ጋላቲያ 1
1
1ታኒ ጳዉሎሲ፥ ዬሱሲ ኪሪስቶሲኔ ቃሲ ሃይቁዋፔ ኣ ዴንዳ ፆሳይ ኣዉ ኪቴዳዋፔ ኣቲን፥ ኣሳፔ ዎይ ኣሳ ባጋና ኪቴቴዳዋ ጊዲኬ። 2ሃ ታኒኔ ታናና ዴዒያ ኣማኒያ ኢሻቱ ኡባይ፥ ጋላቲያ ጋዲያን ዴዒያ ኣማኒያ ኣሳ ኡባው ሳሮታ ኪቴቶ።
3ፆሳይ ኑ ኣዉኔ ኑ ጎዳይ ዬሱሲ ኪሪስቶሲ ሂንቴንቶ ኣ ኬካቴኔ ሳሮቴ ኢሞ።
4ኑ ፆሳ፥ ኑ ኣዉዋ ሼኒያን ኪሪስቶሲ ሃ ኢታ ኦሱ ኦሴቲያ ዎዲያፔ ኑና ኣሻና ማላ፥ ኑ ናጋራ ዲራው፥ ባሬ ሁጲያ ኢሜዳ። 5ፆሳው ሜፔ ሜና ጋካናው ቦንቹ ጊዶ። ኣሜንዒ።
ሚሺራቹዋ ቃላ ቱሙ ኢቱዋ ፃላላ
6ኪሪስቶሳ ኣ ኬካቴን ሂንቴንታ ፄሴዳ ፆሳ ኣጊዴ፥ ሃራ ዎንጋላኮ፥ ሂንቴ ኤሌሊዴ፥ ዎቲ ሲሜዲቴንቶ ታው ኦራባ ጊዴዳ። 7ሂንቴንታ ቡልዓኪያዋንቱኔ ኪሪስቶሳ ሚሺራቹዋ ቃላ ጌላያናው ኮዪያ ኣማሬዳ ኣሳቱ ዴዒኖፔ ኣቲን፥ ቱሙፔ ሃራ ሚሺራቹዋ ቃላይ ባዋ። 8ሺን ሃራይ ኣቶ ኑና ጊዲና፥ ዎይ ሳሉዋፔ ኪታንቻ ጊዲና፥ ኑኒ ሂንቴንቶ ካሴ ኦዴዳ ሚሺራቹዋ ቃላፔ ዱማቲያዋ ሂንቴንቶ ኦዲያዋ ጊዶፔ፥ ኢ ሜናው ሼቄቴዳዋ ጊዶ። 9ካሴ ኑኒ ጌዳዋዳን፥ ሃዒካ ላዔንዋ ታኒ ኦዳይ፤ ሂንቴ ኣኬዳ ሚሺራቹዋ ቃላፔ ዱማቲያዋ ኦኒኔ ሂንቴንቶ ኦዶፔ፥ ሄ ኡራይ ሜናው ሼቄቴዳዋ ጊዶ።
10ሃዌ ታና ኣሳፔ ሳባ ኮዪያዋ ማላቲሲ? ማላቲሴና! ታኒ ፆሳይ ሎዓ ጊያዋ ኮያይ። ዎይ ታኒ ኣሳ ናሼቻናው ኮያይታ? ታኒ ሃዒካ ኣሳ ናሼቻናው ኮዪያዋ ጊዶፔ፥ ኪሪስቶሳ ኣይሌ ጊዲኬ።
ጳዉሎሲ ዬሱሲ ኪቴዳዋ ጊዴዳ ሃኑዋ
11ታ ኢሻቶ፥ ታኒ ሂንቴንቶ ኦዴዳ ሚሺራቹዋ ቃላይ ኣሳፔ ጊዴናዋ ሂንቴንቶ ኦዳይ። 12ኣዪሲ ጎፔ፥ ታው ዬሱሲ ኪሪስቶሲ ቆንጪሴዳፔ ኣቲን፥ ታኒ ሚሺራቹዋ ቃላ ኣሳፔ ኣካቤይኬ፤ ኣሳይ ታና ታማሪሲቤና።
13ካሴ ታኒ ኣዪሁዳ ኣማኑዋን ዴዒያ ዎዴ፥ ዋናዴ ዴዓዲታንቶ፥ ሂንቴ ሲሴዲታ፤ ታኒ ኪሪስቶሳ ኣማኒያዋንታ ቃሬታይ ባይናን ዬዴርሳዲኔ ዪሳናው ባፄታዲ። 14ታ ዎዴ ዴዔዳ ኣሳቱዋፔ ጮራቱዋ ኣዪሁዳ ኣማኑዋ ሂጊያ ናጉዋን ኣይ፤ ኑ ኣዎቱዋ ዎጋ ኦፔኔ ኣዴ ሲቃዲ።
15-16ሺን ፆሳይ ባሬ ኣ ኬካቴን፥ ታኒ ቢሮ ታ ዳዪ ኡሉዋን ዴዒሺን፥ ባሬው ኦናው ታና ፄሴዳ፤ ኣባ ኦዲያ ሚሺራቹዋ ቃላ ኣዪሁዳ ጊዴና ኣሳው ታኒ ኦዳና ማላ፥ ፆሳይ ባሬ ናዓ ታው ቆንጪሳናው ኮዬዳ ዎዴ፥ ዞሬታናው ኦኮኔ ባቤይኪ። 17ዎይ ታፔ ካሴ ዬሱሲ ኪቴዳዋንቱና ጋኬታናው ዬሩሳላሜ ባቤይኪ፤ ሺን ታኒ ኤሌካ ኣራቢያ ጌቴቲያ ጋዲያ ባዲ። ሄዋፔ ዳማስቆ ጊያ ካታማ ሲማዲ። 18ሄዙ ላይፔ ጉዪያን፥ ጴፂሮሳና #1፡18 ጴፂሮሳ፡ ግሪኬ ማፃፋይ ኬፋ ያጌ። ቢሌይካ ኣራማዪኬ ቃላን «ዛላ» ጊያዋ። ጋኬታናው ዬሩሳላሜ ባዴ፥ ኣናና ታማኔ ኢቼሹ ጋላሳ ኡታዲ። 19ሺን ዬሱሲ ኪቴዳዋንቱፔ ጎዳ ኢሻ ያዪቆባፔ ኣቲን፥ ሃራቱዋና ጋኬታቤይኪ።
20ታኒ ሂንቴንቶ ፃፊያዋን ዎሪ ባዋ፤ ታኒ ሂንቴንቶ ዎርዱዋ ኦዴናዋ ፆሳይ ማርካ!
21ሄዋፔ ጉዪያን፥ ሶሪያ ጌቴቲያ ጋዲያኔ ኪልቂያ ጌቴቲያ ጋዲያ ባዲ። 22ዪሁዳን ዴዒያ ኪሪስቶሳን ኣማኒያዋንቱ ታናና ኤሬታ ጊዲኪኖ። 23ሺን ሃራ ኣሳይ፥ «ኑና ዬዴርሲ ዩዪያ ቢታኒ ሃዋፔ ካሴ ኢ ዪሳናው ኮዪያ ኣማኑዋባ ሃዒ ኦዴ» ጊያዋ ኡንቱንቱ 24ሲሲዴ ታባን ፆሳ ጋላቴዲኖ።
Currently Selected:
ጋላቲያ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa