Jar mẽ kot amnhĩ nhĩpêx tũmta mex kêt. Ra mẽ piitã mẽ kot ja pumunh mex. Na htem htỳx ri hkwỳjê kamã hpijaàm kêt o pa. Jao mẽmyjaja hprõ kuhpa hã nhãm mẽnijê ho amnhĩkati. Nhũm mẽ hprõjaja mẽ mjên kuhpa hã nhãm mẽmyjê ho amnhĩkati. Nẽ mẽmy hkwỳjaja axtem nẽ mẽmyjê hkwỳ ho amnhĩkati. Nẽ mẽni hkwỳ haxwỳja axtem nẽ mẽnijê hkwỳ ho amnhĩkati. Nẽ mẽ kãm mẽmoj mẽ hikukrêx japê htỳx o kãm Tĩrtũm kĩnh jakre. Nẽ mẽmoj kaxyw ma wajaga hwỳr amnhĩ to pa. Nẽ hkwỳjê kamã oprê ho ri pa. Nẽ mẽmoj tã axpẽn kãm gryk pix nẽ. Nẽ mẽmoj to axpẽn pê õxỳ nẽ. Nẽ mẽmo mỳrapê axpẽn pê anhgrà nẽ amỳm ahpỹnhã ri pa. Nẽ mẽmoj tã axpẽn kamnhĩx rãhã ho ri pa. Nẽ axpã nẽ mẽ grer kãm ri axpẽn kãm hpijaàm kêt o ri pa. Ã na htem mẽ kot amnhĩ nhĩpêx tũm kôt amnhĩ nhĩpêx o ri mẽ pa xwỳnhjaja amnhĩ nhĩpêx anẽ. Ã mẽ kot amnhĩ nhĩpêx anhỹr xwỳnhjaja koja mẽ Tĩrtũm nhõ krĩ hwỳr gjêx kêt nẽ. Ra ixte mẽ amã ja jarẽnh tã pa axte mẽ amã harẽ. Mẽ ate hã ano htỳx rãhã ho ri apa kaxyw.
Read Karatas 5
Share
Compare all versions: Karatas 5:19-21
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos