Pakɔsje 1
1
MAKTUB GƎ DƆTAR
Nérɔlel gə́ gəd
1Dəw gə́ taa ta sula lə njémeeyèrje njaa keneŋ el ləm,
Gə ɔs gɔlee naŋg gèŋ rəw’g lə njékaiyaje el ləma,
Gə si na̰’d gə njékimlooje el ləm tɔ ndá
Yeḛ si gə rɔlel ya.
2Nɛ yeḛ ndá mée kaḭ dɔ godndu Njesigənea̰’g ləm,
Yeḛ la̰ji toree mée’g dan kàrá gə loondul’g ləm tɔ.
3Yeḛ to asəna gə kag gə́ mea̰ mbɔr mán’g bèe,
Ka̰dee andə gə naḭyee-naḭyee ləm,
Kamee kara ndòle el ləm tɔ.
Débee neelé néje lai gə́ yeḛ ra lé ɔr dɔ ya .
4Nɛ njémeeyèrje lé dee to togə́bè el.
Deḛ to d’asəna gə ləm mu gə́ lel sané kad bèe.
5Gelee gə́ nee ɓa njémeeyèrje lé
Ndɔ sariya ndá a kɔm dee’g el ləm,
Njékaiyaje kara
D’a si loo-mbo̰-dɔ-na̰’g lə njémeekarabasurje el ləm tɔ.
6Mbata njémeekarabasurje lé
Njesigənea̰ gər rəw-kaw dee ya,
Nɛ rəw-kaw njékaiyaje lé
Ɔm dee loo gə́ d’a gə tuji keneŋ pugudu.
Currently Selected:
Pakɔsje 1: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.