'in lik kankub'a' nuk'u'x ruk' ri Dios. Is. 8:17
Yey je tanchi wa' kub'i'ij:
Ri'in in k'o kuk' ri e ralk'o'al ri Dios,
ri eb'uya'om Rire chwe Is. 8:18
kacha'.
14Qonoje ri oj tikawex qeqam qulewal qapoqlajil. Ek'u ri Jesús xu'an tikawex pacha' ri'oj, cha' jela' kik'ow chupa ri kamik paqak'axel ri'oj y ruk' wa' e xuch'ij uchuq'ab' ri jun xk'oji' uchuq'ab' re kakamisanik, wa' e ritzel winaq. 15Xk'un k'u ri Cristo cha' keb'eresaj lo konoje ri chwi kalaxik loq e k'o puq'ab' ri xi'in ib' ruma ri kamik. 16Ma paqatzij wi Rire na xk'un ta che kito'ik ri ángeles, ma e xk'un che qato'ik ri oj ralk'o'al kan ri Abraham. 17Jek'ula' lik xajawaxik ri Jesús xu'ana junam uwach quk' ri'oj, ri qachaq' qib' ruk' Rire, cha' jela' e ku'ana Qajawal, ri ku'an jusuk' ruchak chwach ri Dios, yey ruk' k'axna'b'al uk'u'x kach'aw paqawi' y ruma k'u Rire, ri Dios kukuy ri qamak qonoje ri oj utinamit.#2:17 Pa ri ch'a'tem griego kub'i'ij ri Jesús e ri qa “Sumo Sacerdote”. Rojertan wa' e ri kajawal raj chakunel pa Rocho Dios, ri kach'aw pakiwi ri tinamit y kuya chwach ri Dios ri qasa'n re awaj ekamisam re kuyb'al kimak. 18Ruma k'u xik'ow Rire pa k'ax y xk'am upa, jek'ula' wo'ora lik k'o uchuq'ab' re kojuto'o echiri' kak'am qapa ri'oj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.