ቲታ 3
3
ፆሳ ኣሳይ ኦያ ኦሱዋ
1-2ኡንቱንቱ ሞዲያዋንቱሲኔ ማታይ ዴዒያዋንቱሲ ሞዴታናው፥ ኣዛዜታናዉኔ ሎዖ ኦሱዋ ኡባ ኦናው ጊጌታናዳን ኡንቱንታ ሃሳዪሳ፤ ቃሲ ኡንቱንቱ ኦ ቦላኒኔ ኢታ ቃላ ሃሳዬና ማላ፥ ኦናናኔ ዋላቄቴና ማላ፥ ኣሳ ኡባ ኣሺኬቴኔ ሲጋቴ ቤሲያዋንታ ጊዳናዳን ዞራ። 3ኣዪሲ ጎፔ፥ ኑኒ ካሴ ኑ ሁጴዉካ ኤያቱዋ፥ ኣዛዜቴናዋንታ፥ ባሊያዋንታኔ ኣሙዋሲኔ ዱማ ዱማ ናሼቻሲ ኣዪሊያዳን ሞዴቲያዋንታ፤ ቃሲ ኢታቴኒኔ ቃናቲያን ዴዒያዋንታ፤ ኣሳን ኢፄቲያዋንታኔ ኢቱ ኢቱዋካ ኢፂያዋንታ። 4ሺን ኑና ኣሺያ ፆሳ ኬካቴይኔ ኣሳ ኢ ሲቂያ ሲቁ ቆንጬዳ ዎዴ፥ 5ኢ ባሬ ማሮቴዳንካ፥ ኦራ ዬሌቱሳን ሃኔዳ ጌዩሳኒኔ ጌሻ ኣያናን ኦራፄዳዋን ኑና ኣሼዳዋፔ ኣቲን፥ ኑኒ ፂሎ ኦሱዋ ኦዳዋና ጊዴና። 6-7ፆሳይ ባሬ ኣ ኬካቴን ኑኒ ፂላናዳኒኔ፥ ኢ ኢማና ጌዳ ሜና ዴዑዋ ላታናዳን፥ ኑና ኣሺያ ዬሱሲ ኪሪስቶሳ ባጋና ጌሻ ኣያና ኑ ቦላ ዳሪሲዴ ቲጌዳ። 8ሃ ሃሳያይ ኣማኔቴዳዋ፤ ፆሳ ኣሳቱ ሎዖ ኦሱዋ ኦናው ጊጋናዳን፥ ሃ ዬዉዋ ኡንቱንቱሲ ኔኒ ሚኒሳዴ ኦዳናው ኮያይ፤ ሃዋንቱ ኣሳው ሎዓኔ ጎዒያዋንታ። 9ሺን ኤያቴ ፓሉማፔ፥ ዛሪያ ፓይዲያዋፔ፥ ዋላሳፔኔ ሂጊያባን ዋላቄቲያዋፔ ናጌታ። ኣዪሲ ጎፔ፥ ሄዋንቱ ጎዔናዋንታኔ ማዴናዋንታ። 10-11ሻኮቴ ሜያ ኡራይ ጌላ ኣሳ ጊዲያዋኔ ባሬ ሁጲያን ፒርዲዴ ናጋራ ኦያዋ ኤራዴ፥ ኢቲ ጌዴ ዎይ ላዑ ጌዴ ኣ ሴሬዳዋፔ ጉዪያን፥ ሄዋ ማላቲያ ኣሳፔ ሻኬታ።
ዉርሴ ዞሪያ
12ታኒ ኣርፄማሳ ዎይ ቲኪቆሳ ኔኮ ኪቲያ ዎዴ፥ ኔኒ ታኮ ኒቆጲሊዮና ያናው ሚና። ኣዪሲ ጎፔ፥ ታኒ ባልጉዋ #3፡12 ባልጉዋ፡ ጊሪኬ ቃላንካ ኢራይ ቡኪያ ዎዲያ ጊዲያዋ ኦዴ። ኢንጊሊዜዋን ‹ዊንቴር› ጊያዋ። ያኒ ሻጫናው ቆፋ ቃቻዲ። 13ሂጊያ ኤሪያ ዜናሲኔ ኣጲሎሲ ኦጊያ ቢያ ዎዴ፥ ኡንቱንቱሲ ኣያይኔ ፓጬና ማላ፥ ኡንቱንታ ሎይ ማዳ። 14ኑ ኣሳይካ ማዴና ኣሳ ጊዲዴ ኣቴና ማላ፥ ባሬንታ ሎይ ኮሺያዋ ዴማናው፥ ሎዖ ኦሱዋ ሚኒዴ ኦያዋ ታማሪኖ።
15ታናና ዴዒያ ኡባቱ ኔና ሳሮ ሳሮ ጌዲኖ። ኑና ኣማኑዋን ሲቂያዋንታ ሳሮ ሳሮ ጋ። ፆሳ ኣ ኬካቴይ ሂንቴናና ኡባና ኢቲፔ ጊዶ። ኣሜንዒ።
Currently Selected:
ቲታ 3: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa