Gálatas 6
6
Qato'o qib' chiqawach
1Hermanos, we xna'b'ej alaq k'o junoq tzaqinaq pa mak, e ralaq ri k'amom wach alaq ruma ri Ruxlab'ixel ri Dios, to'o alaq cha' kayaktajik. Yey chajij ib' alaq ma k'axtaj katzaq ralaq chupa wa' wa xu'an rire. 2To'o ib' alaq chiwach alaq we k'o junoq che alaq k'o pa k'axk'ob'ik, ma jek'uri'la' katajin alaq che u'anik ri tzij xuk'ut kan ri Cristo. 3Ma we k'o junoq kuch'ob'o lik k'o uwach ruma ri ku'ano yey na e ta k'u u'anom, ri' utukel kusok rib'. 4E uwari'che chirajawaxik wi chiqajujunal kaqach'ob' chi utz puwi ri qa'anom. Y we utz ri qa'anom chwach ri Dios, chojki'kot k'u ri', pero maqa'an k'u nim che qib' xa ruma qa'anom más chikiwa ri jujun chik. 5Ma ri chirajawaxik wi e chiqajujunal kaqak'am b'i ri k'o chiqaqul kaqa'ano.
6We k'o junoq kuk'ut Rutzij Upixab' ri Dios che alaq, chirajawaxik wi kato' alaq rire ruk' ri b'itaq e alaq.
7Masokosa' ib' alaq: Na jinta junoq kasokow re ri Dios. E chirij ri kutik junoq, e jela' ri kumolo. 8Ma we junoq e kuya rib' che taq ri rayib'al re ruti'jil, ri' e kuk'am lo ri kamik puwi'. No'j we junoq e kuya rib' che u'anik ri karaj ri Ruxlab'ixel ri Dios, ri' che ri Ruxlab'ixel kuk'ul ri k'aslemal na jinta utaqexik. 9Mojkos che u'anik ri utz y maqoq'otaj ne u'anik wa', ma kopon na ruq'ijol ke'qila uwach rujiq'ob'alil ri qa'anom. 10E uwari'che, we k'o paqaq'ab' kaqa'an ri utz, e qa'ana k'u ri' wa' chike konoje, y más e qa'ana ri' chike konoje ri kikojom rub'i' ri Cristo.
K'isb'al uch'a'tem ri Pablo che riglesia k'o Galacia
11Chilape alaq, ruk' nimaq taq letras kintz'ib'an pan che alaq. 12Ri jujun kakib'i'ij che alaq e lik chirajawaxik wi kakoj alaq ri retalil re circuncisión, kaki'an wa' xa e cha' na kakijal ta uchi' chikiwach jujun chik y cha' na kape ta k'ax pakiwi' ruma kakitzijoj rukamik ri Cristo chwa ri cruz. 13Ma ri jujun kakimin alaq chupa che ukojik ri retalil re circuncisión, rike na kaki'an tane ronoje ri Tzij Pixab'; xew kakaj kakitak'ab'a' kiq'ij ruma xkoj alaq kitzij. 14No'j ri'in na kuaj ta k'ana kantak'ab'a' nuq'ij, xew lik kanyak uq'ij ri Qanimajawal Jesucristo ruma ri xu'an Rire chwa ri cruz. Ruma k'u ri', na kacha ta chi nuk'u'x che taq ri xa re ruwachulew; ronoje wa' e pacha' kaminaq chi chinuwach ri'in; yey ri'in e pacha' in chi kaminaq chwach taq ri xa re ruwachulew. 15Ma we oj re ri Qanimajawal Jesucristo, na jinta chi ke'elawi we kaqakoj ri retalil re circuncisión o we na kaqakoj taj; ma ri lik karaj Rire, e ku'an k'ak' ri qab'inik qasilab'ik. 16Onoje k'u ralaq ri taqem alaq wa' wa k'utunik puwi ri k'ak' qab'inik, k'ulu alaq ri utzil chomal y ri rutzil uk'u'x ri Dios, junam kuk' rutinamit Israel, ri paqatzij wi e re Rire.
17Chwi k'u wo'ora, na kuaj taj k'o juna latz'anel chwe puwi ri nuk'utunik, ma che ri nucuerpo q'alaj taq ri k'utub'al re ri k'axk'ob'ik xinik'ow wi ruma in jun aj chak re ri Qanimajawal Jesucristo. 18Hermanos, k'ola k'u pa anima' alaq ri unimal rutzil uk'u'x ri Qanimajawal Jesucristo. Amén.
Currently Selected:
Gálatas 6: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Gálatas 6
6
Qato'o qib' chiqawach
1Hermanos, we xna'b'ej alaq k'o junoq tzaqinaq pa mak, e ralaq ri k'amom wach alaq ruma ri Ruxlab'ixel ri Dios, to'o alaq cha' kayaktajik. Yey chajij ib' alaq ma k'axtaj katzaq ralaq chupa wa' wa xu'an rire. 2To'o ib' alaq chiwach alaq we k'o junoq che alaq k'o pa k'axk'ob'ik, ma jek'uri'la' katajin alaq che u'anik ri tzij xuk'ut kan ri Cristo. 3Ma we k'o junoq kuch'ob'o lik k'o uwach ruma ri ku'ano yey na e ta k'u u'anom, ri' utukel kusok rib'. 4E uwari'che chirajawaxik wi chiqajujunal kaqach'ob' chi utz puwi ri qa'anom. Y we utz ri qa'anom chwach ri Dios, chojki'kot k'u ri', pero maqa'an k'u nim che qib' xa ruma qa'anom más chikiwa ri jujun chik. 5Ma ri chirajawaxik wi e chiqajujunal kaqak'am b'i ri k'o chiqaqul kaqa'ano.
6We k'o junoq kuk'ut Rutzij Upixab' ri Dios che alaq, chirajawaxik wi kato' alaq rire ruk' ri b'itaq e alaq.
7Masokosa' ib' alaq: Na jinta junoq kasokow re ri Dios. E chirij ri kutik junoq, e jela' ri kumolo. 8Ma we junoq e kuya rib' che taq ri rayib'al re ruti'jil, ri' e kuk'am lo ri kamik puwi'. No'j we junoq e kuya rib' che u'anik ri karaj ri Ruxlab'ixel ri Dios, ri' che ri Ruxlab'ixel kuk'ul ri k'aslemal na jinta utaqexik. 9Mojkos che u'anik ri utz y maqoq'otaj ne u'anik wa', ma kopon na ruq'ijol ke'qila uwach rujiq'ob'alil ri qa'anom. 10E uwari'che, we k'o paqaq'ab' kaqa'an ri utz, e qa'ana k'u ri' wa' chike konoje, y más e qa'ana ri' chike konoje ri kikojom rub'i' ri Cristo.
K'isb'al uch'a'tem ri Pablo che riglesia k'o Galacia
11Chilape alaq, ruk' nimaq taq letras kintz'ib'an pan che alaq. 12Ri jujun kakib'i'ij che alaq e lik chirajawaxik wi kakoj alaq ri retalil re circuncisión, kaki'an wa' xa e cha' na kakijal ta uchi' chikiwach jujun chik y cha' na kape ta k'ax pakiwi' ruma kakitzijoj rukamik ri Cristo chwa ri cruz. 13Ma ri jujun kakimin alaq chupa che ukojik ri retalil re circuncisión, rike na kaki'an tane ronoje ri Tzij Pixab'; xew kakaj kakitak'ab'a' kiq'ij ruma xkoj alaq kitzij. 14No'j ri'in na kuaj ta k'ana kantak'ab'a' nuq'ij, xew lik kanyak uq'ij ri Qanimajawal Jesucristo ruma ri xu'an Rire chwa ri cruz. Ruma k'u ri', na kacha ta chi nuk'u'x che taq ri xa re ruwachulew; ronoje wa' e pacha' kaminaq chi chinuwach ri'in; yey ri'in e pacha' in chi kaminaq chwach taq ri xa re ruwachulew. 15Ma we oj re ri Qanimajawal Jesucristo, na jinta chi ke'elawi we kaqakoj ri retalil re circuncisión o we na kaqakoj taj; ma ri lik karaj Rire, e ku'an k'ak' ri qab'inik qasilab'ik. 16Onoje k'u ralaq ri taqem alaq wa' wa k'utunik puwi ri k'ak' qab'inik, k'ulu alaq ri utzil chomal y ri rutzil uk'u'x ri Dios, junam kuk' rutinamit Israel, ri paqatzij wi e re Rire.
17Chwi k'u wo'ora, na kuaj taj k'o juna latz'anel chwe puwi ri nuk'utunik, ma che ri nucuerpo q'alaj taq ri k'utub'al re ri k'axk'ob'ik xinik'ow wi ruma in jun aj chak re ri Qanimajawal Jesucristo. 18Hermanos, k'ola k'u pa anima' alaq ri unimal rutzil uk'u'x ri Qanimajawal Jesucristo. Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.