Colosenses 3
3
1We c'astajinak chi alak junam ruc' ri Cristo, e tzucuj alak janipa ri cape chila' chicaj pa tz'ul wi ri Cristo puwiquik'ab ri Dios. 2E lic takej alak janipa ri re chila' chicaj y matakej c'u alak tak ri xa re ruwachulew. 3Ma e ralak caminak chi alak chwa tak ri xa re ruwachulew; ec'u wo'ora ri c'aslemal alak puk'ab ri Cristo c'o wi yey Rire ruc' ri Dios c'o wi. 4E ri Cristo ri uya'om c'aslemal alak. Yey echiri' Rire cac'un tanchic, junam ruc' Rire cak'alajisax wach alak pa ri unimal uchomalil.
Ri binic re ojer y ri c'ac' binic
5E uwari'che, e chesaj bi chupa ri anima' alak ri na utz ta uwach re ruwachulew: metz'abej uwa k'ij alak cuc' jujun chic na c'ulel ta alak, ma'an alak tak ch'ulilaj mac, maya ib alak che rayibal na chom ta uwach, marayij ne alak ca'an alak ri na utz taj. Qui'cota alak ruc' ronoje ri c'o uc' alak y marayij ne alak más; ma we c'o ri más c'ax cana' alak chwa ri Dios, e pacha' ca'an alak dios che wa'. 6Ma ri Dios cutak lo c'axc'obic paquiwi ri caqui'an tak wa' ruma na caquicoj ta utzij. 7Yey jenela' x'an ralak ojertan echiri' c'a c'o alak pa mac. 8Ec'u wo'ora hermanos e ya'a can alak ronoje tak wa': ri ca'an alak oyowal, ri alak c'a'n, ri ca'an alak ri na utz taj che jun chic, ri cach'a't alak chirij junok, ri cabi'ij alak ch'a'tem na chom ta uwach. 9Ma'an alak rak'ubal chiwach alak, ma esam chi ib alak che ri ojer binic silabic alak y che ronoje ri na utz taj rekelem tak wa'. 10E jalc'atajinak chi c'u alak che jun c'ac' binic silabic, ma jalan catajin jalc'atixic alak cha' jela' cu'ana alak pacha' ri Jun ri xuya c'ac' c'aslemal alak. Jec'uri'la' queta'maj alak uwach ri Dios pa sakil wi. 11Che wa jun c'ac' binic silabic na il ta chi uwach we junok e cuq'uil raj judi'ab o e cuq'uil ri na e ta aj judi'ab, we ucojom ri retalil re circuncisión o na ucojom taj, we aj naj o na jinta c'ana reta'am, we c'o puk'ab juna rajaw#3:11 “C'o puk'ab juna rajaw”: Quil “esclavo” pa vocabulario. o na jinta rajaw; ma xew ri Cristo cu'an xa jun chike konoje y puk'ab Rire oj c'o wi konoje.
12Ralak alak cha'tal chi ruma ri Dios y alak chi re Rire, yey lic c'ax cana' alak ruma Rire. Ruc' c'u ri binic silabic alak, lic c'utu alak wa': C'ola c'axna'bal c'u'xaj uc' alak che quito'ic jujun chic, c'utu alak ri relej c'u'x alak, ma'an nim chibil ib alak, chu'ana ri lic utz c'u'x alak chiwach alak y c'ola unimal c'u'x alak. 13Lic cuyu ib alak chiwach alak. We c'o junok xu'an ri na utz taj che alak, cuyu alak umac. Jela' pacha' xu'an ri Cristo echiri' xucuy mac ralak, jec'ula' ri' 'ana ralak. 14Yey chwi c'u ronoje tak wa', ri más chirajawaxic e lic c'ax cana' ib alak chiwach alak, ma e wa' ri cu'an xa jun che alak pa sakil wi. 15Ec'u ri utzil chomal re ri Dios takana pa anima' alak, ma ruma wa' xusiq'uij alak ri Dios cha' cu'an alak xa jun. Yey lic tioxin alak chwach ri Dios.
16Ruch'a'tem ri Cristo chunojisaj ronoje ri c'aslemal alak. C'utu c'u alak wa' wa ch'a'tem chibil ib alak y pixabaj ib alak ruc' sakil na'oj. Ruc' ronoje c'u'x alak tioxin alak chwach ri Dios y bixoj alak rubi' ruc' salmos, ruc' tak bix tz'ibital canok y ruc' bixobal ya'om che alak ruma ri Ruxlabixel. 17Yey ronoje ri ca'an alak y ronoje ri cabi'ij alak, 'ana alak chupa rubi' ri Kanimajawal Jesucristo y tioxin alak chwach ri Kakaw Dios ruma Rire.
Ri kabinic kasilabic chiquiwach ri ticawex
18E rilal ixok, ri c'ulan la, lic nimaj la ri achijil la, ma e takal ri' chique ri quicojom rubi' ri Kakaw.
19Yey rilal achi, ri c'ulan la, lic c'ax na'a la ri ixokil la. Mac'achc'at la chwa ujolom.
20Ec'u ri'ix ix alc'o'al, lic chicojo quitzij richu-ikaw che ronoje, ma wa' e cuc'ul uc'u'x ri Kanimajawal Jesucristo.
21Yey ralak ri c'o alc'o'al alak, mapetisaj alak coyowal ri alc'o'al alak, cha' jela' na capax ta quic'u'x.
22Ec'u rilal lal mocom, lic cojo la utzij ri patrón la che ronoje. Chacuna la ruc' xi'in ib chwach ri Dios y ruc' ronoje c'u'x la, na xew ta echiri' catzutzu'x la ruma ri patrón pacha' ri caqui'an ri xa caquitzucuj ri yacbal quik'ij. 23Ronoje c'u ri ca'an la, 'ana la ruc' ronoje c'u'x la, ma e ri Kanimajawal ri canimaj la y na e ta ri ticawex. 24Ma eta'am chi la c'o rajil uc'axel cuya ri Dios che'la e chirij ri 'anom la, ma ri canimaj la e ri Cristo ri Kajawal. 25No'j c'u ri ca'anaw ri na utz taj, ri' e cuc'ul ri tojbal re ri na utz taj u'anom, ma ri Dios cuya chiquijujunal sa' ri takal chique e chirij ri qui'anom.
Currently Selected:
Colosenses 3: acrT
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Colosenses 3
3
1We c'astajinak chi alak junam ruc' ri Cristo, e tzucuj alak janipa ri cape chila' chicaj pa tz'ul wi ri Cristo puwiquik'ab ri Dios. 2E lic takej alak janipa ri re chila' chicaj y matakej c'u alak tak ri xa re ruwachulew. 3Ma e ralak caminak chi alak chwa tak ri xa re ruwachulew; ec'u wo'ora ri c'aslemal alak puk'ab ri Cristo c'o wi yey Rire ruc' ri Dios c'o wi. 4E ri Cristo ri uya'om c'aslemal alak. Yey echiri' Rire cac'un tanchic, junam ruc' Rire cak'alajisax wach alak pa ri unimal uchomalil.
Ri binic re ojer y ri c'ac' binic
5E uwari'che, e chesaj bi chupa ri anima' alak ri na utz ta uwach re ruwachulew: metz'abej uwa k'ij alak cuc' jujun chic na c'ulel ta alak, ma'an alak tak ch'ulilaj mac, maya ib alak che rayibal na chom ta uwach, marayij ne alak ca'an alak ri na utz taj. Qui'cota alak ruc' ronoje ri c'o uc' alak y marayij ne alak más; ma we c'o ri más c'ax cana' alak chwa ri Dios, e pacha' ca'an alak dios che wa'. 6Ma ri Dios cutak lo c'axc'obic paquiwi ri caqui'an tak wa' ruma na caquicoj ta utzij. 7Yey jenela' x'an ralak ojertan echiri' c'a c'o alak pa mac. 8Ec'u wo'ora hermanos e ya'a can alak ronoje tak wa': ri ca'an alak oyowal, ri alak c'a'n, ri ca'an alak ri na utz taj che jun chic, ri cach'a't alak chirij junok, ri cabi'ij alak ch'a'tem na chom ta uwach. 9Ma'an alak rak'ubal chiwach alak, ma esam chi ib alak che ri ojer binic silabic alak y che ronoje ri na utz taj rekelem tak wa'. 10E jalc'atajinak chi c'u alak che jun c'ac' binic silabic, ma jalan catajin jalc'atixic alak cha' jela' cu'ana alak pacha' ri Jun ri xuya c'ac' c'aslemal alak. Jec'uri'la' queta'maj alak uwach ri Dios pa sakil wi. 11Che wa jun c'ac' binic silabic na il ta chi uwach we junok e cuq'uil raj judi'ab o e cuq'uil ri na e ta aj judi'ab, we ucojom ri retalil re circuncisión o na ucojom taj, we aj naj o na jinta c'ana reta'am, we c'o puk'ab juna rajaw#3:11 “C'o puk'ab juna rajaw”: Quil “esclavo” pa vocabulario. o na jinta rajaw; ma xew ri Cristo cu'an xa jun chike konoje y puk'ab Rire oj c'o wi konoje.
12Ralak alak cha'tal chi ruma ri Dios y alak chi re Rire, yey lic c'ax cana' alak ruma Rire. Ruc' c'u ri binic silabic alak, lic c'utu alak wa': C'ola c'axna'bal c'u'xaj uc' alak che quito'ic jujun chic, c'utu alak ri relej c'u'x alak, ma'an nim chibil ib alak, chu'ana ri lic utz c'u'x alak chiwach alak y c'ola unimal c'u'x alak. 13Lic cuyu ib alak chiwach alak. We c'o junok xu'an ri na utz taj che alak, cuyu alak umac. Jela' pacha' xu'an ri Cristo echiri' xucuy mac ralak, jec'ula' ri' 'ana ralak. 14Yey chwi c'u ronoje tak wa', ri más chirajawaxic e lic c'ax cana' ib alak chiwach alak, ma e wa' ri cu'an xa jun che alak pa sakil wi. 15Ec'u ri utzil chomal re ri Dios takana pa anima' alak, ma ruma wa' xusiq'uij alak ri Dios cha' cu'an alak xa jun. Yey lic tioxin alak chwach ri Dios.
16Ruch'a'tem ri Cristo chunojisaj ronoje ri c'aslemal alak. C'utu c'u alak wa' wa ch'a'tem chibil ib alak y pixabaj ib alak ruc' sakil na'oj. Ruc' ronoje c'u'x alak tioxin alak chwach ri Dios y bixoj alak rubi' ruc' salmos, ruc' tak bix tz'ibital canok y ruc' bixobal ya'om che alak ruma ri Ruxlabixel. 17Yey ronoje ri ca'an alak y ronoje ri cabi'ij alak, 'ana alak chupa rubi' ri Kanimajawal Jesucristo y tioxin alak chwach ri Kakaw Dios ruma Rire.
Ri kabinic kasilabic chiquiwach ri ticawex
18E rilal ixok, ri c'ulan la, lic nimaj la ri achijil la, ma e takal ri' chique ri quicojom rubi' ri Kakaw.
19Yey rilal achi, ri c'ulan la, lic c'ax na'a la ri ixokil la. Mac'achc'at la chwa ujolom.
20Ec'u ri'ix ix alc'o'al, lic chicojo quitzij richu-ikaw che ronoje, ma wa' e cuc'ul uc'u'x ri Kanimajawal Jesucristo.
21Yey ralak ri c'o alc'o'al alak, mapetisaj alak coyowal ri alc'o'al alak, cha' jela' na capax ta quic'u'x.
22Ec'u rilal lal mocom, lic cojo la utzij ri patrón la che ronoje. Chacuna la ruc' xi'in ib chwach ri Dios y ruc' ronoje c'u'x la, na xew ta echiri' catzutzu'x la ruma ri patrón pacha' ri caqui'an ri xa caquitzucuj ri yacbal quik'ij. 23Ronoje c'u ri ca'an la, 'ana la ruc' ronoje c'u'x la, ma e ri Kanimajawal ri canimaj la y na e ta ri ticawex. 24Ma eta'am chi la c'o rajil uc'axel cuya ri Dios che'la e chirij ri 'anom la, ma ri canimaj la e ri Cristo ri Kajawal. 25No'j c'u ri ca'anaw ri na utz taj, ri' e cuc'ul ri tojbal re ri na utz taj u'anom, ma ri Dios cuya chiquijujunal sa' ri takal chique e chirij ri qui'anom.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.