2 Pedro 3
3
Ruk'unib'al ri Qanimajawal Jesucristo
1Hermanos, e uka'm carta wa' kantz'ib'aj pana che alaq. Yey chupa ukab'ichal carta lik e kank'osoj uwach ri saqil na'oj alaq ruk' pixab'anik, cha' ri na'oj alaq kak'oji' chi jusuk'. 2K'una k'u chik'u'x alaq ri xkib'i'ij lo rojertan ri q'alajisanelab' re ri Dios, yey ri kub'i'ij ri taqanik re ri Qanimajawal y Qakolob'enel, ri xk'ut che alaq kuma taq rutaqo'n ri Dios. 3Lik chirajawaxik nab'e na keta'maj alaq wa': Chupa taq ruk'isb'al q'ij keyaktaj lo winaq e ch'aminel, ri kakitaqej ri kirayib'al na chom ta uwach. 4Kakib'i'ij k'u che alaq: «¿Sa' xu'an ri' ri b'i'tisinik 'anom kan puwi rutzelejik lo ri Cristo? Ma ya ne xekam ri qachu-qaqaw, ri nab'e xekojow rub'i' ri Cristo; y ronoje junam u'anom chwi lo rujeqeb'al ruwachulew, na jinta k'o jalk'atajinaq che» kecha'. 5Jek'uwa' kakib'i'ij ma na kakaj taj kakimaj usuk' e rojertan e ri Dios ruk' Ruch'a'tem xu'an ruwa kaj y xu'an ruwachulew, yey wa' xuwinaqirisaj lo pa ri ya' y xutikib'a' chuxo'lib'al wa'.#Gn. 1:6-9 6Yey ruma k'u ri ya' re ri nimalaj jab' xutaq lo ri Dios, xsach kiwach taq ri winaq re ojertan y xjalk'atix uwach ruwachulew. 7Ek'u ruwa kaj y ruwachulew e k'o wo'ora, e chajital chi ruma ri tzij ub'i'im ri Dios k'a echiri' keya' pa aq' chupa ruq'ijol ri q'atb'al tzij, echiri' kasachisax kiwach ri tikawex lik e aj makib'.
8Pero ralaq hermanos, masach chik'u'x alaq wa': Chwach ri Qaqaw e ri jun q'ij e junam ruk' pacha' chi juna mil junab'; yey e ri jun mil junab' e junam ruk' pacha' chi juna q'ij. 9Ri Qanimajawal na kamayin ta che u'anik janipa rub'i'tisim loq, jela' pacha' ri kakib'i'ij jujun. Ma Rire lik k'o unimal uk'u'x quk', y na karaj ta k'u kasach uwach junoq. Ri karaj Rire e konoje ri tikawex kakitzelej kitzij chwach.
10Ek'u ruq'ijol ruk'unib'al ri Qanimajawal kak'un loq pacha' ri okib'al re juna eleq'om pa juna ja chaq'ab', ma ri eleq'om na kub'i'ij ta apanoq jampala' koponik. Chupa k'u wa' wa q'ij kasach uwach ruwa kaj ruk' jun nimalaj ch'awib'al kajininik y ronoje taq ri k'o chwach kasach kiwach ruma ri aq'. Yey ruwachulew y ronoje taq ri e k'o chwach keporotajik. 11We ronoje k'u ri' wa' jela' rusachik uwach ka'anik, ¿su'chak k'u ri' na kab'in ta alaq jusuk' ruk' jun saqil b'inik silab'ik chwach ri Dios? 12Ruk' k'u ronoje k'u'x alaq, lik chok alaq il che roy'exik ruk'unib'al ruq'ijol ri Dios. Ma chupa wa' wa q'ij ruwa kaj kumaj aq' y kasach uwach, y ronoje taq k'u ri' ri k'o che ruwa kaj kak'atik y kajaq'ur ruma ruk'atib'al ri aq'. 13No'j ri'oj qoye'em jun k'ak' uwa kaj y jun k'ak' uwachulew jela' pacha' rub'i'tisim ri Dios. Yey chiri', konoje xew e kaki'an ri lik jusuk'.
14E uwari'che ralaq hermanos, ruma oye'em alaq taq wa', e chu'ana ub'is k'u'x alaq ri kariqitaj alaq ruma ri Dios chi utzil chomal ruk' jun b'inik alaq lik jusuk', cha' na jinta mak alaq y na jinta junoq katz'aqaw mak chi'ij alaq. 15Lik maja k'u alaq usuk' wa': Runimal uk'u'x ri Qanimajawal quk' e re kojkolob'etajik jela' pacha' rutz'ib'am ri qa hermano Pablo che alaq, yey ri xutz'ib'aj rire e chirij ri na'oj ya'tal che ruma ri Dios. 16Ri Pablo lik xch'a't chwi taq wa'. Chupa taq rucartas k'o ri lik k'ayew umajik usuk'. Yey e taq k'u ri na jinta kimajom puwi wa' y na jinta ukowil ri kub'ulib'al kik'u'x, na jusuk' ta chi ub'i'xikil kaki'an puwi taq rutz'ib'am ri Pablo yey jenela' kaki'an ruk' ri nik'aj chik Utzij Upixab' ri Dios; y ruk' wa' e kakitzukuj ri q'atb'al tzij re ri Dios pakiwi'.
17E uwari'che ralaq hermanos, ruma eta'am chi alaq chi utz sa' ri katajin loq, lik chajij k'u ib' alaq cha' na kajek'etaj tub'i alaq ruma ri sokoso'nik ke ri lik na keb'in ta jusuk' y cha' na kaya ta kan alaq ri Utzilaj Tzij kojom chi alaq. 18Ri 'ana alaq e k'iya alaq chupa ri unimal rutzil uk'u'x ri Dios y che ri reta'maxik uwach chi utz ri Qanimajawal y Qakolob'enel Jesucristo. Che k'u Rire taqal wi ri yakb'al q'ij na jinta utaqexik wo'ora y chiqawach apanoq. Amén.
Currently Selected:
2 Pedro 3: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
2 Pedro 3
3
Ruk'unib'al ri Qanimajawal Jesucristo
1Hermanos, e uka'm carta wa' kantz'ib'aj pana che alaq. Yey chupa ukab'ichal carta lik e kank'osoj uwach ri saqil na'oj alaq ruk' pixab'anik, cha' ri na'oj alaq kak'oji' chi jusuk'. 2K'una k'u chik'u'x alaq ri xkib'i'ij lo rojertan ri q'alajisanelab' re ri Dios, yey ri kub'i'ij ri taqanik re ri Qanimajawal y Qakolob'enel, ri xk'ut che alaq kuma taq rutaqo'n ri Dios. 3Lik chirajawaxik nab'e na keta'maj alaq wa': Chupa taq ruk'isb'al q'ij keyaktaj lo winaq e ch'aminel, ri kakitaqej ri kirayib'al na chom ta uwach. 4Kakib'i'ij k'u che alaq: «¿Sa' xu'an ri' ri b'i'tisinik 'anom kan puwi rutzelejik lo ri Cristo? Ma ya ne xekam ri qachu-qaqaw, ri nab'e xekojow rub'i' ri Cristo; y ronoje junam u'anom chwi lo rujeqeb'al ruwachulew, na jinta k'o jalk'atajinaq che» kecha'. 5Jek'uwa' kakib'i'ij ma na kakaj taj kakimaj usuk' e rojertan e ri Dios ruk' Ruch'a'tem xu'an ruwa kaj y xu'an ruwachulew, yey wa' xuwinaqirisaj lo pa ri ya' y xutikib'a' chuxo'lib'al wa'.#Gn. 1:6-9 6Yey ruma k'u ri ya' re ri nimalaj jab' xutaq lo ri Dios, xsach kiwach taq ri winaq re ojertan y xjalk'atix uwach ruwachulew. 7Ek'u ruwa kaj y ruwachulew e k'o wo'ora, e chajital chi ruma ri tzij ub'i'im ri Dios k'a echiri' keya' pa aq' chupa ruq'ijol ri q'atb'al tzij, echiri' kasachisax kiwach ri tikawex lik e aj makib'.
8Pero ralaq hermanos, masach chik'u'x alaq wa': Chwach ri Qaqaw e ri jun q'ij e junam ruk' pacha' chi juna mil junab'; yey e ri jun mil junab' e junam ruk' pacha' chi juna q'ij. 9Ri Qanimajawal na kamayin ta che u'anik janipa rub'i'tisim loq, jela' pacha' ri kakib'i'ij jujun. Ma Rire lik k'o unimal uk'u'x quk', y na karaj ta k'u kasach uwach junoq. Ri karaj Rire e konoje ri tikawex kakitzelej kitzij chwach.
10Ek'u ruq'ijol ruk'unib'al ri Qanimajawal kak'un loq pacha' ri okib'al re juna eleq'om pa juna ja chaq'ab', ma ri eleq'om na kub'i'ij ta apanoq jampala' koponik. Chupa k'u wa' wa q'ij kasach uwach ruwa kaj ruk' jun nimalaj ch'awib'al kajininik y ronoje taq ri k'o chwach kasach kiwach ruma ri aq'. Yey ruwachulew y ronoje taq ri e k'o chwach keporotajik. 11We ronoje k'u ri' wa' jela' rusachik uwach ka'anik, ¿su'chak k'u ri' na kab'in ta alaq jusuk' ruk' jun saqil b'inik silab'ik chwach ri Dios? 12Ruk' k'u ronoje k'u'x alaq, lik chok alaq il che roy'exik ruk'unib'al ruq'ijol ri Dios. Ma chupa wa' wa q'ij ruwa kaj kumaj aq' y kasach uwach, y ronoje taq k'u ri' ri k'o che ruwa kaj kak'atik y kajaq'ur ruma ruk'atib'al ri aq'. 13No'j ri'oj qoye'em jun k'ak' uwa kaj y jun k'ak' uwachulew jela' pacha' rub'i'tisim ri Dios. Yey chiri', konoje xew e kaki'an ri lik jusuk'.
14E uwari'che ralaq hermanos, ruma oye'em alaq taq wa', e chu'ana ub'is k'u'x alaq ri kariqitaj alaq ruma ri Dios chi utzil chomal ruk' jun b'inik alaq lik jusuk', cha' na jinta mak alaq y na jinta junoq katz'aqaw mak chi'ij alaq. 15Lik maja k'u alaq usuk' wa': Runimal uk'u'x ri Qanimajawal quk' e re kojkolob'etajik jela' pacha' rutz'ib'am ri qa hermano Pablo che alaq, yey ri xutz'ib'aj rire e chirij ri na'oj ya'tal che ruma ri Dios. 16Ri Pablo lik xch'a't chwi taq wa'. Chupa taq rucartas k'o ri lik k'ayew umajik usuk'. Yey e taq k'u ri na jinta kimajom puwi wa' y na jinta ukowil ri kub'ulib'al kik'u'x, na jusuk' ta chi ub'i'xikil kaki'an puwi taq rutz'ib'am ri Pablo yey jenela' kaki'an ruk' ri nik'aj chik Utzij Upixab' ri Dios; y ruk' wa' e kakitzukuj ri q'atb'al tzij re ri Dios pakiwi'.
17E uwari'che ralaq hermanos, ruma eta'am chi alaq chi utz sa' ri katajin loq, lik chajij k'u ib' alaq cha' na kajek'etaj tub'i alaq ruma ri sokoso'nik ke ri lik na keb'in ta jusuk' y cha' na kaya ta kan alaq ri Utzilaj Tzij kojom chi alaq. 18Ri 'ana alaq e k'iya alaq chupa ri unimal rutzil uk'u'x ri Dios y che ri reta'maxik uwach chi utz ri Qanimajawal y Qakolob'enel Jesucristo. Che k'u Rire taqal wi ri yakb'al q'ij na jinta utaqexik wo'ora y chiqawach apanoq. Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.